மதுரை:மதுரை பேரையூரைச் சேர்ந்த வாசுமதி என்பவர் தாக்கல் செய்த மனுவில், “நான் தமிழ்நாடு அரசின் முறையான அனுமதியோடு கிராம மக்களின் தேவைகளை நிறைவேற்றும் விதம், கடந்த ஒரு வருடத்திற்கு மேல் பேரையூர் சூலப்புரம் பகுதியில் வாடகை கட்டடத்தில் இ-சேவை மையம் நடத்தி வருகிறேன். இந்த நிலையில், சிலர் எனது இ-சேவை மையத்தின் முன்பு, கட்டடத்தை மறைக்கும் வகையில் பிளக்ஸ் போர்டு வைத்தனர்.
இதனால் நாங்கள் பிளக்ஸ் போர்டை சிறிது நகற்றி மாற்றம் செய்ததற்காக, தேவையற்ற பிரச்னையை எழுப்பி, என் மீதும், எனது குடும்பத்தினர் மீது டி.கல்லுப்பட்டி காவல் நிலையத்தில் புகார் அளித்தனர். இது குறித்து காவல்துறை விசாரணை செய்து, பின் மீண்டும் இ-சேவை மையத்தை மறைக்கும் வகையில் பிளக்ஸ் போர்டை மாற்றி வைத்தனர். இது குறித்து மீண்டும் எனது குடும்பத்தினர் கேள்வி எழுப்பியபோது, எனது மாமியார் மற்றும் மாமனாரை கடுமையாக தாக்கி, இழிவான வார்த்தைகளால் பேசினர்.
ஏற்கனவே அனுமதியற்ற பிளக்ஸ் போர்டுகளை வைக்கக் கூடாது என உயர் நீதிமன்றம் உத்தரவிட்டு உள்ள நிலையில், சமூக பதற்றத்தை ஏற்படுத்தும் வகையில், பொதுமக்கள் பயன்படுத்தும் இ-சேவை மையத்தை மறைத்து, அனுமதியின்றி சட்ட விரோதமாக குறிப்பிட்ட சமூகத்தினர் வைத்துள்ள பிளக்ஸ் போர்டை அகற்ற வேண்டும். மேலும், கொலை மிரட்டல் விடுத்து தாக்குதல் நடத்தியவர்கள் மீது நடவடிக்கை எடுக்க உத்தரவிட வேண்டும்” என குறிப்பிட்டு இருந்தார்.