ਮੋਗਾ: ਮੋਗਾ ਤੋਂ ਤਿੰਨ ਵਾਰ ਵਿਧਾਇਕ ਰਹਿ ਚੁੱਕੇ ਜੋਗਿੰਦਰ ਪਾਲ ਜੈਨ ਪਿਛਲੇ ਕਾਫੀ ਲੰਮੇ ਸਮੇਂ ਤੋਂ ਬਿਮਾਰ ਚੱਲ ਰਹੇ ਸਨ, ਜਿਨ੍ਹਾਂ ਦਾ ਕਿ ਅੱਜ ਸਵੇਰੇ (27 ਨਵੰਬਰ) 3 ਵਜੇ ਦੇਹਾਂਤ ਹੋ ਗਿਆ ਹੈ। ਉਨ੍ਹਾਂ ਦੇ ਦੇਹਾਂਤ ਨਾਲ ਮੋਗਾ ਦੀ ਸਿਆਸਤ ਵਿੱਚ ਸੋਗ ਦੀ ਲਹਿਰ ਫੈਲ ਗਈ ਹੈ। ਬਿਮਾਰ ਹੋਣ ਦੇ ਬਵਾਜੂਦ ਵੀ ਸ਼ਹਿਰ ਵਾਸੀਆਂ ਨਾਲ ਵੀ ਸਾਂਝ ਬਣਾਈ ਰੱਖਦੇ ਸਨ।
ਤਿੰਨ ਵਾਰ ਵਿਧਾਇਕ ਰਹੇ ਜੋਗਿੰਦਰ ਪਾਲ ਜੈਨ ਦਾ ਹੋਇਆ ਦੇਹਾਂਤ (ETV Bharat (ਮੋਗਾ, ਪੱਤਰਕਾਰ)) ਦੱਸ ਦੇਈਏ ਸਾਬਕਾ ਵਿਧਾਇਕ ਜੋਗਿੰਦਰਪਾਲ ਜੈਨ ਦਾ ਸਸਕਾਰ ਅੱਜ ਬਾਅਦ ਦੁਪਹਿਰ 2 ਵਜੇ ਗਾਂਧੀ ਰੋਡ ਸ਼ਮਸ਼ਨਘਾਟ 'ਚ ਕੀਤਾ ਗਿਆ। ਜੋਗਿੰਦਰਪਾਲ ਦੇ ਪੁੱਤਰ ਅਕਿਸ਼ਤ ਜੈਨ ਨੇ ਭਾਜਪਾ ਜੁਆਇਨ ਕਰ ਲਈ ਸੀ ਪਰ ਜੋਗਿੰਦਰ ਪਾਲ ਜੈਨ 2 ਵਾਰ ਕਾਂਗਰਸ ਪਾਰਟੀ ਤੋਂ ਤੇ 1 ਵਾਰ ਸ਼੍ਰੋਮਣੀ ਅਕਾਲੀ ਦਲ ਤੋਂ ਵਿਧਾਇਕ ਬਣੇ।
ਨਗਰ ਕੌਂਸਲ ਦੇ ਚੇਅਰਮੈਨ ਵੀ ਰਹਿ ਚੁੱਕੇ ਸਨ ਜੈਨ
ਹਾਲਾਂਕਿ, ਜੈਨ ਨੇ 2017 ਦੀਆਂ ਵਿਧਾਨ ਸਭਾ ਚੋਣਾਂ ਸਹਿਤ ਖਰਾਬ ਹੋਣ ਕਰਕੇ ਨਾ ਚੋਣ ਲੜਨ ਦਾ ਫੈਸਲਾ ਲਿਆ ਸੀ, ਪਰ ਭਾਵੇਂ ਉਹ ਉਸ ਸਮੇਂ ਚੋਣਾਂ ਤੋਂ ਦੂਰ ਰਹੇ ਪਰ ਪਰਦੇ ਪਿੱਛੇ ਉਨ੍ਹਾਂ ਵਲੋਂ ਕੀਤੀਆਂ ਗਈਆਂ ਸਿਆਸੀ ਚਾਲਾਂ ਤੋਂ ਉਨ੍ਹਾਂ ਦੇ ਵਿਰੋਧੀ ਹੱਕੇ-ਬੱਕੇ ਰਹਿ ਗਏ। ਉਦੋਂ ਉਨ੍ਹਾਂ ਨੇ ਅਕਾਲੀ ਦਲ ਪਾਰਟੀ 'ਚ ਹੋਣ ਦੇ ਬਾਵਜੂਦ ਕਾਂਗਰਸੀ ਵਿਧਾਇਕ ਡਾ. ਹਰਜੋਤ ਕਮਲ ਦੀ ਅੰਦਰ ਖਾਤੇ ਮਦਦ ਕਰਕੇ ਉਨ੍ਹਾਂ ਨੂੰ ਵਿਧਾਨ ਸਭਾ ਦੀਆ ਪੌੜੀਆਂ ਚੜਾਇਆ ਸੀ। ਜੋਗੀਦਾਰ ਪਾਲ ਜੈਨ 2007 ਵਿਚ ਕਾਂਗਰਸ ਦੀ ਟਿਕਟ 'ਤੇ ਚੋਣ ਲੜ ਕੇ ਅਕਾਲੀ ਦਲ ਦੇ ਸਾਬਕਾ ਮੰਤਰੀ ਜਥੇਦਾਰ ਤੋਤਾ ਸਿੰਘ ਨੂੰ ਹਰਾ ਕੇ ਪਹਿਲੀ ਵਾਰ ਵਿਧਾਨ ਸਭਾ ਵਿਚ ਪਹੁੰਚੇ ਸਨ। ਵਿਧਾਇਕ ਬਣਨ ਤੋਂ ਪਹਿਲਾਂ ਜੈਨ ਨਗਰ ਕੌਂਸਲ ਦੇ ਚੇਅਰਮੈਨ ਸਨ। ਆਪ ਵਿਧਾਇਕ ਬਣਨ ਤੋਂ ਬਾਅਦ ਤਮਾਮ ਵਿਰੋਧਾਂ ਦੇ ਬਾਵਜੂਦ ਉਨ੍ਹਾਂ ਨੇ ਆਪਣੀ ਪਤਨੀ ਸਵਰਨਲਤਾ ਜੈਨ ਨੂੰ ਨਗਰ ਕੌਂਸਲ ਦਾ ਪ੍ਰਧਾਨ ਬਣਾਇਆ। ਸਿਆਸੀ ਪਿਚ 'ਤੇ ਜੋਗੀਦਾਰ ਪਾਲ ਜੈਨ ਨੇ ਜਿਸ ਤਰ੍ਹਾਂ ਦੀਆਂ ਚਾਲਾਂ ਚੱਲੀਆਂ, ਉਨ੍ਹਾਂ ਨੇ ਵਿਰੋਧੀਆਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਇਹੀ ਕਾਰਨ ਸੀ ਕਿ ਜਦੋਂ ਸਾਲ 2012 ਵਿੱਚ ਜੋਗਿੰਦਰ ਪਾਲ ਜੈਨ ਨੇ ਮੁੜ ਚੋਣ ਲੜੀ ਤਾਂ ਅਕਾਲੀ ਦਲ ਦੇ ਮੰਤਰੀ ਜਥੇਦਾਰ ਤੋਤਾ ਸਿੰਘ ਨੇ ਆਪਣੀ ਚੋਣ ਪਿਚ ਬਦਲ ਦਿੱਤੀ ਸੀ।
ਸੱਤਾ ਤੋਂ ਦੂਰ ਨਹੀਂ ਰੱਖਣਾ ਚਾਹੁੰਦੇ
ਜਥੇਦਾਰ ਤੋਤਾ ਸਿੰਘ ਮੋਗਾ ਛੱਡ ਕੇ ਧਰਮਕੋਟ ਤੋਂ ਚੋਣ ਲੜਨ ਦਾ ਐਲਾਨ ਕੀਤਾ। 2012 ਵਿੱਚ ਜੈਨ ਅਕਾਲੀ ਦਲ ਦੇ ਉਮੀਦਵਾਰ ਸਾਬਕਾ ਡੀਜੀਪੀ ਪਰਮਦੀਪ ਗਿੱਲ ਨੂੰ ਲਗਾਤਾਰ ਦੂਜੀ ਵਾਰ ਹਰਾ ਕੇ ਵਿਧਾਨ ਸਭਾ ਵਿੱਚ ਪੁੱਜੇ ਸਨ। ਸੱਤਾ ਅਕਾਲੀ ਦਲ ਦੇ ਹੱਥ ਆ ਗਈ। ਪਹਿਲਾਂ ਹੀ ਪੰਜ ਸਾਲ ਸੱਤਾ ਤੋਂ ਦੂਰ ਰਹੇ, ਪਰ ਜੈਨ ਇਸ ਵਾਰ ਖੁਦ ਨੂੰ ਸੱਤਾ ਤੋਂ ਦੂਰ ਨਹੀਂ ਰੱਖਣਾ ਚਾਹੁੰਦੇ ਸਨ। ਦਸੰਬਰ 2012 ਵਿੱਚ ਉਹ ਵਿਧਾਨ ਸਭਾ ਦੀ ਮੈਂਬਰੀ ਤੋਂ ਅਸਤੀਫਾ ਦੇ ਕੇ ਅਕਾਲੀ ਦਲ ਵਿੱਚ ਸ਼ਾਮਿਲ ਹੋ ਗਏ। 23 ਫਰਵਰੀ 2013 ਨੂੰ ਹੋਈ ਉਪ ਚੋਣ ਵਿੱਚ ਜੈਨ ਕਾਂਗਰਸ ਦੇ ਉਮੀਦਵਾਰ ਵਿਜੇ ਕੁਮਾਰ ਸਾਥੀ ਨੂੰ ਹਰਾ ਕੇ ਤੀਜੀ ਵਾਰ ਵਿਧਾਨ ਸਭਾ ਵਿੱਚ ਦਾਖ਼ਲ ਹੋਏ।
ਨਗਰ ਸੁਧਾਰ ਟਰੱਸਟ ਦੇ ਵੀ ਰਹਿ ਚੁੱਕੇ ਪ੍ਰਧਾਨ
2014 ਦੀਆਂ ਨਗਰ ਨਿਗਮ ਚੋਣਾਂ ਵਿੱਚ ਉਨ੍ਹਾਂ ਨੇ ਇੱਕ ਵਾਰ ਫਿਰ ਆਪਣੇ ਸਾਰੇ ਸਿਆਸੀ ਦੁਸ਼ਮਣਾਂ ਨੂੰ ਹਰਾ ਕੇ ਆਪਣੇ ਪੁੱਤਰ ਅਕਸ਼ਿਤ ਜੈਨ ਨੂੰ ਮੇਅਰ ਬਣਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾਈ। ਜਥੇਦਾਰ ਤੋਤਾ ਸਿੰਘ ਧੜੇ ਨੇ ਹਰ ਪੱਧਰ ’ਤੇ ਜੈਨ ਦਾ ਵਿਰੋਧ ਕੀਤਾ ਪਰ ਉਨ੍ਹਾਂ ਦੀਆਂ ਕੋਸ਼ਿਸ਼ਾਂ ਸਿਰੇ ਨਾ ਚੜ੍ਹੀਆਂ। ਜੈਨ ਲਈ ਪਾਰਟੀ ਕੋਈ ਮਾਇਨੇ ਨਹੀਂ ਰੱਖਦੀ, ਉਹ ਜਿਸ ਵੀ ਪਾਰਟੀ ਦਾ ਸੀ, ਉਨ੍ਹਾਂ ਨੇ ਆਪਣੇ ਹਿਸਾਬ ਨਾਲ ਰਾਜਨੀਤੀ ਦੀ ਦਿਸ਼ਾ ਤੈਅ ਕੀਤੀ ਅਤੇ ਜਿੱਤ ਹਾਸਿਲ ਕੀਤੀ। ਨਗਰ ਕੌਂਸਲ ਪ੍ਰਧਾਨ ਬਣਨ ਤੋਂ ਪਹਿਲਾਂ ਉਹ ਭਾਜਪਾ ਵੱਲੋਂ ਤਿੰਨ ਵਾਰ ਨਗਰ ਸੁਧਾਰ ਟਰੱਸਟ ਦੇ ਪ੍ਰਧਾਨ ਰਹਿ ਚੁੱਕੇ ਹਨ। ਪਰਦੇ ਦੇ ਪਿੱਛੇ ਚੋਣ ਟੁਕੜਿਆਂ ਨੂੰ ਫਿੱਟ ਕਰਦੇ ਰਹੇ ਹਨ।
25 ਸਾਲਾਂ 'ਚ ਜੈਨ ਸ਼ਹਿਰ ਦੀ ਸਿਆਸਤ ਦਾ ਅਜਿਹਾ ਇਤਿਹਾਸ
2017 ਵਿੱਚ ਜੈਨ ਨੇ ਵਿਗੜਦੀ ਸਿਹਤ ਕਾਰਨ 2017 ਦੀਆਂ ਚੋਣਾਂ ਲੜਨ ਤੋਂ ਇਨਕਾਰ ਕਰ ਦਿੱਤਾ ਸੀ। ਭਾਵੇਂ ਜੈਨ ਨੇ 2017 ਦੀਆਂ ਚੋਣਾਂ ਤੋਂ ਪਰਹੇਜ਼ ਕੀਤਾ ਸੀ, ਪਰ ਉਹ ਪਰਦੇ ਪਿੱਛੇ ਚੋਣ ਕਾਰਡ ਖੇਡਦਾ ਰਹੇ। ਉਸ ਸਮੇਂ ਦੀਆਂ ਚੋਣਾਂ ਦੌਰਾਨ ਜੈਨ 'ਤੇ ਕਾਂਗਰਸੀ ਉਮੀਦਵਾਰ ਡਾ. ਹਰਜੋਤ ਕਮਲ ਲਈ ਕੰਮ ਕਰਨ ਦੇ ਇਲਜ਼ਾਮ ਲੱਗੇ ਸਨ। ਇਸ ਕਾਰਨ ਅਕਾਲੀ ਉਮੀਦਵਾਰ ਬਰਜਿੰਦਰ ਸਿੰਘ ਬਰਾੜ ਵਿਧਾਨ ਸਭਾ ਵਿੱਚ ਨਹੀਂ ਪਹੁੰਚ ਸਕੇ। ਕਾਂਗਰਸ ਦੇ ਡਾ. ਹਰਜੋਤ ਕਮਲ ਪਹਿਲੀ ਵਾਰ ਵਿਧਾਇਕ ਬਣੇ ਹਨ। ਇਹ ਪਹਿਲੀ ਵਾਰ ਹੈ ਜਦੋਂ ਸਿਹਤ ਖ਼ਰਾਬ ਹੋਣ ਕਾਰਨ ਜੈਨ ਨਾ ਤਾਂ ਸਰਗਰਮ ਸਿਆਸਤ 'ਚ ਨਜ਼ਰ ਆਉਣਗੇ ਅਤੇ ਨਾ ਹੀ ਪਰਦੇ ਪਿੱਛੇ ਜ਼ਿਆਦਾ ਕੰਮ ਕਰ ਸਕਣਗੇ ਪਰ 25 ਸਾਲਾਂ 'ਚ ਜੈਨ ਸ਼ਹਿਰ ਦੀ ਸਿਆਸਤ ਦਾ ਅਜਿਹਾ ਇਤਿਹਾਸ ਬਣ ਗਿਆ ਹੈ, ਜਿਸ ਦੇ ਅੰਦਰ ਹਰ ਸਿਆਸਤਦਾਨ ਦੀ ਪਹੁੰਚ ਹੈ।
