లక్కీ లాక్​డౌన్ - ఐసీఎన్ మిస్టర్ ఇండియా మన వైజాగ్​ యువకుడే - Pawan Vizag Got Mister India Title

Pawan From Vizag Got Mister India Title in ICN Bodybuilding Championship Competition : కరోనా మహమ్మారి కొందరికి నష్టం కలిగించినా మరి కొందరికి మేలు చేసింది. కొత్త అభిరుచులు, జీవిత లక్ష్యాలను అందించింది. ఇందుకు నిదర్శనమే విశాఖలో ఒక మధ్య తరగతి కుటుంబానికి చెందిన పవన్ ను మిస్టర్ ఇండియా టైటిల్ దక్కించుకునేలా చేసింది. కేవలం యూట్యూబ్ వీడియోలు గురువులుగా మిత్రుల సహకారంతో నాలుగేళ్లుగా చేసిన బాడీ బిల్డింగ్ జాతీయ స్థాయిలో విజేతగా నిలబెట్టింది.

Pawan From Vizag Got Mister India Title in ICN Body Building Championship Competition :ఆరిలోవకు చెందిన కె. పవన్ ఒక మధ్య తరగతి కుటుంబానికి చెందిన యువకుడు. నాలుగేళ్ల క్రితం కరోనా సమయంలో లాక్ డౌన్​ బయటకు రావడానికి లేని సమయంలో ఇంటిలో యూట్యూబ్ ఛానల్ చూస్తూ ఉండేవాడు. ఆ సమయంలో కొందరు జిమ్, బాడీ బిల్డింగ్ సర్కిల్ పరిచయం అయ్యారు. వారు ఇచ్చిన సహకారంతో మెల్లమెల్లగా జిమ్ చేయడం, బాడీ బిల్డింగ్ సాధన చేసాడు. నాలుగేళ్లు సాధన చేస్తున్న సమయంలో గోవాలో ఐసీఎన్ మిస్టర్ ఇండియా, బాడీ బిల్డింగ్ పోటీలు జరుగుతాయని తెలుసుకుని వెళ్లి పాల్గొన్నాడు. సుమారు రెండు వందల మందికి పైగా పోటీదారుల మధ్య తన ప్రతిభను చూపించి ఐసీఎన్ మిస్టర్ ఇండియా, బాడీ బిల్డింగ్ పోటీలో వ్యక్తిగత పతకాలతో పాటు మిస్టర్ ఇండియా టైటిల్ గెలుచుకున్నాడు. ఇప్పుడు ఇంటర్ నేషనల్ బాడీ బిల్డింగ్ పోటీలకు సిద్ధం అవుతున్నాడు. సరదాగా మొదలు పెట్టిన బాడీ బిల్డింగ్ తనకు ఒక గొప్ప లక్ష్యాన్ని అందించిందని చెప్తున్నాడు పవన్.

'విశాఖ లంకపల్లి బుల్లయ్య కాలేజీ లో డిగ్రీ చివరి సంవత్సరం చదువుతూ మిగిలిన సమయంలో జిమ్ చేస్తూ బాడీ బిల్డింగ్ చేస్తూ తన కల నెరవేర్చుకోవడానికి శ్రమిస్తూ పవన్​కు కుటుంబ సహకారం ఎప్పుడూ ఉంటుంది. మధ్య తరగతి కుటుంబంలో పుట్టిన బిడ్డకు ప్రోత్సాహం ఇస్తున్న వారందరికి చాలా థాంక్స్.'-బుజమ్మ ,పవన్ తల్లి

'ఆరిలోవ వాసులు పవన్ గెలుపుతో గర్వపడుతున్నారు. తమ మధ్య ఉన్న యువకుడు గోవాలో విశాఖ పేరు నిలబెట్టారని రానున్న రోజులో మరిన్ని విజయాలు సాధించాలని కోరుతున్నారు. క్రీడా సంస్థలు , క్రీడా పోత్సాహకారులు పవన్​కు చేయూత అందిస్తే అంతర్జాతీయ స్థాయి లో జరిగే పోటీలో కూడా మన దేశ పేరు , విశాఖ పేరు నిలబెడతారని ఆశిస్తున్నాము.' -ఆరిలోవ వాసులు

సరదాగా మొదలుపెట్టిన అభిరుచి ఇప్పుడు ఒక ప్రోషెషనల్ విన్నర్​గా పవన్​ను మార్చింది. ఇప్పుడు అదే అభిరుచితో అంతర్జాతీయ స్థాయిలో గెలవడమే కాకూండా డిఫెన్స్ సెక్టార్​లో ఉన్నతాధికారిగా ఎదగాలని కోరుకుంటున్నాడు. ఏ గురువు లేకుండా కేవలం యూట్యూబ్ వీడియోలతో మిత్రులతో వీడియో కాల్స్​తో తీసుకున్న శిక్షణ తనని ఒక ఉక్కు మనిషిలా మార్చిందని ఆనందభాష్పాలు వెదజల్లుతున్నాడు.