Nandamuri Balakrishna Rakhi Celebrations With Family :రాఖీ పండుగను నందమూరి కుటుంబ సభ్యులు ఘనంగా జరుపుకున్నారు. హిందూపురం ఎమ్మెల్యే, ప్రముఖ హీరో నందమూరి బాలకృష్ణ తన సోదరీమణులు లోకేశ్వరి, పురందేశ్వరి, భువనేశ్వరిలతో రాఖీ కట్టించుకున్నారు. ఈ సందర్భంగా పురందేశ్వరి బాలయ్యను ఆట పట్టించారు. పదేళ్ల వయస్సులో రాఖీ కడితే కేవలం పది పైసలు మాత్రమే ఇచ్చాడంటూ బాల్య స్మృతులను గుర్తుచేసుకున్నారు. అనంతరం బాలకృష్ణ దంపతులు అక్కల నుంచి ఆశీర్వాదం తీసుకున్నారు. కాళ్లకు దణ్ణం సరిగా పెట్టు అంటూ పురందేశ్వరి మరోమారు బాలయ్యను చమత్కరించారు.
అభిమానికి ఊహించని గిఫ్ట్- కుటుంబంతో కలసి భోజనం చేసిన బాలయ్య - Balakrishna Lunch With his fan
నందమూరి ఇంట ఘనంగా రాఖీ పండుగ : దేశవ్యాప్తంగా రక్షాబంధన్ పండుగ ఘనంగా జరిగింది. అలాగే ప్రపంచ వ్యాప్తంగా ఉన్న భారతీయులు సైతం ఈ వేడుకను కుటుంబసభ్యుల మధ్య ఆనందోత్సహాంగా జరుపుకున్నారు. ఈ నేపథ్యంలో టాలీవుడ్ విషయానికొస్తే నందమూరి వారి ఇంటా జరిగిన రాఖీ పండుగ వేడుకలు అందరిని ఆకట్టుకున్నాయి. ప్రస్తుతం ఆ దృశ్యాలు సామాజిక మాధ్యమాల్లో తెగ సందడీ చేస్తున్నాయి. అవును నందమూరి కుటుంబం ఇంట జరిగిన రాఖీ సంబరాలకు సంబంధించిన వీడియో ఇప్పుడు నెట్టింట తెగ సందడి చేస్తుంది. ఆ వీడియోలో నందమూరి బాలకృష్ణ అక్కాచెల్లెళ్లు భువనేశ్వరి, పురందేశ్వరి, లోకేశ్వరి తమ సోదరుడు బాలయ్యకు రాఖీలు కట్టారు. అనంతరం బాలయ్య సతీసమేతంగా తన సోదరీమణుల పాదాలకు నమస్కరించి ఆశీర్వాదం తీసుకున్నారు.
'బాలయ్య సర్ బాలయ్య' అంతే : ఇలా నందమూరి బాలకృష్ణ తనకంటే పెద్దవాళ్ల దగ్గర ఆశీర్వాదం తీసుకొవడంతోపాటు రాఖీ కట్టినందుకు తన సోదరీమణులకు కానుకలు ఇచ్చినట్లు వీడియోలో కనిపించింది. అనంతరం బాలకృష్ణ తన సోదరీమణులతో కలిసి అప్యాయంగా ఫోటోలు దిగారు. ప్రస్తుతం నందమూరి ఇంట్లో జరిగిన ఈ సంబరాలకు సంబంధించిన దృశ్యాలు సామాజికి మాధ్యమాల్లో వైరల్ అవుతున్నాయి. దీంతో 'బాలయ్య సర్ బాలయ్య అంతే ' అంటూ నెటిజన్లు తెగ కామెంట్లు చేస్తున్నారు.