ਸਾਲ 2021 ’ਚ ਐੱਪਲ ਲਾਂਚ ਕਰ ਸਕਦਾ ਹੈ ਨਵਾਂ ਟੀਵੀ

2021 ’ਚ ਟੈੱਕ ਦਿੱਗਜ਼ ਕੰਪਨੀ ਐੱਪਲ ਆਪਣਾ ਨਵਾਂ ਟੀਵੀ ਪੇਸ਼ ਕਰ ਸਕਦੀ ਹੈ। ਇਸ ਟੀਵੀ ਦੇ ਏ12 ਐਕਸ ਬਾਇਓਨਿਕ ਚਿੱਪ ਦੇ ਨਾਲ ਆਉਣ ਦੀ ਸੰਭਾਵਨਾ ਹੈ। ਨਿਕੈਈ ਏਸ਼ੀਆ ਰਿਵਿਊ ਦੀ ਰਿਪਰੋਟ ਦੁਆਰਾ ਪਤਾ ਚੱਲਿਆ ਹੈ ਕਿ ਐੱਪਲ ਨੇ ਆਪਣੇ ਨਵੇਂ ਟੀਵੀ ਡਿਵਾਇਸ ’ਤੇ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ ਹੈ।

ਸੰਨ ਫ੍ਰਾਸਿਸਕੋ: ਐੱਪਲ ਆਪਣੇ ਨਵੇਂ ਟੀਵੀ ਡਿਵਾਇਸ ’ਤੇ ਕੰਮ ਕਰ ਰਿਹਾ ਹੈ, ਜਿਸ ਨੂੰ ਉਹ ਅਗਲੇ ਸਾਲ ਤੱਕ ਲਾਂਚ ਕਰ ਸਕਦਾ ਹੈ। ਨਿਕੈਈ ਏਸ਼ੀਆ ਰਿਵਿਊ ਅਨੁਸਾਰ, ਕਿਊਪਟਿਰਨੋ ਦੇ ਬੈਸਟ ਟੈੱਕ ਦਿੱਗਜ਼ ਐੱਪਲ, ਅਗਲੇ ਸਾਲ ਵੀਡੀਓ-ਆਨ-ਡਿਮਾਂਡ ਸੇਵਾਵਾਂ ਦੇ ਲਈ, ਇੱਕ ਹੋਮ ਇੰਟਰਟੈਨਮੈਂਟ ਡਿਵਾਇਸ ਭਾਵ ਨਵੇਂ ਐੱਪਲ ਟੀਵੀ ’ਤੇ ਕੰਮ ਕਰ ਰਿਹਾ ਹੈ। ਜਨਵਰੀ ’ਚ ਆਈਓਐੱਸ 13.4 ਬੀਟਾ ’ਚ ਅਨਰੀਲੀਜ਼ਡ ਡਿਵਾਇਸ ਨੂੰ ਲੈਕੇ ਸੰਕੇਤ ਮਿਲਣ ਤੋਂ ਬਾਅਦ ਤੋਂ ਨਵੇਂ ਐੱਪਲ ਟੀਵੀ ਬਾਰੇ ਪੂਰੇ ਸਾਲ ਅਫ਼ਵਾਹਾਂ ਚੱਲਦੀਆਂ ਰਹੀਆਂ।

ਐੱਪਲ ਟਿੱਪਸਟਰ ਜਾਨ ਪ੍ਰੋਸੈਸਰ ਨੇ ਦੱਸਿਆ ਕਿ ਨਵਾਂ ਐੱਪਲ ਟੀਵੀ ਏ12 ਐਕਸ ਬਾਇਓਨਿੱਕ ਚਿੱਪ ਨਾਲ ਲੈਸ ਹੋਵੇਗਾ।

ਖ਼ਬਰਾਂ ਮੁਤਾਬਕ, ਐੱਪਲ ਆਪਣੇ ਹਾਈ-ਐਂਡ ਕੰਪਿਊਟਰਾਂ ਲਈ, ਪ੍ਰੋਡਕਸ਼ਨ ਸ਼ਡਿਊਲ ਵੀ ਤਿਆਰ ਕਰ ਰਿਹਾ ਹੈ। ਇਸ ’ਚ 2021 ਦੇ ਮੈੱਕਬੁੱਕ ਪ੍ਰੋ ਅਤੇ ਆਈਮੈੱਕ ਪ੍ਰੋ ਸ਼ਾਮਲ ਹਨ।

ਕੰਪਨੀ ਨੇ ਆਪਣੇ ਕੰਪਿਊਟਰ ਲਾਇਨ-ਅੱਪ ’ਚ ਇੰਟੈਲ ਪ੍ਰੋਸੈਸਰ ਨੂੰ ਬਦਲ ਕੇ, ਇਸਦੀ ਜਗ੍ਹਾ ਖ਼ੁਦ ਡਿਜ਼ਾਇਨ ਕੀਤਾ ਹੋਇਆ ਸੀਪੀਯੂ ਵਰਤੇਗੀ। ਇਹ ਸੀਪੀਯੂ ਬ੍ਰਿਟਿਸ਼ ਚਿੱਪ ਡਿਜ਼ਾਇਨਰ ਆਰਮ ਦੀ ਟੈਕਨਾਲੌਜੀ ਦੀ ਵਰਤੋਂ ਕਰਕੇ ਬਣਾਇਆ ਗਿਆ ਹੈ।