'కోడిగుడ్డు తెల్ల సొన వదలకండి - ముడతలు పడిన చర్మానికి దివ్యౌషధం!'

వయసు పెరిగే కొద్దీ ముడతలు రావడం సహజం - ఇలా చేస్తే మంచి ఫలితం!

Tips to Reduce Wrinkles on Neck :వయసు పెరుగుతున్న కొద్దీ ముఖం మీద, అలాగే మెడ వద్ద చర్మం వదులుగా మారి ముడతలు పడడం, సన్నని గీతలు రావడం సహజం! అయితే, చాలా మంది ముఖంపై ముడతలు తగ్గడానికి రకరకాల చిట్కాలు పాటిస్తారు. కానీ, మెడపై వచ్చే ముడతల గురించి పెద్దగా పట్టించుకోరు. అయితే, కొన్ని టిప్స్​ పాటించడం వల్ల ముడతలు తగ్గి యవ్వనంగా కనిపిస్తామని నిపుణులు చెబుతున్నారు. ఆ టిప్స్​ మీ కోసం.

గుడ్డు తెల్లసొనతో!

కోడిగుడ్డులోని తెల్లసొన చర్మానికి ఎన్నో విధాలుగా ఉపయోగపడుతుంది. ఇది చర్మాన్ని బిగుతుగా ఉంచడానికి, మొటిమలను తగ్గించడానికి, చర్మానికి తేమను అందించడానికి సహాయపడుతుందని నిపుణులు చెబుతున్నారు. అయితే, మెడపైన వచ్చే ముడతలను తగ్గించడానికి కోడిగుడ్డులోని తెల్లసొన ఎలా ఉపయోగపడుతుందో ఇప్పుడు చూద్దాం. ఇందుకోసం కోడిగుడ్డులోని తెల్లసొనలో రెండు చెంచాల తేనె వేసి బాగా మిక్స్​ చేయాలి. ఈ మిశ్రమాన్ని ముఖం, మెడపైన ప్యాక్‌లా వేసుకోవాలి. ఒక పావుగంట తర్వాత గోరువెచ్చని నీళ్లతో శుభ్రం చేసుకోవాలి. ఇలా వారానికోసారి క్రమం తప్పకుండా ఈ ప్యాక్‌ అప్లై చేసుకోవడం వల్ల మంచి ఫలితం ఉంటుంది.

olive oil (ETV Bharat)

ఆలివ్ నూనె (olive oil):

ముందుగా గోరువెచ్చని నీళ్లు, నూనె రహిత క్లెన్సర్‌తో ముఖం, మెడ భాగాలను క్లీన్​ చేసుకోవాలి. తర్వాత కొద్దిగా ఆలివ్ నూనె తీసుకొని చేతి మునివేళ్ల సహాయంతో ఈ నూనెను మెడ వద్ద అప్లై చేస్తూ గుండ్రంగా రుద్దుతూ కాసేపు మృదువుగా మర్దన చేయాలి. ఇలా మెడ చుట్టూ ఆలివ్ ఆయిల్​తో మర్దన చేసుకోవడం వల్ల అక్కడి చర్మకణాలకు సహజ తేమ అందడమే కాకుండా వదులైన చర్మం తిరిగి బిగుతుగానూ మారుతుందని నిపుణులు చెబుతున్నారు.

మెడకు సంబంధించిన వ్యాయామాలు :

మనం ఆరోగ్యంగా ఉండడానికి పరుగు, నడక, సైక్లింగ్​ వంటి వ్యాయామాలు చేస్తుంటాం. అయితే, మెడపైన వచ్చే ముడతలను తగ్గించుకోవడానికి మెడ భాగానికి సంబంధించిన వ్యాయామాలు క్రమం తప్పకుండా చేయాలి. ఫలితంగా అక్కడ ఉన్న చర్మకణాలు పునరుత్తేజితమవుతాయి. ఫలితంగా కొలాజెన్‌ ఉత్పత్తై అక్కడ స్కిన్​ బిగుతుగా మారుతుంది. తద్వారా మెడ భాగం వద్ద స్కిన్​పై ఉండే ముడతలు తగ్గుముఖం పట్టడమే కాదు వదులుగా మారిన చర్మం తిరిగి బిగుతుగా మారుతుంది.

నిమ్మరసం, పెరుగుతో :

రెండు టేబుల్​స్పూన్ల పెరుగులో రెండు చుక్కల నిమ్మరసం వేసి బాగా కలపాలి. ఈ మిశ్రమాన్ని మెడ, ముఖంపై ప్యాక్‌లా అప్త్లె చేసుకోవాలి. అనంతరం 10 నిమిషాల పాటు మృదువుగా మర్దన చేసుకోవాలి. ఆపై 5 నిమిషాల పాటు అలాగే ఉంచుకొని గోరువెచ్చని నీటితో కడిగేసుకోవాలి. ఇలా వారానికి రెండు సార్లు చేస్తే చక్కటి ఫలితం ఉంటుంది.

aloe vera (ETV Bharat)

కలబందతో!

కలబంద గుజ్జు, తేనె టేబుల్​స్పూన్​ చొప్పున ఒక బౌల్‌లోకి తీసుకొని బాగా కలపాలి. ఈ మిశ్రమాన్ని ముఖం, మెడ వద్ద ప్యాక్‌లా వేసి పావుగంట పాటు ఆరనివ్వాలి. అనంతరం గోరువెచ్చని నీళ్లతో ముఖం శుభ్రం చేసుకోవాలి. ఇలా చిన్నచిన్న చిట్కాలు ట్రై చేస్తే మెడపై ఉన్న ముడతలు తగ్గుతాయంటున్నారు నిపుణులు.

NOTE :ఇక్కడ మీకు అందించిన ఆరోగ్య సమాచారం, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం. కానీ, వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.