சென்னை: சென்னை விமான நிலையம், தனியார் பள்ளிகள், மால்கள் மற்றும் அரசு அலுவலகங்களுக்கு இமெயில் மூலமாக கடந்த ஆறு மாதங்களாக மர்ம நபர்கள் வெடிகுண்டு மிரட்டல் விடுத்து பீதியை ஏற்படுத்தி வருகின்றனர். சில நேரங்களில் தனிநபர் பெயரிலும், காவல்துறை உயர் அதிகாரிகள் பெயரிலும் போலியான இணையதள முகவரியை உருவாக்கி, அதன் மூலம் வெடிகுண்டு மிரட்டல் விடுத்து வருகின்றனர்.
இந்த நிலையில், நேற்று இந்தியா முழுவதும் 30 ஷாப்பிங் மால்களுக்கு மின்னஞ்சல் மூலம் வெடிகுண்டு மிரட்டல் விடுக்கப்பட்டுள்ளது. அதன்படி, சென்னை அண்ணா நகரில் உள்ள தனியார் ஷாப்பிங் மாலுக்கும் மின்னஞ்சல் மூலம் மிரட்டல் வந்துள்ளது. அந்த மின்னஞ்சலிலேயே நாடு முழுவதும் பிரபலமான வணிக வளாகங்களிற்கும் மிரட்டல் இமெயில் சென்றிருப்பது தெரிய வந்துள்ளது.