ਅੰਮ੍ਰਿਤਸਰ: ਭਿੱਖੀਵਿੰਡ ਇਲਾਕੇ ਵਿੱਚ ਲਗਾਤਾਰ ਹੋ ਰਹੀਆਂ ਚੋਰੀਆਂ ਦਾ ਸਿਲਸਿਲਾ ਰੁਕਣ ਦਾ ਨਾਂਅ ਨਹੀਂ ਲੈ ਰਿਹਾ। ਜਿਸ ਸਬੰਧੀ ਭਿੱਖੀਵਿੰਡ ਥਾਣਾ ਵਿੱਚ ਦਿੱਤੇ ਬਿਆਨਾ ਵਿੱਚ ਦਿਲਬਾਗ ਸਿੰਘ ਪੁੱਤਰ ਹਰਭਜਨ ਸਿੰਘ ਵਾਸੀ ਮਾਛੀਕੇ ਹਾਲ ਵਾਸੀ ਕੱਚਾ ਪਹੂਵਿੰਡ ਰੋਡ ਕਾਲੋਨੀ ਨੇ ਦੱਸਿਆ, ਕਿ ਮੇਰੇ ਪਿਤਾ ਹਰਭਜਨ ਸਿੰਘ ਦੀ 10 ਜੂਨ ਨੂੰ ਮੌਤ ਹੋ ਗਈ ਸੀ। ਜਿਸ ਕਰਕੇ ਮੈਂ ਆਪਣੇ ਪਰਿਵਾਰ ਸਮੇਤ ਆਪਣੀ ਕੋਠੀ ਨੂੰ ਤਾਲਾ ਲਾ ਕੇ ਪਿੰਡ ਮਾਛੀਕੇ ਵਿਖੇ ਚਲਾ ਗਿਆ ਸੀ।
CCTV ਕੈਮਰੇ ਦੇ ਪਹਿਰੇ ਹੇਠਾਂ ਤੋਂ ਉਡਾਏ 17 ਲੱਖ 50 ਹਜ਼ਾਰ ਰੁਪਏ
ਦਿਲਬਾਗ ਸਿੰਘ ਮੁਤਾਬਿਕ ਜਦੋਂ ਉਹ 20 ਜੂਨ ਨੂੰ ਸ਼ਾਮ ਕਰੀਬ 5 ਵਜੇ ਆਪਣੇ ਪਰਿਵਾਰ ਸਮੇਤ ਘਰ ਵਾਪਸ ਆਇਆ, ਤਾਂ ਘਰ ਦੇ ਅੰਦਰ ਦੇ ਸਾਰੇ ਤਾਲੇ ਟੁੱਟੇ ਹੋਏ ਸਨ। ਤੇ ਸਾਰਾ ਸਮਾਨ ਖਿਲਰਿਆ ਹੋਇਆ ਸੀ। ਤੇ ਸਾਰੀਆਂ ਅਲਮਾਰੀਆਂ ਤੇ ਬੈੱਡ ਬਾਕਸ ਖੋਲ੍ਹੇ ਹੋਏ ਸਨ। ਚੋਰਾਂ ਵੱਲੋਂ ਕਾਫ਼ੀ ਸਮਾਨ ਚੋਰੀ ਕੀਤਾ ਜਾ ਚੁੱਕਾ ਸੀ।