கோவை மாவட்ட ஆட்சியர் கிராந்தி குமார் பாடி அளித்த பேட்டி (Credits - ETV Bharat Tamil Nadu)
கோயம்புத்தூர்: பொள்ளாச்சி, மகாலிங்கம் பொறியியல் கல்லூரியில் பன்னிரண்டாம் வகுப்பு தேர்ச்சி பெற்ற மாணவர்கள் அனைவரும் கல்லூரி படிப்புகள் மற்றும் கல்லூரிகள் சார்ந்த விவரங்களை அறிந்து கொள்ளும் பொருட்டும், உயர்கல்வியின் முக்கியத்துவம் சார்ந்த விழிப்புணர்வை பெறும் பொருட்டும் 'கல்லூரிக் கனவு' நிகழ்ச்சி மாவட்ட ஆட்சியர் கிராந்தி குமார் பாடி தலைமையில் நடைபெற்றது.
இந்நிகழ்ச்சிக்குப் பின் செய்தியாளர்களிடம் பேசிய மாவட்ட ஆட்சியர், "தமிழ்நாடு அரசு கல்லூரி மாணவ மாணவிகள், பள்ளி மாணவ, மாணவிகள் நலன் கருதி, பல நல்ல திட்டங்கள் அறிமுகப்படுத்தப்பட்டுள்ளது. ஏழை எளிய குழந்தைகள் படிக்கும் கனவுத் திட்டங்கள் எண்ணற்ற அளவில் உள்ள நிலையில், அதனை முறையாக பயன்படுத்தி மாணவ, மாணவிகள் தங்களை மேம்படுத்திக் கொள்ள வேண்டும்.