மத்தியப் பிரதேசத்தில் கொலை; சென்னையில் கட்டட வேலை - போலீசுக்கு தண்ணிகாட்டியவர்கள் சிக்கியது எப்படி? - Madhya Pradesh accused in Chennai

Madhya Pradesh accused arrested in Chennai: மத்தியப் பிரதேச மாநிலத்தில் கொலை வழக்கு ஒன்றில் தேடப்பட்டு வந்த முக்கிய குற்றவாளிகளாக கருதப்பட்ட இருவரை, சென்னையில் பதுங்கி இருந்துபோது தமிழக போலீசார் உதவியுடன் அம்மாநில போலீசார் கைது செய்து அழைத்துச் சென்றனர்.

சென்னை: மத்தியப் பிரதேசத்தில் கடந்த சில மாதங்களுக்கு முன்பு தீரன்சிங் என்பவர் மர்ம நபர்களால் வெட்டிக் கொலை செய்யப்பட்டார். இந்தக் கொலை சம்பவம் தொடர்பாக அம்மாநில போலீசார் வழக்குப்பதிவு செய்து விசாரணை நடத்தி வருகின்றனர். மேலும், இச்சம்பத்தில் செயின்சிங் (36) மற்றும் நோகத்சிங்(35) ஆகியோர் முக்கிய குற்றவாளியாக கருதப்பட்டனர்.

இதனிடையே, இருவரும் தலைமறைவானதாகக் கூறப்பட்டதை அடுத்து, அவர்களை மத்தியப் பிரதேச போலீசார் தனிப்படை அமைத்து தீவிரமாக தேடி வந்தனர்.‌ மேலும் அவர்களின் செல்போன் எண்ணை வைத்து டவர் லோக்கேஷனை ஆய்வு செய்தபோது, இருவரும் சென்னையில் பதுங்கி இருப்பது கண்டுபிடிக்கப்பட்டதாகக் கூறப்படுகிறது.

அதனையடுத்து, சென்னைக்கு வந்த மத்தியப் பிரதேச தனிப்படை போலீசார், சென்னை திருமங்கலம் காவல் நிலைய போலீசார் உதவியுடன், திருமங்கலம் பகுதியில் உள்ள வி.ஆர்.மால் (VR Mall) பின்புறம் புதிதாக கட்டப்பட்டு வரும், அடுக்கு மாடி குடியிருப்பில் பதுங்கி இருந்த செயின்சிங் மற்றும் நோகத்சிங் ஆகியோரை கைது செய்தனர்.

பின்னர் அவர்களிடம் மேற்கொள்ளப்பட்ட விசாரணையில், இருவரும் கடந்த சில மாதங்களாக இந்த குடியிருப்பு பகுதியில் தங்கி கட்டிட வேலை பார்த்து வந்தது தெரியவந்தது. இதனை அடுத்து மத்தியப் பிரதேச போலீசார் இருவரையும் நீதிமன்றத்தில் ஆஜர்படுத்தி, பின்னர் மத்தியப் பிரதேசத்திற்கு அழைத்துச் சென்றனர்.

ஈடிவி பாரத் தமிழ் வாட்ஸ்ஆப் சேனலில் இணைய இங்கே கிளிக் செய்யவும்

ஈடிவி பாரத் தமிழ்நாடு (ETV Bharat Tamil Nadu)

இதையும் படிங்க:ஆம்ஸ்ட்ராங் கொலை வழக்கு: ஆந்திராவில் தலைமறைவாகி உள்ள ரவுடி சீசிங் ராஜா; தேடுதல் வேட்டை தீவிரம்!