ਹੈਦਰਾਬਾਦ:ਟੀਵੀ ਅਦਾਕਾਰਾ ਤੁਨੀਸ਼ਾ ਸ਼ਰਮਾ ਦੇ ਜਾਣ ਤੋਂ ਬਾਅਦ ਮਸ਼ਹੂਰ ਟੀਵੀ ਸੀਰੀਅਲ 'ਅਲੀ ਬਾਬਾ: ਦਾਸਤਾਨ-ਏ-ਕਾਬੁਲ' ਦੇ ਸੈੱਟ 'ਤੇ ਸੋਗ ਦੀ ਲਹਿਰ ਹੈ। ਇਸ ਸੀਰੀਅਲ 'ਚ ਲੀਡ ਅਦਾਕਾਰਾ ਦੇ ਤੌਰ 'ਤੇ ਤੁਨੀਸ਼ਾ 'ਮਰੀਅਮ' ਦਾ ਕਿਰਦਾਰ ਨਿਭਾ ਰਹੀ ਸੀ। ਤੁਨੀਸ਼ਾ ਦੀ ਮੌਤ ਤੋਂ ਬਾਅਦ ਇਸ ਟੀਵੀ ਸ਼ੋਅ ਦੀ ਸ਼ੂਟਿੰਗ ਰੋਕ ਦਿੱਤੀ ਗਈ ਸੀ। ਹੁਣ ਇਕ ਵਾਰ ਫਿਰ ਇਸ ਸ਼ੋਅ 'ਤੇ ਕੰਮ ਸ਼ੁਰੂ ਹੋ ਗਿਆ ਹੈ। ਖਾਸ ਗੱਲ ਇਹ ਹੈ ਕਿ ਤੁਨੀਸ਼ਾ ਦੀ ਥਾਂ ਹੁਣ ਟੀਵੀ ਅਦਾਕਾਰਾ ਅਵਨੀਤ ਕੌਰ (Avneet Kaur Ali Baba Dastaan E Kabul) ਦਾ ਨਾਂ ਮੁੱਖ ਅਦਾਕਾਰਾ ਵਜੋਂ ਸਾਹਮਣੇ ਆਇਆ ਹੈ। ਇਸ ਦੇ ਨਾਲ ਹੀ ਟੀਵੀ ਅਦਾਕਾਰਾ ਸਿਧਾਰਥ ਨਿਗਮ ਦੇ ਭਰਾ ਅਭਿਸ਼ੇਕ ਨਿਗਮ ਨੂੰ ਸ਼ੋਅ ਦੇ ਮੁੱਖ ਅਦਾਕਾਰ ਅਤੇ ਤੁਨੀਸ਼ਾ ਮੌਤ ਮਾਮਲੇ ਦੇ ਦੋਸ਼ੀ ਸ਼ੀਜਾਨ ਖਾਨ ਦੀ ਜਗ੍ਹਾ ਲਿਆ ਜਾ ਰਿਹਾ ਹੈ।
ਮੀਡੀਆ ਰਿਪੋਰਟਾਂ ਮੁਤਾਬਕ ਤੁਨੀਸ਼ਾ ਸ਼ਰਮਾ ਦੀ ਮੌਤ ਤੋਂ ਬਾਅਦ ਟੀਵੀ ਸੀਰੀਅਲ 'ਅਲੀ ਬਾਬਾ: ਦਾਸਤਾਨ-ਏ-ਕਾਬੁਲ' (Ali Baba: Dastan-e-Kabul) 'ਚ ਅਵਨੀਤ ਕੌਰ (Avneet will become Ali Baba Mariam) ਹੁਣ ਰਾਜਕੁਮਾਰੀ ਮਰੀਅਮ ਦੇ ਕਿਰਦਾਰ ਨੂੰ ਲੈ ਕੇ ਕਾਫੀ ਚਰਚਾ 'ਚ ਹੈ। ਅਵਨੀਤ ਕੌਰ ਨੂੰ ਲੈ ਕੇ ਨਿਰਮਾਤਾਵਾਂ ਵੱਲੋਂ ਕੋਈ ਬਿਆਨ ਨਹੀਂ ਆਇਆ ਹੈ।
ਦੱਸ ਦਈਏ ਤੁਨੀਸ਼ਾ ਸ਼ਰਮਾ (Tunisha Sharma demise) ਅਤੇ ਅਵਨੀਤ ਕੌਰ ਚੰਗੀਆਂ ਦੋਸਤ ਸਨ ਅਤੇ ਤੁਨੀਸ਼ਾ ਦੀ ਮੌਤ 'ਤੇ ਅਵਨੀਤ ਉਸ ਦੇ ਘਰ ਪਹੁੰਚੀ ਅਤੇ ਬਹੁਤ ਰੋਈ। ਅਵਨੀਤ ਬਾਰੇ ਦੱਸ ਦੇਈਏ ਕਿ ਉਹ ਸੋਸ਼ਲ ਮੀਡੀਆ 'ਤੇ ਕਾਫੀ ਐਕਟਿਵ ਰਹਿੰਦੀ ਹੈ ਅਤੇ ਆਪਣੀਆਂ ਬੋਲਡ ਤਸਵੀਰਾਂ ਨਾਲ ਸੁਰਖੀਆਂ 'ਚ ਰਹਿੰਦੀ ਹੈ।