LIVE : విజయవాడ సింగ్‌నగర్‌లో సీఎం చంద్రబాబు పర్యటన - ప్రత్యక్షప్రసారం - CM TOUR AT VIJAYAWADA SINGH NAGAR

CM Visiting the Flood Effected Areas of Vijayawada Singh Nagar LIVE : విజయవాడ సింగ్​ నగర్​లోని వరద ప్రభావిత ప్రాంతాల్లో ముఖ్యమంత్రి నారా చంద్రబాబు నాయుడు పర్యటిస్తున్నారు. రెండు రోజులుగా కురుస్తున్న కుండపోత వర్షాలకు విజయవాడ నగరం చిగురుటాకులా వణుకుతోంది. ఎక్కడికక్కడ నిలిచిన వరదతో జనజీవనం అస్తవ్యస్తమైంది. నగరంలోని సింగ్​నగర్, కానూరులోని కల్పన నగర్‌, మాణిక్యనగర్‌, సనత్‌నగర్‌తోపాటు పలు కాలనీల్లోని రహదారులు తటాకాల్లా మారాయి. మురుగుకాల్వల వ్యవస్థ సరిగ్గా లేకపోవడంతో ఆ ప్రాంతమంతా జలదిగ్బంధమైంది. ఏరు-దారి ఏకమైపోవడంతో ఇళ్లలోంచి బయటకు రావాలంటేనే ప్రజలు భయపడిపోతున్నారు. అపార్టుమెంట్ల సెల్లార్లను ఎక్కడికక్కడ వరద ముంచెత్తింది. రోడ్లపై మోకాల్లోతు నీరు నిలవడంతో వాహనాల రాకపోకలకు తీవ్ర అంతరాయం ఏర్పడుతోంది. గుంతల్లో వాహనాలు ఇరుక్కుపోతున్న పరిస్థితి నెలకొంది. నీటమునిగిన గుంతల్లో పడి బైక్‌ నడిపేవారు గాయాలపాలవుతున్నారు. వరద ఉద్ధృతంగా ఉండటంతో చెత్త సేకరించేవారు కూడా పనులు మానేశారు. మంచి నీటి సరఫరా చేసే బోర్లు నీటమునిగాయి. విద్యుత్‌ సబ్‌స్టేషన్‌లోకి నీరు చేరి ప్రమాదకరంగా మారింది. దీంతో ప్రస్తుతం విజయవాడ సింగ్​ నగర్​లోని వరద ప్రభావిత ప్రాంతాల్లో ముఖ్యమంత్రి నారా చంద్రబాబు నాయుడు పర్యటిస్తున్నారు. ప్రత్యక్షప్రసారం మీకోసం.