மதுரை: மதுரையிலுள்ள ஆவின் நிறுவனத்தைப் பார்வையிட்டு ஆய்வு மேற்கொண்ட பால்வளத்துறை அமைச்சர் மனோ தங்கராஜ், பின்னர் செய்தியாளர்களைச் சந்தித்தார். அப்போது பேசிய அவர், தமிழ்நாடு முழுவதும் ஆயிரக்கணக்கான வாகனங்களின் மூலமாக பால் விநியோகம் நடைபெறுகிறது எனவும், அதில் ஏதேனும் ஒரு வாகனம் பழுதானால் கூட விநியோகத்தில் தாமதம் ஏற்பட்டு விடுகிறது.
அமைச்சர் மனோ தங்கராஜ் பேட்டி (Credits - ETV Bharat Tamil Nadu)
இதுபோன்ற சிக்கல்கள் தவிர, ஆவின் விநியோக அமைப்பில் எந்தவித குறைபாடுமில்லை என்றும், இதையும் நாங்கள் சரி செய்துவிட்டோம் எனத் தெரிவித்தார். அதேபோன்று ஆவின் பால் குடோனிலிருந்து வெளியே செல்லும் வரை பால் எதுவும் கெடுவதற்கு வாய்ப்பில்லை எனவும், எடுத்துச் செல்கின்ற வாகனங்களில் உள்ள குளிர்பதனங்களில் ஏதேனும் பழுது நேர்ந்தால் இது போன்ற தவறுகள் நிகழ்வதாக தெரிவித்தார்.