భారీవర్షాలతో ప్రజలకు తీవ్ర ఇబ్బందులు - రైళ్లు రద్దైపోవటంతో ప్రయాణికుల అవస్థలు - HEAVY RAINS IN AP

Heavy Rains Various District in AP : రాష్ట్రంలో భారీ వర్షాల కారణంగా ప్రజలు తీవ్ర ఇబ్బందులు ఎదుర్కొన్నారు. పలుచోట్ల వరద కారణంగా వాగులు, వంకలు, కాలువలు పొంగిపోర్లుతున్నాయి. వర్షాల కారణంగా రైళ్లు రద్దైపోవటంతో ప్రయాణికులు నానా అవస్థలు పడ్డారు.

Heavy Rains Various District in AP :రాష్ట్రంలో కురుస్తోన్న భారీవర్షాలతో ప్రజలు తీవ్ర ఇబ్బందులు పడుతున్నారు. పలు ప్రాంతాల్లో వాగులు, వంకలు పొంగిపొర్లటంతో రాకపోకలకు తీవ్ర అంతరాయం ఏర్పడింది. లోతట్టు ప్రాంతాలను ముంపు నుంచి తప్పించేందుకు అధికారులు తగిన చర్యలు తీసుకున్నారు.

పొంగిపొర్లుతున్న వాగులు, కాలువలు :కాకినాడ జిల్లాలో మూడురోజుల నుంచి భారీ వర్షాలు కురుస్తున్నాయి. ప్రత్తిపాడు, ఏలేశ్వరం, శంఖవరం మండలాల్లో ఉన్న చెరువులు, వాగులు పొంగి పొర్లుతున్నాయి. మధ్య తరహా సాగు నీటి ప్రాజెక్ట్ సుబ్బారెడ్డి సాగర్ నుంచి 600 కూసెక్కులు నీరు కాలువల ద్వారా తరలిపోతుంది. తాండవ రిజర్వాయర్ నుంచి నీటిని విడుదల చేయటంతో లోతట్టు ప్రాంత ప్రజలను అధికారులు అప్రమత్తం చేశారు. ఎమ్మెల్యే దివ్య వరద ప్రభావిత ప్రాంతాలను పరిశీలించారు. తుని, పాయకరావుపేట మధ్య వంతెన గోడ పడిపోవడంతో అధికారులు రక్షణచర్యలు చేపట్టారు. అన్నవరం పంపా రిజర్వాయర్ లో నీటి నిల్వలు పెరగటంతో నీటిని విడుదల చేస్తున్నారు. 'మాకు ఈసారీ వరద ముప్పు తప్పేలా లేదు' - గత అనుభవాలతో బెంబేలెత్తుతున్న దివిసీమ ప్రజలు - Flood Threat in Diviseema

ప్రయాణికుల అవస్థలు :అల్లూరి సీతారామరాజు జిల్లా వై.రామవరం మండలం బొడ్డగుంట గ్రామానికి చెందిన వీరలక్ష్మికి పురిటి నొప్పులు రావటంతో ఆమెను కిలోమీటరు దూరం మోసుకెళ్లి అతికష్టం మీద వాగుదాటి అంబులెన్సు ఎక్కించారు. అంబులెన్సులోనే వీరలక్ష్మి మగబిడ్డకు జన్మనిచ్చింది. వరద ప్రభావంతో విశాఖ నుంచి బయలుదేరే పలు రైళ్లు రద్దుకావటంతో ప్రయాణికులకు పడిగాపులు తప్పటంలేదు. సుదూర ప్రాంతాలకు వెళ్లేందుకు రవాణా సదుపాయం లేదని ప్రయాణికులు ఆవేదన వ్యక్తం చేశారు. భారీ వర్షాల కారణంగా ఒంగోలులో ముంపు ప్రాంతాల్లో అధికారులు చర్యలు చేపట్టారు. కాలువలను ఆక్రమించి చేపట్టిన నిర్మాణాలను తొలగించారు. పోతురాజు కాలువలో పేరుకుపోయిన చెత్త తొలగించారు.