வீட்டில் வளர்ந்த பசுமாட்டிற்கு வளைகாப்பு நடத்திய வீடியோ (Credits - ETV Bharat Tamil Nadu)
தென்காசி: கடையம் அருகேயுள்ள பூவன்குறிச்சி என்ற கிராமத்தைச் சேர்ந்தவர்கள் கனகராஜ் - பால சரஸ்வதி தம்பதி. கனகராஜ், கடையம் கிராமத்தின் முன்னாள் கவுன்சிலராக இருந்த நிலையில், தற்போது முழு நேர விவசாயியாக பல ஆண்டுகளாக காளை, பசு மாடுகளை அவரது வீட்டில் வளர்த்து வருகிறார்.
இதில் அவர் வளர்த்து வரும் ஒரு பசுமாடு, அவரது வீட்டிலேயே தற்போது முதல் சினையாகி கன்று ஈன்ற தயாராக உள்ளது. இந்த நிலையில், பசுமாட்டிற்கு விவசாய தம்பதி வளைகாப்பு நடத்தி அசத்தியுள்ளனர். பசுமாட்டின் கொம்பில் வளையல் அணிவித்தும், புத்தாடை அணிவித்தும், வளைகாப்பிற்கு சொந்த பந்தங்களை அழைத்து விருந்து வைத்து அசத்தினர்.