ਹੈਦਰਾਬਾਦ: 'ਐਨੀਮਲ' ਬਾਕਸ ਆਫਿਸ 'ਤੇ ਲਗਾਤਾਰ ਵਧੀਆ ਪ੍ਰਦਰਸ਼ਨ ਕਰ ਰਹੀ ਹੈ। ਰਣਬੀਰ ਕਪੂਰ ਅਤੇ ਬੌਬੀ ਦਿਓਲ ਦੇ ਕਿਰਦਾਰ ਨੂੰ ਕਾਫ਼ੀ ਪਸੰਦ ਕੀਤਾ ਗਿਆ ਹੈ। 'ਐਨੀਮਲ' ਬਾਕਸ ਆਫਿਸ 'ਤੇ 12 ਦਿਨ ਪੂਰੇ ਕਰ ਚੁੱਕੀ ਹੈ ਅਤੇ ਅੱਜ ਫਿਲਮ ਆਪਣੇ ਰਿਲੀਜ਼ ਦੇ 13ਵੇਂ ਦਿਨ 'ਚ ਪਹੁੰਚ ਚੁੱਕੀ ਹੈ। ਫਿਲਮ ਦਾ ਦੁਨੀਆ ਭਰ 'ਚ ਕਲੈਕਸ਼ਨ 700 ਕਰੋੜ ਅਤੇ ਘਰੇਲੂ ਕਲੈਕਸ਼ਨ 400 ਕਰੋੜ ਦੇ ਪਾਰ ਹੈ।
'ਐਨੀਮਲ' ਨੇ 12 ਦਿਨਾਂ 'ਚ ਕੀਤੀ ਇੰਨੀ ਕਮਾਈ: ਜਾਣਕਾਰੀ ਲ਼ਈ ਤੁਹਾਨੂੰ ਦੱਸ ਦਈਏ ਕਿ ਫਿਲਮ 'ਐਲੀਮਲ' ਨੇ 11ਵੇਂ ਦਿਨ ਘਰੇਲੂ ਬਾਕਸ ਆਫਿਸ 'ਤੇ 13.12 ਕਰੋੜ ਦਾ ਵਪਾਰ ਕੀਤਾ ਸੀ ਅਤੇ 12ਵੇਂ ਦਿਨ ਵੀ ਫਿਲਮ ਦਾ ਕਲੈਕਸ਼ਨ 13 ਕਰੋੜ ਦੇ ਕਰੀਬ ਹੈ। 'ਐਨੀਮਲ' ਨੇ 12 ਦਿਨਾਂ 'ਚ ਘਰੇਲੂ ਸਿਨੇਮਾ ਘਰਾਂ 'ਤੇ 450 ਕਰੋੜ ਅਤੇ ਦੁਨੀਆ ਭਰ 'ਚ 750 ਕਰੋੜ ਰੁਪਏ ਕਮਾ ਲਏ ਹਨ। ਫਿਲਮ ਨੇ 11 ਦਿਨਾਂ 'ਚ ਦੁਨੀਆਂ ਭਰ 'ਚ 737.98 ਦਾ ਕਲੈਕਸ਼ਨ ਕੀਤਾ ਹੈ ਅਤੇ 12ਵੇਂ ਦਿਨ ਦੇ ਕਲੈਕਸ਼ਨ ਨਾਲ ਫਿਲਮ ਦਾ ਦੁਨੀਆਂ ਭਰ 'ਚ ਕਲੈਕਸ਼ਨ 750 ਕਰੋੜ ਨੂੰ ਪਾਰ ਹੋ ਗਿਆ ਹੈ।