சென்னை: தியாகராய நகர் காவல் மாவட்டத்தில் சிறப்பு குற்ற புலனாய்வு பிரிவு உதவி ஆய்வாளராக பணிபுரிந்து வந்தவர் ஜான் ஆல்பர்ட். இவர் சென்னை பட்டினப்பாக்கத்தில் உள்ள காவலர் குடியிருப்பில் குடும்பத்துடன் வசித்து வந்தார். கடந்த 2016ஆம் ஆண்டு காவல் உதவி ஆய்வாளராக பணியில் சேர்ந்துள்ளார். இந்நிலையில் ஜான் ஆல்பர்ட் அவரது மனைவிகும் இடையே பிரச்சனை இருந்து வந்ததாக கூறப்படுகிறது.
இந்நிலையில், நேற்று தனது வீட்டில் ஜான் ஆல்பர்ட் தற்கொலை செய்து கொண்டுள்ளார். நீண்ட நேரம் வெளியே வராததால் சந்தேகம் அடைந்த அவரது மனைவி ஜான் ஜெஸ்ஸி, அக்கம் பக்கத்தில் இருப்பவர்கள் உதவியுடன் கதவை உடைத்து பார்த்தபோது, அவரது கணவர் தற்கொலை செய்து கொண்டது தெரியவந்தது. தகவலின் பேரில் அங்கு வந்த 108 ஆம்புலன்ஸ் ஊழியர்கள் அவரை பரிசோதித்துப் பார்த்துவிட்டு இறந்து விட்டதாக தெரிவித்துள்ளனர்.