నిజామాబాద్​లో రామోజీరావుకు నివాళులర్పించిన రామోజీ సంస్థల ఉద్యోగులు

Tribute to Ramoji Rao : నిజామాబాద్​లో రామోజీ సంస్థల ఛైర్మన్ రామోజీరావుకు ఆ సంస్థ ఉద్యోగులు, సిబ్బంది ఘన నివాళి అర్పించారు. నిజామాబాద్ యూనిట్ కార్యాలయంలో నిర్వహించిన సంస్మరణ కార్యక్రమంలో నిజామాబాద్, కామారెడ్డి, నిర్మల్ జిల్లాల నుంచి వివిధ విభాగాల్లో పని చేస్తున్న ఉద్యోగులు, సిబ్బంది పాల్గొన్నారు. ఈ సందర్భంగా రామోజీరావు చిత్ర పటానికి పూలమాలలతో నివాళులు అర్పించారు. ఈ సందర్భంగా పలు రంగాల్లో రామోజీరావు చేసిన సేవలను గుర్తు చేసుకున్నారు. ఆయనతో ఉన్న జ్ఞాపకాలను నెమరు వేసుకున్నారు. వృత్తిపట్ల అంకిత భావంతో ఎలా మెదగాలి అనేది ఆయన్ను చూసి నేర్చుకున్నట్లు రామోజీ సంస్థల ఉద్యోగులు తెలిపారు.