Ecological Knowledge Park in Sunnipenta of Kurnool District : ఉరుకుల పరుగుల జీవితంలో పచ్చని చెట్టుకింద కూర్చొని ప్రకృతి అందాలను తిలకించడం గొప్ప వరం. వారాంతరాల్లో, సెలవుల్లో పిల్లలను తీసుకొని పార్కుకు వెళ్తే చాలా ప్రశాంతంగా ఉంటుంది. పిల్లలు ఆడుకోవడమే కాకుండా ఎన్నో విషయాలు నేర్చుకోవడానికి ఆస్కారం ఉంటుంది. అలాంటి ఎకొలాజికల్ ఉద్యానవనం మన కర్నూలు జిల్లాలో ఉందని మీకు తెలుసా!
సున్నిపెంటలోని ఎకొలాజికల్ పార్కు పర్యాటకులను ఆకర్షిస్తోంది. దీనిని 2011- 12లో ఏర్పాటు చేశారు. వేల సంవత్సరాల నుంచి ఇప్పటి వరకు భూమిపై చోటుచేసుకున్న పర్యావరణ మార్పులను కళ్లకుకట్టేలా దీనిని రూపొందించారు. ఇక్కడ డైనోసార్లు, వివిధ రకాల జంతువుల బొమ్మలు ఏర్పాటు చేసి వాటి జీవిత విశేషాలను వివరించారు. ఈ పార్కులో బిగ్‌ బ్యాంగ్‌ మొదలుకొని ఆదిమానవుడి జీవనం వరకు జీవ పరిణామ క్రమాన్ని తెలుసుకోవచ్చు.