தமிழ்நாட்டில் பள்ளிகள் திறப்பு தேதி மாற்றம்.. எப்போது தெரியுமா? - TN School reopening date

TN School reopening: தமிழ்நாட்டில் ஜூன் 6-க்கு பதிலாக ஜூன் 10-ம் தேதி திங்கள்கிழமை பள்ளிகள் திறக்கப்படும் என பள்ளிக்கல்வித்துறை இயக்குனர் அறிவித்துள்ளார்.

சென்னை: வெயிலின் தாக்கம் காரணமாக தமிழ்நாட்டில் உள்ள அரசு, அரசு உதவிபெறும் மற்றும் தனியார் பள்ளிகள் ஜூன் 10-ம் தேதி திங்கள்கிழமை திறக்கப்படும் என பள்ளிக்கல்வித்துறை இயக்குனர் அறிவித்துள்ளார். முன்னதாக, ஜூன் 6 அன்று பள்ளிகள் திறக்க இருந்த நிலையில் மாற்றம் செய்யப்பட்டுள்ளது குறிப்பிடத்தக்கது.

மேலும், இது தொடர்பாக பள்ளிக்கல்வித்துறை அமைச்சர் அன்பில் மகேஷ் பொய்யாமொழி வெளியிட்டுள்ள எக்ஸ் தளப் பதிவில், “வெயிலின் தாக்கம் அதிகம் இருப்பதால் மாணவர்களின் உடல் நலத்தைக் கருத்தில் கொண்டு மாண்புமிகு தமிழ்நாடு முதலமைச்சர் மு.க.ஸ்டாலின் அவர்களின் ஆணைக்கிணங்க ஜூன் 10-ஆம் தேதி பள்ளிகள் திறக்கப்படும்” எனத் தெரிவித்துள்ளார்.