ਤਾਪਸੀ ਨੇ ਵਿੰਨ੍ਹਿਆ ਕੰਗਨਾ ਦੀ ਭੈਣ 'ਤੇ ਨਿਸ਼ਾਨਾ

ਤਾਪਸੀ ਪੰਨੂ ਅਤੇ ਭੂਮੀ ਪਾਂਡੇਕਰ ਦੀ ਫ਼ਿਲਮ 'ਸਾਂਡ ਕੀ ਆਖ' ਦਾ ਟੀਜ਼ਰ ਰਿਲੀਜ਼ ਹੋ ਚੁੱਕਾ ਹੈ। ਇਸ ਟੀਜ਼ਰ 'ਤੇ ਵਰੁਣ ਨੇ ਨਿਰਦੇਸ਼ਕ ਦੀ ਤਾਰੀਫ਼ ਕੀਤੀ ਜਿਸ 'ਤੇ ਤਾਪਸੀ ਨੇ ਕਿਹਾ ਵਰੁਣ ਸਾਡੀ ਤਾਰੀਫ਼ ਕਿਉਂ ਨਹੀਂ ਕੀਤੀ। ਤਾਪਸੀ ਦੇ ਇਸ ਟਵੀਟ ਨੂੰ ਰੰਗੋਲੀ ਦੇ ਟਵੀਟ ਨਾਲ ਜੋੜ ਕੇ ਦੇਖਿਆ ਜਾ ਰਿਹਾ ਹੈ।

ਮੁੰਬਈ :ਤਾਪਸੀ ਪੰਨੂ ਅਤੇ ਭੂਮੀ ਪਾਂਡੇਕਰ ਦੀ ਫ਼ਿਲਮ 'ਸਾਂਡ ਕੀ ਆਖ' ਦਾ ਟੀਜ਼ਰ ਦਰਸ਼ਕਾਂ ਦੇ ਸਨਮੁੱਖ ਹੋ ਚੁੱਕਿਆ ਹੈ। ਇਸ ਟੀਜ਼ਰ 'ਚ ਤਾਪਸੀ ਅਤੇ ਭੂਮੀ ਦਾਦੀਆਂ ਦੇ ਕਿਰਦਾਰ 'ਚ ਨਜ਼ਰ ਆ ਰਹੀਆਂ ਹਨ। ਦਰਸ਼ਕਾਂ ਨੂੰ ਇਹ ਟੀਜ਼ਰ ਖ਼ੂਬ ਪਸੰਦ ਆਇਆ ਹੈ। ਇਸ ਟੀਜ਼ਰ 'ਤੇ ਅਦਾਕਾਰ ਵਰੁਣ ਧਵਨ ਨੇ ਆਪਣੀ ਪ੍ਰਤੀਕਿਰੀਆ ਦਿੱਤੀ ਹੈ। ਵਰੁਣ ਨੂੰ ਇਹ ਟੀਜ਼ਰ ਖ਼ੂਬ ਪਸੰਦ ਆਇਆ ਹੈ। ਵਰੁਣ ਦੀ ਪ੍ਰਤੀਕਿਆ 'ਤੇ ਤਾਪਸੀ ਨੇ ਉਸਤਾ ਜਵਾਬ ਤਾਂ ਦਿੱਤਾ ਹੀ ਪਰ ਉਸ ਨੇ ਕੰਗਨਾ ਦੀ ਭੈਣ ਰੰਗੋਲੀ 'ਤੇ ਨਿਸ਼ਾਨਾ ਵੀ ਵਿੰਨਿਆ।
ਦਰਅਸਲ ਵਰੁਣ ਨੇ ਫ਼ਿਲਮ 'ਸਾਂਡ ਕੀ ਆਖ' ਦੇ ਨਿਰਦੇਸ਼ਕ ਤੁਸ਼ਾਰ ਹਰੀਸ਼ਨੰਦਨੀ ਦੇ ਟਵੀਟ ਦਾ ਰਿਪਲਾਈ ਕਰਦੇ ਹੋਏ ਲਿਖਿਆ , "ਤੁਹਾਡੇ 'ਤੇ ਮਾਨ ਹੈ ਤੁਸ਼ਾਰ। ਵੱਡੇ ਪਰਦੇ 'ਤੇ ਤੁਸੀਂ ਅਸਲੀ ਭਾਰਤੀ ਨਾਇਕਾਂ ਨੂੰ ਸਾਹਮਣੇ ਲੈ ਕੇ ਆਏ।"

ਵਰੁਣ ਦੇ ਇਸ ਟਵੀਟ ਤੋਂ ਬਾਅਦ ਅਦਾਕਾਰਾ ਤਾਪਸੀ ਪੰਨੂ ਨੇ ਵਰੁਣ ਨੂੰ ਮਜ਼ਾਕ ਦੇ ਵਿੱਚ ਕਿਹਾ ਕਿ ਵਰੁਣ ਤੁਸੀਂ ਸਾਡਾ ਨਾਂਅ ਨਹੀਂ ਲਿਖਿਆ, ਸਾਡੇ ਲਈ ਤਾਰਿਫ਼ ਕਿਉਂ ਨਹੀਂ? ਕਿਉਂ ਕਿਉਂ ਕਿਉਂ ?

ਤਾਪਸੀ ਦੇ ਇਸ ਟਵੀਟ ਨੂੰ ਕੰਗਨਾ ਰਣੌਤ ਦੀ ਭੈਣ ਰੰਗੋਲੀ ਚੰਦੇਂਲ ਦੇ ਟਵੀਟ ਦੇ ਨਾਲ ਜੋੜਕੇ ਵੇਖਿਆ ਜਾ ਰਿਹਾ ਹੈ। ਕਿਉਂਕਿ ਕੁਝ ਇਸ ਤਰ੍ਹਾਂ ਦਾ ਟਵੀਟ ਹੀ ਵਰੁਣ ਨੂੰ ਕੰਗਨਾ ਦੀ ਭੈਣ ਰੰਗੋਲੀ ਨੇ ਕੀਤਾ ਸੀ।

ਜ਼ਿਕਰੇਏਖ਼ਾਸ ਇਹ ਹੈ ਕਿ ਕੁਝ ਦਿਨ ਪਹਿਲਾਂ ਜਦੋਂ ਕੰਗਨਾ ਦੀ ਫ਼ਿਲਮ 'ਜਜਮੈਂਟਲ ਹੈ ਕਿਆ' ਦਾ ਟ੍ਰੇਲਰ ਰਿਲੀਜ਼ ਹੋਇਆ ਸੀ, ਉਸ ਵੇਲੇ ਵਰੁਣ ਨੇ ਇਸਦੀ ਤਾਰੀਫ਼ 'ਚ ਟਵੀਟ ਕੀਤਾ ਸੀ। ਇਸ ਟਵੀਟ 'ਚ ਉਸ ਨੇ ਮੁੱਖ ਭੂਮੀਕਾ ਨਿਭਾ ਰਹੇ ਅਦਾਕਾਰਾਂ ਦੀ ਵੀ ਤਾਰੀਫ਼ ਕੀਤੀ ਸੀ ਪਰ ਰੰਗੋਲੀ ਨੇ ਇਹ ਕਿਹਾ ਸੀ ਕੰਗਨਾ ਦਾ ਨਾਂਅ ਵੀ ਲਿਖ ਦਿੰਦੇ ਸਰ। ਉਹ ਵੀ ਕਿਸੇ ਦੀ ਬੱਚੀ ਹੈ। ਇਸ ਟਵੀਟ ਤੇ ਰੰਗੋਲੀ 'ਤੇ ਨਿਸ਼ਾਨਾ ਵਿੰਨਦੇ ਹੋਏ ਤਾਪਸੀ ਨੇ ਟਵੀਟ ਕੀਤਾ ਹੈ।

ਤਾਪਸੀ ਦੇ ਇਸ ਟਵੀਟ ਦਾ ਵਰੁਣ ਨੇ ਜਵਾਬ ਦਿੰਦੇ ਹੋਏ ਕਿਹਾ ਕਿ ਤਾਪਸੀ ਅਤੇ ਭੂਮੀ ਨੌਟੀ ਦਾਦੀਆਂ ਹਨ।