ਦਰਭੰਗਾ: ਪਤੀ ਦਾ ਦੂਜਾ ਵਿਆਹ ਹੋਣ ਤੋਂ ਬਾਅਦ ਪਤਨੀ ਨੇ ਪੈਟਰੋਲ ਛਿੜਕ ਕੇ ਪੂਰੇ ਘਰ ਨੂੰ ਅੱਗ ਲਗਾ ਦਿੱਤੀ ਜਿਸ ਕਰਕੇ ਪਰਿਵਾਰ ਦੇ ਚਾਰ ਮੈਂਬਰ ਇਸ ਦੀ ਲਪੇਟ ਵਿੱਚ ਆ ਗਏ। ਜ਼ਿਲੇ ਦੇ ਬੀਰੌਲ ਥਾਣਾ ਖੇਤਰ ਦੇ ਸੁਪੌਲ ਬਾਜ਼ਾਰ ਦੇ ਸ਼ੇਖਪੁਰਾ ਮੁਹੱਲੇ 'ਚ ਸ਼ਨੀਵਾਰ ਨੂੰ ਇਹ ਦਿਲ ਦਹਿਲਾ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ ।
ਚਾਰਾਂ ਦੀ ਹੋਈ ਮੌਤ : ਅੱਗ ਲੱਗਣ ਦੀ ਇਸ ਘਟਨਾ ਵਿੱਚ ਪਹਿਲੀ ਪਤਨੀ ਅਤੇ ਸੱਸ ਮੌਕੇ 'ਤੇ ਹੀ ਜ਼ਿੰਦਾ ਸੜ ਗਈਆਂ। ਇਸ ਦੇ ਨਾਲ ਹੀ ਸੜਨ ਕਾਰਨ ਪਤੀ ਅਤੇ ਉਸ ਦੀ ਦੂਜੀ ਪਤਨੀ ਗੰਭੀਰ ਜ਼ਖ਼ਮੀ ਹੋ ਗਏ। ਜ਼ਖ਼ਮੀਆਂ ਨੂੰ ਇਲਾਜ ਲਈ ਸੀਐਚਸੀ ਵਿੱਚ ਦਾਖ਼ਲ ਕਰਵਾਇਆ ਗਿਆ, ਜਿੱਥੋਂ ਉਨ੍ਹਾਂ ਨੂੰ ਡੀਐਮਸੀਐਚ ਰੈਫਰ ਕਰ ਦਿੱਤਾ ਗਿਆ। ਦੋਵਾਂ ਜ਼ਖ਼ਮੀਆਂ ਦੀ ਵੀ ਡੀਐਮਸੀਐਚ ਵਿੱਚ ਇਲਾਜ ਦੌਰਾਨ ਮੌਤ ਹੋ ਗਈ। ਘਟਨਾ ਸਵੇਰੇ ਕਰੀਬ 5 ਵਜੇ ਦੀ ਦੱਸੀ ਜਾ ਰਹੀ ਹੈ। ਸੂਚਨਾ ਮਿਲਦੇ ਹੀ ਪੁਲਿਸ ਨੇ ਮੌਕੇ 'ਤੇ ਪਹੁੰਚ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਪਹਿਲੀ ਪਤਨੀ ਦਾ ਗੁੱਸਾ: ਮਰਨ ਵਾਲਿਆਂ ਵਿੱਚ 65 ਸਾਲਾ ਰੁਫੈਦਾ ਖਾਤੂਨ, 35 ਸਾਲਾ ਬੀਬੀ ਪਰਵੀਨ, 40 ਸਾਲਾ ਪਤੀ ਖੁਰਸ਼ੀਦ ਆਲਮ ਅਤੇ ਖੁਰਸ਼ੀਦ ਦੀ 32 ਸਾਲਾ ਦੂਜੀ ਪਤਨੀ ਰੋਸ਼ਨੀ ਖਾਤੂਨ ਸ਼ਾਮਲ ਹਨ। ਦੱਸਿਆ ਜਾਂਦਾ ਹੈ ਕਿ ਖੁਰਸ਼ੀਦ ਅਤੇ ਉਨ੍ਹਾਂ ਦੀ ਪਹਿਲੀ ਪਤਨੀ ਬੀਬੀ ਪਰਵੀਨ ਵਿਚਕਾਰ ਅਕਸਰ ਝਗੜਾ ਹੁੰਦਾ ਰਹਿੰਦਾ ਸੀ। ਸ਼ਨੀਵਾਰ ਨੂੰ ਬੀਬੀ ਪ੍ਰਵੀਨ ਗੁੱਸੇ 'ਚ ਆਕੇ ਪੈਟਰੋਲ ਛਿੜਕ ਕੇ ਪੂਰੇ ਘਰ ਨੂੰ ਅੱਗ ਲਗਾ ਦਿੱਤੀ। ਇਸ ਵਿੱਚ ਘਰ ਦੇ ਚਾਰੇ ਜੀਅ ਬੁਰੀ ਤਰ੍ਹਾਂ ਸੜ ਗਏ।
ਪਤੀ ਦੇ ਦੂਜੇ ਵਿਆਹ ਤੋਂ ਸੀ ਨਾਰਾਜ਼ : ਲੋਕਾਂ ਦਾ ਕਹਿਣਾ ਹੈ ਕਿ ਸ਼ੇਖਪੁਰਾ ਮੁਹੱਲੇ ਦੇ ਰਹਿਣ ਵਾਲੇ ਖੁਰਸ਼ੀਦ ਆਲਮ ਦਾ ਵਿਆਹ ਕਰੀਬ ਦਸ ਸਾਲ ਪਹਿਲਾਂ ਬੀਬੀ ਪਰਵੀਨ ਨਾਲ ਹੋਇਆ ਸੀ। ਔਲਾਦ ਨਾ ਹੋਣ ਕਾਰਨ ਖੁਰਸ਼ੀਦ ਨੇ ਦੋ ਸਾਲ ਪਹਿਲਾਂ ਗੁਆਂਢੀ ਪਿੰਡ ਦੀ ਰੋਸ਼ਨੀ ਖਾਤੂਨ ਨਾਲ ਦੂਜਾ ਵਿਆਹ ਕਰ ਲਿਆ ਸੀ। ਪਹਿਲੀ ਪਤਨੀ ਬੀਬੀ ਪਰਵੀਨ ਆਪਣੇ ਪਤੀ ਦੇ ਦੂਜੇ ਵਿਆਹ ਦਾ ਵਿਰੋਧ ਕਰ ਰਹੀ ਸੀ। ਉਸ ਨੇ ਪਤੀ ਖੁਰਸ਼ੀਦ ਨੂੰ ਵੀ ਚੇਤਾਵਨੀ ਦਿੱਤੀ ਸੀ ਕਿ ਨਤੀਜਾ ਮਾੜਾ ਹੋਵੇਗਾ। ਇਸ ਗੱਲ ਨੂੰ ਲੈ ਕੇ ਦੋਵਾਂ ਵਿਚਾਲੇ ਕਈ ਵਾਰ ਝਗੜਾ ਵੀ ਹੋਇਆ ਸੀ। ਆਖਿਰਕਾਰ ਪਰਵੀਨ ਨੇ ਪੂਰੇ ਪਰਿਵਾਰ ਨੂੰ ਤਬਾਹ ਕਰਨ ਲਈ ਇਹ ਵੱਡਾ ਕਦਮ ਚੁੱਕਿਆ।
ਇਹ ਵੀ ਪੜ੍ਹੋ :ਰਣਥੰਭੌਰ ਵਿੱਚ T-61 ਮਾਦਾ ਬਾਘ ਦੀ ਮੌਤ, ਪੋਸਟਮਾਰਟਮ ਤੋਂ ਬਾਅਦ ਕੀਤਾ ਗਿਆ ਅੰਤਿਮ ਸੰਸਕਾਰ
