అధిక ధరకు విక్రయిస్తున్నారని మద్యం దుకాణాలపై దాడి - క్షణాల్లో వైన్​ బాటిళ్లను దోచుకున్న స్థానికులు

People Robbed Liquor in Wine Shop : అధిక ధరలకు వైన్​ విక్రయిస్తున్నారని పలు మద్యం దుకాణాలకు స్థానికులు భారీ షాక్​ ఇచ్చారు. వైన్​ షాపులపై దాడి చేస్తూ మద్యాన్ని లూటీ చేశారు. భద్రాద్రి కొత్తగూడెం జిల్లా టేకులపల్లిలో మద్యం ఎక్కువ ధరలకు అమ్ముతున్నారని అగ్రహం వ్యక్తం చేస్తూ నాలుగు దుకాణాలపై దాడికి దిగారు. ఈ క్రమంలో వైన్​షాప్​ లోపలికి వెళ్లిన స్థానికులు,  రెప్పపాటులో పలు మద్యం బాటిళ్లను దోచుకొని నిమిషాల వ్యవధిలో జారుకున్నారు. వీరిలో మహిళలు కూడా ఉన్నారు. 

Liquor Robbed in Bhadra Kothagudem : దర్జాగా సంచులతో సైతం ద్విచక్ర వాహనాలపై వచ్చిన కొందరు అందినకాడికి మద్యం బాటిళ్లను దోచుకున్నారు. విషయం తెలుసుకున్న పోలీసులు ఘటన స్థలానికి చేరుకుని విచారణ చేపట్టారు. ఈ మద్యం దుకాణాలన్నీ ప్రధాన రహదారిపై ఉండడంతో, కొంతసేపటి వరకు వాహనాలు నిలిచిపోయాయి. ఈ నేపథ్యంలో అక్కడున్న కొందరికి ఏమీ జరుగతుందనే అర్థంకాక గందరగోళం నెలకొంది. పలు దుకాణాల్లో భారీగా మద్యం తీసుకెళ్లడంతో వైన్​షాప్స్​ ఖాళీగా దర్శనమిచ్చాయి.