தூத்துக்குடி: தூத்துக்குடி மாவட்ட ஆட்சியர் அலுவலகத்தில் இன்று செவித்திறன் குறைபாடு உடையவர்களுக்கான நலத்திட்டம் வழங்கும் நிகழ்ச்சி காலை 10:30 மணிக்கு நடைபெற்றது. இதில், தூத்துக்குடி நாடாளுமன்ற உறுப்பினர் கனிமொழி கலந்துகொண்டு நலத்திட்ட உதவிகளை வழங்கினார்.
பின்பு செய்தியாளர்கள் காத்திருந்ததை அறிந்த கனிமொழி அடுத்ததாக தூத்துக்குடி மாவட்ட குடிநீர் பிரச்னை குறித்த கூட்டத்தில் அதிகாரிகளுடன் பங்கேற்றார். சுமார் 2 மணி நேரத்துக்கு மேலாக செய்தியாளர்களை தவிர்க்கும் வகையில் கூட்டத்தில் பங்கேற்றார். பின்னர், அவரது வருகைக்காக செய்தியாளர்கள் சுமார் 3 மணி நேரம் மாவட்ட ஆட்சியர் அலுவலக வளாகத்தில் காத்திருந்தனர்.
இதைத்தொடர்ந்து கூட்டம் முடிந்த பின்னர் வந்த நாடாளுமன்ற உறுப்பினர் கனிமொழி, செய்தியாளர்களைச் சந்திக்க மறுத்தார். அடுத்ததாகக் கூட்டம் இருக்கிறது அதற்குச் செல்ல வேண்டும் எனக் கூறிவிட்டு பதில் அளிக்காமல் சென்று விட்டார்.