ਲੁਧਿਆਣਾ:ਪੰਜਾਬ ਭਰ ਦੇ ਵਿੱਚ ਪੰਚਾਇਤੀ ਚੋਣਾਂ ਦੇ ਲਈ ਕੱਲ ਵੋਟਿੰਗ ਦੀ ਪ੍ਰਕਿਰਿਆ ਸਵੇਰੇ 8 ਵਜੇ ਤੋਂ ਸ਼ੁਰੂ ਹੋ ਜਾਵੇਗੀ ਅਤੇ ਅੱਜ ਚੋਣ ਅਮਲੇ ਨੂੰ ਆਪੋ ਆਪਣੇ ਵਾਰਡਾਂ ਦੇ ਲਈ ਬੈਲਟ ਪੇਪਰ ਅਲਾਟ ਕਰ ਦਿੱਤੇ ਗਏ ਹਨ। ਸ਼ਾਮ 4 ਵਜੇ ਤੱਕ ਵੋਟਿੰਗ ਹੋਵੇਗੀ। ਅਤੇ ਉਸੇ ਦਿਨ ਨਤੀਜੇ ਵੀ ਐਲਾਨ ਦਿੱਤੇ ਜਾਣਗੇ। ਲੁਧਿਆਣਾ ਦੀ ਜੇਕਰ ਗੱਲ ਕੀਤੀ ਜਾਵੇ ਤਾਂ ਕੁੱਲ 941 ਪਿੰਡਾਂ ਦੇ ਲਈ ਵੋਟਿੰਗ ਹੋਣੀ ਹੈ। ਜਿੰਨ੍ਹਾਂ ਵਿੱਚ ਸਭ ਤੋਂ ਜ਼ਿਆਦਾ ਪਿੰਡ ਲੁਧਿਆਣਾ ਵਨ ਅਤੇ ਲੁਧਿਆਣਾ ਟੂ ਦੇ ਵਿੱਚ ਹਨ।
ਪੰਚਾਇਤੀ ਚੋਣਾਂ ਨੂੰ ਲੈ ਕੇ ਤਿਆਰੀਆਂ ਮੁਕੰਮਲ ਸਵੇਰੇ 8 ਤੋਂ 4 ਵਜੇ ਤੱਕ ਬੈਲਟ ਪੇਪਰ ਨਾਲ ਵੋਟਿੰਗ (ETV Bharat (ਪੱਤਰਕਾਰ, ਲੁਧਿਆਣਾ))
ਕਿਸ-ਕਿਸ ਦੇ ਕਾਗਜ਼ ਹੋਏ ਰੱਦ
ਇਹਨਾਂ 941 ਪਿੰਡਾਂ ਦੇ ਲਈ ਕੁੱਲ 3779 ਸਰਪੰਚ ਉਮੀਦਵਾਰ ਲਈ ਅਤੇ 13 ਹਜ਼ਾਰ 168 ਪੰਚ ਉਮੀਦਵਾਰਾਂ ਵੱਲੋਂ ਦਸਤਾਵੇਜ਼ ਦਾਖਲ ਕੀਤੇ ਗਏ ਸਨ। ਜਿਨਾਂ ਦੇ ਵਿੱਚੋਂ 134 ਸਰਪੰਚ ਉਮੀਦਵਾਰਾਂ ਦੇ ਕਾਗਜ਼ ਰੱਦ ਹੋ ਗਏ ਅਤੇ ਕੁੱਲ 537 ਪੰਜ ਉਮੀਦਵਾਰਾਂ ਦੇ ਕਾਗਜ਼ ਰੱਦ ਹੋਣ ਤੋਂ ਬਾਅਦ ਕੁੱਲ ਚੋਣ ਮੈਦਾਨ ਦੇ ਵਿੱਚ 3645 ਸਰਪੰਚ ਉਮੀਦਵਾਰ ਅਤੇ 12 ਹਜ਼ਾਰ 631 ਪੰਜ ਉਮੀਦਵਾਰ 941 ਪਿੰਡਾਂ ਲਈ ਚੋਣ ਮੈਦਾਨ ਦੇ ਵਿੱਚ ਹਨ।