சென்னை:ஏஜிஎஸ் எண்டர்டெயிண்ட்மெண்ட் தயாரிப்பில் வெங்கட் பிரபு இயக்கத்தில் விஜய் நடித்துள்ள ’கோட்’ திரைப்படம் நாளை (செப் 5) வெளியாகிறது. இப்படத்தில் மோகன், பிரசாந்த், சினேகா, பிரபுதேவா, பிரேம்ஜி உள்ளிட்ட பலர் நடித்துள்ளனர். அதிக பொருட்செலவில் தயாராகியுள்ள கோட் திரைப்படம் நாளை (செப் 5) வெளியாகிறது. ஏற்கனவே கோட் படத்தின் முன்பதிவு உலகம் முழுவதும் தொடங்கியுள்ள நிலையில், இதுவரை 23 கோடி வசூல் செய்துள்ளது.
இந்நிலையில் கோட் படத்தின் முதல் காட்சி இந்திய அளவில் கேரளாவில் காலை 4 மணிக்கு திரையிடப்படுகிறது. அதனைத்தொடர்ந்து ஐ-மேக்ஸ் தொழில்நுட்பத்தில் கோவையில் காலை 7.30 மணிக்கு சிறப்புக் காட்சி திரையிடப்படுகிறது. இந்நிலையில் 'கோட்' படத்தின் சிறப்புக் காட்சிக்கு தமிழ்நாடு அரசு அனுமதி அளித்து அரசாணை வெளியிட்டுள்ளது.