ਮੁੰਬਈ: ਅਦਾਕਾਰ ਸਲਮਾਨ ਖ਼ਾਨ ਅਤੇ ਕੈਟਰੀਨਾ ਕੈਫ਼ ਦੀ ਫ਼ਿਲਮ 'ਭਾਰਤ' ਸਿਨੇਮਾਘਰਾਂ 'ਚ ਪਹੁੰਚ ਚੁੱਕੀ ਹੈ। ਲੋਕਾਂ ਨੂੰ ਇਸ ਫ਼ਿਲਮ ਦਾ ਲੰਮੇਂ ਸਮੇਂ ਤੋਂ ਇੰਤਜ਼ਾਰ ਸੀ। ਅਲੀ ਅੱਬਾਸ ਜ਼ਫ਼ਰ ਦੇ ਨਿਰਦੇਸ਼ਨ 'ਚ ਬਣੀ ਫ਼ਿਲਮ 'ਭਾਰਤ' ਨੂੰ ਕਈ ਭਾਸ਼ਾਵਾਂ 'ਚ ਰਿਲੀਜ਼ ਕੀਤਾ ਗਿਆ ਹੈ। ਇਹ ਫ਼ਿਲਮ ਹਿੰਦੀ ਭਾਸ਼ਾ ਦੇ ਅਲਾਵਾ ਤਮਿਲ, ਤੇਲੁਗੂ ਅਤੇ ਮਲਿਆਲਮ ਭਾਸ਼ਾ 'ਚ ਵੀ ਰਿਲੀਜ਼ ਹੋਈ ਹੈ।
ਸਲਮਾਨ ਖ਼ਾਨ ਦੇ ਅਲਾਵਾ ਇਸ ਫ਼ਿਲਮ 'ਚ ਕੈਟਰੀਨਾ ਕੈਫ਼ ਅਤੇ ਦਿਸ਼ਾ ਪਾਟਨੀ ਵੀ ਮੁੱਖ ਭੂਮਿਕਾ 'ਚ ਹਨ। ਜੈਕੀ ਸ਼ਰਾਫ ਫ਼ਿਲਮ 'ਚ ਸਲਮਾਨ ਖ਼ਾਨ ਦੇ ਪਿਤਾ ਦੇ ਰੋਲ ਵਿੱਚ ਹਨ। ਫ਼ਿਲਮ 'ਚ ਸੁਨੀਲ ਗਰੋਵਰ ਵੀ ਮੁੱਖ ਭੂਮਿਕਾ ਵਿੱਚ ਹਨ। ਈਦ ਦੇ ਮੌਕੇ ਰਿਲੀਜ਼ ਹੋਈ ਫਿਲਮ ਦੀ ਸਫ਼ਲਤਾ ਦੀ ਕਾਫ਼ੀ ਉਮੀਦ ਹੈ। ਸਲਮਾਨ ਖ਼ਾਨ ਦੇ ਚਾਹੁਣ ਵਾਲੇ ਸਵੇਰੇ ਹੀ ਸਿਨੇਮਾਘਰ ਪਹੁੰਚ ਗਏ ਅਤੇ ਸੋਸ਼ਲ ਮੀਡੀਆ 'ਤੇ ਫ਼ਿਲਮ ਦੇ ਰੀਵਿਊ ਦੇਣ ਲੱਗੇ।