டிஎன்பிஎஸ்சி குரூப் 2 தேர்வர்களுக்கு குட் நியூஸ்.. என்ன தெரியுமா?

டிஎன்பிஎஸ்சி குரூப் 2 மற்றும் 2A காலிப் பணியிடங்களின் எண்ணிக்கையை 2,540 ஆக அதிகரித்து தமிழ்நாடு அரசு பணியாளர் தேர்வாணையம் அறிவித்துள்ளது.

சென்னை: தமிழ்நாடு அரசு பணியாளர் தேர்வாணையம் நடத்தும் குரூப் 2 மற்றும் குரூப் 2A தேர்வர்களுக்கான காலிப் பணியிடங்களின் எண்ணிக்கையில் 213 இடங்கள் அதிகமாக சேர்க்கப்பட்டுள்ளதாகவும், அதன்படி மொத்த காலிப் பணியிடங்கள் எண்ணிக்கை 2,540 அதிகரித்துள்ளதாக டிஎன்பிஎஸ்சி அறிவித்துள்ளது.

நடப்பாண்டிற்கான டிஎன்பிஎஸ்சி குரூப் 2 மற்றும் 2ஏ தேர்வு மாநிலம் முழுவதும் கடந்த செப்டம்பர் 14ஆம் தேதி நடைபெற்றது. 2,327 காலிப்பணியிடங்களுக்கான இந்த தேர்வை சுமார் 5 லட்சத்து 81 ஆயிரத்து 305 பேர் எழுதியது குறிப்பிடத்தக்கது. குரூப் 2-வில் 507 இடங்களும், குரூப் 2ஏ-வில் 1,820 பணியிடங்களும் என மொத்தமாக 2 ஆயிரத்து 327 பணியிடங்கள் இருந்தது.

இதன் மூலம் உதவி ஆய்வாளர், துணை வணிகவரி அலுவலர், இளநிலை வேலைவாய்ப்பு அலுவலர், நன்னடத்தை அலுவலர், சார் பதிவாளர், சிறப்பு உதவியாளர், வனவர் உள்ளிட்ட பணியிடங்கள் நிரப்பப்பட உள்ளது குறிப்பிடத்தக்கது.

தற்போது, மாணவர்களின் கோரிக்கையை ஏற்று 213 இடங்கள் அதிகரிக்கப்பட்டுள்ள நிலையில், குரூப் 2 மற்றும் 2ஏ காலிப் பணியிடங்கள் 2,340 ஆக அதிகரித்துள்ளதாக டிஎன்பிஎஸ்சி தலைவர் தெரிவித்துள்ளார். இந்த செய்தி, தேர்வு எழுதிய தேர்வர்களுக்கு பெரும் மகிழ்ச்சியை அளித்துள்ளது. இதேபோல், குரூப் 4 காலிப் பணியிடங்களின் எண்ணிக்கை 9,491 ஆக உயர்த்தப்பட்டுள்ளதாக தமிழ்நாடு பணியாளர் தேர்வாணையம் அறிவித்திருந்தது.

ஈடிவி பாரத் தமிழ்நாடு (ETV Bharat Tamil Nadu)

ஈடிவி பாரத் வாட்ஸ்அப் சேனலில் இணையஇங்கே கிளிக் செய்யவும்