ట్రావెల్స్​ బస్​ బోల్తా మహిళ మృతి- 19 మందికి తీవ్ర గాయాలు - Bus overturned 1 Died 19 Injured

Travels Bus Overturnrd Women Died 19 Injured In Palnadu : రోడ్డు ప్రమాదాల సంఖ్య రోజురోజుకూ పెరుగుతున్నాయి. వందలాది మంది ప్రజలు ప్రాణాలు కోల్పోతున్నారు. రోజుకు ఒకట్రెండు అయినా రోడ్డు ప్రమాదాలు జరుగుతూనే ఉన్నాయి. పల్నాడు జిల్లా నరసరావుపేట మండలం పెట్లూరివారిపాలెం వద్ద ఓ ప్రైవేటు ట్రావెల్​ బస్సు బోల్తా పడింది. ఈ ఘటనలో ఓ మహిళ మృతి చెందగా 19 మంది ప్రయాణికులకు తీవ్ర గాయాలయ్యాయి. గాయపడిన వారిని పోలీసులు నరసరావుపేటలోని ప్రైవేటు ఆస్పత్రికి తరలించారు. 

కర్ణాటక నుంచి యానాం వెళ్తుండగా మార్గమధ్యలో రాత్రి కురిసిన వర్షానికి రోడ్డుపై విరిగిపడిన చెట్టును  తప్పించే క్రమంలో అదుపుతప్పి బస్సు బోల్తా పడింది. ప్రమాదంలో విజయవాడకు చెందిన నిమ్మగడ్డ దివ్య అనే మహిళ బస్సు కింద పడి అక్కడికక్కడే మృతి చెందింది. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.  బస్సులో మొత్తం 39 మంది ప్రయాణికులు ఉన్నట్లు సమాచారం.