తిరుమలలో డిసెంబర్​లో విశేష పర్వదినాలు ఇవే! - 15న కార్తిక దీపోత్సవం

డిసెంబర్​లో శ్రీవారి ఆలయంలో విశేష పర్వదినాల తేదీలను ప్రకటించిన టీటీడీ

Tirumala Special Festivals in December : తిరుమలలో కలిగయుగ ప్రత్యక్ష దైవం శ్రీ వేంకటేశ్వర స్వామిని దర్శించుకునేందుకు ప్రపంచం నలుమూలల నుంచి నిత్యం భక్తులు తరలివస్తుంటారు. స్వామి రూపాన్ని కనులారా వీక్షించి ధన్యులు అవుతారు. ఈ నేపథ్యంలోనే శ్రీవారికి ప్రతిరోజూ నిత్య పూజలు, వివిధ సేవలు నిర్వహిస్తారు. విశేష పర్వదినాల్లో శ్రీనివాసుడికి విశేష పూజలు జరుపుతారు. ఈ క్రమంలోనే డిసెంబర్ నెలలో నిర్వహించే విశేష పర్వదినాల వివరాలను టీటీడీ ఓ ప్రకటనలో తెలిపింది.

డిసెంబర్​లో విశేష పర్వదినాలు :

• డిసెంబర్ 1న నాలుగో విడత అధర్వణ వేదపారాయణం ప్రారంభం
• 11న సర్వ ఏకాదశి
• 12న చక్రతీర్థ ముక్కోటి
• 13న తిరుమంగై ఆళ్వార్ శాత్తుమొర
• 14న తిరుప్పాణాళ్వార్ వర్ష తిరునక్షత్రం
• 15న శ్రీవారి ఆలయంలో కార్తిక దీపోత్సవం
• 16న ధనుర్మాసారంభం
• 26న సర్వ ఏకాదశి
• 29న మాస శివరాత్రి, తొండరడిప్పొడియాళ్వార్ వర్ష తిరునక్షత్రం
• 30న శ్రీవారి ఆలయంలో అధ్యయనోత్సవాలు ప్రారంభం

Tirumala Vaikunta Dwara Darshan 2025 :తిరుమలలో వైకుంఠ ఏకాదశిని పురస్కరించుకుని విస్తృత ఏర్పాట్లు చేస్తున్నట్లు టీటీడీ పేర్కొంది. ఇందులో భాగంగా వచ్చే సంవత్సరం జనవరి 10 నుంచి జనవరి 19 వరకు 10 రోజులపాటు వైకుంఠ ద్వార దర్శనానికి అవకాశం కల్పిస్తున్నామని వివరించింది. ఈ సమయంలో వీఐపీ ప్రొటోకాల్‌ దర్శనాలు మినహా చంటిపిల్లలు, దివ్యాంగులు, వృద్ధులు, ఎన్​ఆర్ఐ, ఆర్మీల దర్శనాలు, ఇతర ఆర్జిత సేవలు రద్దు చేస్తున్నట్లు టీటీడీ వెల్లడించింది.