ਹੰਸ ਰਾਜ ਹੰਸ ਨੇ ਮੋਦੀ ਨੂੰ ਦੱਸਿਆਂ ਸੰਤ-ਮਹਾਂਪੁਰਸ਼

ਹੰਸ ਰਾਜ ਹੰਸ ਨੇ ਨਰਿੰਦਰ ਮੋਦੀ ਦੇ ਸੋਹਲੇ ਗਾਉਂਦੇ ਹੋਏ ਉਨ੍ਹਾਂ ਨੂੰ ਸੰਤ ਮਹਾਂਪੁਰਸ਼ ਆਖਿਆ ਹੈ। ਸੰਸਦ ਮੈਂਬਰ ਬਣਨ ਤੋਂ ਬਾਅਦ ਹੰਸ ਰਾਜ ਹੰਸ ਜਲੰਧਰ ਪਹੁੰਚੇ ਸਨ।

ਜਲੰਧਰ: ਉੱਤਰੀ-ਪੱਛਮੀ ਦਿੱਲੀ 'ਚੋਂ ਚੋਣ ਜਿੱਤ ਕੇ ਲੋਕ ਸਭਾ ਪਹੁੰਚੇ ਹੰਸ ਰਾਜ ਹੰਸ ਨੂੰ ਆਪਣੇ ਘਰ ਦੀ ਯਾਦ ਆਈ ਤੇ ਉਹ ਜਲੰਧਰ ਜਾ ਪਹੁੰਚੇ। ਇਥੇ ਪਹੁੰਚਣ 'ਤੇ ਸ਼ਹਿਰ ਵਾਲਿਆਂ ਨੇ ਤੇ ਪਾਰਟੀ ਵਰਕਰਾਂ ਨੇ ਉਨ੍ਹਾਂ ਦਾ ਨਿੱਘਾ ਸਵਾਗਤ ਕੀਤਾ।

ਇਸ ਦੌਰਾਨ ਈਟੀਵੀ ਭਾਰਤ ਨਾਲ ਗੱਲਬਾਤ ਕਰਦਿਆਂ ਹੰਸ ਰਾਜ ਹੰਸ ਨੇ ਕਿਹਾ ਕਿ ਵਿਰੋਧੀਆਂ ਨੇ ਉਨ੍ਹਾਂ ਨੂੰ ਬਾਹਰ ਦਾ ਆਖ ਕੇ ਹਰਾਉਣ ਦਾ ਪੂਰਾ ਜ਼ੋਰ ਲਾਇਆ ਸੀ ਪਰ ਦਿੱਲੀ ਵਾਲਿਆਂ ਨੇ ਉਨਾਂ ਹੀ ਘੁੱਟ ਕੇ ਗਲ੍ਹ ਨਾਲ ਲਾਇਆ। ਪੀਐੱਮ ਨਰਿੰਦਰ ਮੋਦੀ ਦੀ ਤਰੀਫ਼ਾਂ ਦੇ ਕਸੀਦੇ ਪੜ੍ਹਦੇ ਹੋਏ ਹੰਸ ਰਾਜ ਹੰਸ ਨੇ ਕਿਹਾ ਕਿ ਐੱਨਡੀਏ ਦਾ ਲੀਡਰ ਚੁਣੇ ਜਾਣ ਤੋਂ ਬਾਅਦ ਮੋਦੀ ਇੰਝ ਬੋਲ ਰਹੇ ਸਨ ਜਿਵੇਂ ਕੋਈ ਸਿਆਸਤਦਾਨ ਨਹੀਂ ਸੰਤ ਮਹਾਂਪੁਰਸ਼ ਬੋਲ ਰਿਹਾ ਹੋਵੇ। ਉਨ੍ਹਾਂ ਨੇ ਜਲੰਧਰ ਵਾਸੀਆਂ ਦਾ ਵੀ ਧੰਨਵਾਦ ਕੀਤਾ ਤੇ ਕਿਹਾ ਕਿ ਉਹ ਜਲੰਧਰ ਦੀ ਧਰਤੀ 'ਤੇ ਮੱਥਾ ਟੇਕਣ ਹੀ ਆਏ ਹਨ।