ఒక్క మెసేజ్​తో గ్రామానికి ఆర్టీసీ బస్సు- లోకేశ్ స్పందనకు విద్యార్థి సంఘాల వందనం

Lokesh Respond Students Bus Problem in Marlamadiki :తనకు ఒక్క మెసేజ్‌ పెడితే, వెంటనే స్పందిస్తానని విద్యాశాఖ మంత్రి నారా లోకేశ్ చెప్పిన విషయం తెలిసిందే. దీంతో బాధితులు ఏ సహాయం కావాలన్నా ఆయనకు సందేశాలు పంపిస్తున్నారు. అందుకు లోకేశ్ స్పందించి ఆయా శాఖల అధికారులతో మాట్లాడి వారి సమస్యలను పరిష్కరిస్తున్నారు. తాజాగా కర్నూల్ జిల్లా హులగుంద మండలం మార్లమడికి గ్రామానికి ఆర్టీసీ బస్సు నడపాలని లోకేశ్​కు విద్యార్థి సంఘాలు, విద్యార్థులు మెయిల్ చేశారు.

Lokesh Respond Students Mail :వెంటనే స్పందించిన లోకేశ్​, ఈ విషయాన్ని రవాణాశాఖ మంత్రి మండిపల్లి రాంప్రసాద్​రెడ్డి దృష్టికి తీసుకెళ్లి సమస్యను పరిష్కరించారు. ఈ క్రమంలోనే మార్లమడికి గ్రామానికి బస్సు సర్వీసును ఆదోని ఆర్టీసీ డిపో అధికారులు ప్రారంభించారు. దీంతో మంత్రి లోకేశ్​కు విద్యార్థి సంఘాలు, గ్రామస్తులు ధన్యవాదములు తెలిపారు.