ਅੰਮ੍ਰਿਤਸਰ: ਸ਼੍ਰੋਮਣੀ ਅਕਾਲੀ ਦਲ ਟਕਸਾਲੀ ਦੇ ਪ੍ਰਧਾਨ ਰਣਜੀਤ ਸਿੰਘ ਬ੍ਰਹਮਪੁਰਾ ਨੇ ਕਿਹਾ ਕਿ ਅਕਾਲੀ ਦਲ ਅਤੇ ਕਾਂਗਰਸ ਨੇ ਜਿਮਨੀ ਚੋਣਾਂ ਵਿੱਚ ਆਪਣੀ ਸਾਖ ਗਵਾ ਲਈ ਹੈ ਕਿਉਂਕਿ ਦਾਖਾ ਚੋਣਾਂ ਜਿਥੇ ਕੈਪਟਨ ਦੀ ਨੱਕ ਦਾ ਸਵਾਲ ਸੀ, ਉਥੇ ਹੀ ਜਲਾਲਾਬਾਦ ਸੁਖਬੀਰ ਬਾਦਲ ਦੀ ਸਾਖ ਦਾ ਸਵਾਲ ਸੀ, ਪਰ ਦੋਵੇ ਹੀ ਆਪਣੀ ਆਪਣੀ ਵਕਾਰੀ ਸੀਟ ਨਹੀਂ ਬਚਾ ਸਕੇ, ਇਸ ਤੋਂ ਪਤਾ ਲਗਦਾ ਹੈ ਕਿ ਕਾਂਗਰਸ ਤੇ ਅਕਾਲੀ ਜਨਤਾ ਵਿੱਚ ਆਪਣੀ ਸਾਖ ਨਹੀਂ ਬਚਾ ਸਕੇ।
ਵੀਡੀਓ
ਬ੍ਰਹਮਪੁਰਾ ਨੇ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550 ਸਾਲਾ ਪ੍ਰਕਾਸ਼ ਪੁਰਬ ਨੂੰ ਸਾਂਝੇ ਤੌਰ ਤੇ ਮੁਨਾਉਣ ਨੂੰ ਲੈ ਕੇ ਕਿਹਾ ਕਿ ਦੋਵਾਂ ਪਾਰਟੀਆਂ ਨੂੰ ਮਿਲ ਕੇ ਇਹ ਪ੍ਰਕਾਸ਼ ਪੁਰਬ ਮੁਨਾਉਣ ਚਾਹੀਦਾ ਹੈ, ਅਤੇ ਉਹ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਦੇ ਫ਼ੈਸਲੇ ਨਾਲ ਸਹਿਮਤ ਹਨ ਕਿ ਕੋਈ ਵੀ ਸਟੇਜ ਲਗਾ ਸਕਦਾ ਹੈ ਪਰ ਉਥੋਂ ਗੁਰੂ ਨਾਨਕ ਦੇਵ ਜੀ ਦਾ ਹੀ ਫਲਸਫਾ ਹੀ ਦੇਣਾ ਪਵੇਗਾ।