ராணிப்பேட்டை:ராணிப்பேட்டை மாவட்டம், அரக்கோணம் ரயில் நிலையத்தில் உள்ள 3 மற்றும் நான்காவது நடைமேடையில் சென்னை நோக்கிச் செல்லும் வழியில் சிக்னல் கோளாறு ஏற்பட்டுள்ளதால், ரயில்களுக்கு சிக்னல் கிடைக்காமல் ரயில்கள் அடுத்தடுத்து நடைமேடைகளில் நிறுத்தம் செய்யப்பட்டுள்ளது.
சிக்னல் கோளாறால் நிறுத்தி வைக்கப்பட்ட ரயில்கள்:இந்த சிக்னல் கோளாறு காரணமாக, திருத்தணியில் இருந்து சென்னை செல்ல வேண்டிய காலை 6 மணி ரயில் முதல் 9 ரயில் வரை, அமைத்து ரயில்களும் ரயில் நிலையத்திலேயே அடுத்தடுத்து நிறுத்தி வைக்கப்பட்டது. இதன் காரணமாக, பல்வேறு பணிகளுக்காக சென்னை நோக்கிச் செல்ல வேண்டிய பயணிகள் கடுமையாக அவதிப்பட்டனர். இதில் ஆத்திரம் அடைந்த பயணிகள், அரக்கோணம் ரயில் நிலைய அதிகாரியை முற்றுகையிட்டு வாக்குவாதத்தில் ஈடுபட்டதால் பரபரப்பு நிலவியது.