ਪਹਿਲੀ ਵਾਰ ਪਰਦੇ 'ਤੇ ਨਜ਼ਰ ਆਵੇਗੀ ਆਯੁਸ਼ਮਾਨ-ਸਾਰਾ ਦੀ ਜੋੜੀ, ਜਲਦ ਹੋਵੇਗਾ ਫਿਲਮ ਦੇ ਟਾਈਟਲ ਦਾ ਐਲਾਨ

ਮੁੰਬਈ:ਬਾਲੀਵੁੱਡ ਦੇ ਮਸ਼ਹੂਰ ਫਿਲਮਕਾਰ ਕਰਨ ਜੌਹਰ ਨੇ ਇੱਕ ਵਾਰ ਫਿਰ ਫਿਲਮ ਇੰਡਸਟਰੀ ਨੂੰ ਨਵੀਂ ਜੋੜੀ ਦੇਣ ਦਾ ਫੈਸਲਾ ਕੀਤਾ ਹੈ। ਕਰਨ ਜੌਹਰ ਦੀ ਬਦੌਲਤ ਆਯੁਸ਼ਮਾਨ ਖੁਰਾਨਾ ਅਤੇ ਸਾਰਾ ਅਲੀ ਖਾਨ ਨਵੀਂ ਫਿਲਮ ਵਿੱਚ ਇਕੱਠੇ ਨਜ਼ਰ ਆ ਰਹੇ ਹਨ। ਕਰਨ ਜੌਹਰ ਨੇ ਆਯੁਸ਼ਮਾਨ ਅਤੇ ਸਾਰਾ ਸਟਾਰਰ ਐਕਸ਼ਨ ਕਾਮੇਡੀ ਫਿਲਮ ਲਈ 'ਸਿਖਿਆ ਐਂਟਰਟੇਨਮੈਂਟ' ਨਾਲ ਹੱਥ ਮਿਲਾਇਆ ਹੈ। ਆਯੁਸ਼ਮਾਨ ਖੁਰਾਨਾ ਅਤੇ ਸਾਰਾ ਅਲੀ ਖਾਨ ਸਟਾਰਰ ਇਹ ਬਿਨਾਂ ਸਿਰਲੇਖ ਵਾਲੀ ਐਕਸ਼ਨ ਕਾਮੇਡੀ ਫਿਲਮ ਆਕਾਸ਼ ਕੌਸ਼ਿਕ ਦੁਆਰਾ ਲਿਖੀ ਅਤੇ ਨਿਰਦੇਸ਼ਤ ਕੀਤੀ ਗਈ ਹੈ। ਇਸ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਹੋ ਚੁੱਕੀ ਹੈ ਅਤੇ ਜਲਦ ਹੀ ਫਿਲਮ ਦੇ ਟਾਈਟਲ ਦਾ ਐਲਾਨ ਕੀਤਾ ਜਾਵੇਗਾ।