ਲਖਨਊ: ਰਾਜਸਥਾਨ ਰਾਇਲਜ਼ ਨੇ ਲਖਨਊ ਸੁਪਰ ਜਾਇੰਟਸ ਨੂੰ 7 ਵਿਕਟਾਂ ਨਾਲ ਹਰਾਇਆ। ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਲਖਨਊ ਨੇ 196 ਦੌੜਾਂ ਬਣਾਈਆਂ। ਜਿਸ ਦੇ ਜਵਾਬ 'ਚ ਰਾਜਸਥਾਨ ਨੇ 19 ਓਵਰਾਂ 'ਚ 6 ਗੇਂਦਾਂ 'ਤੇ 3 ਵਿਕਟਾਂ ਦੇ ਨੁਕਸਾਨ 'ਤੇ 199 ਦੌੜਾਂ ਬਣਾਈਆਂ ਅਤੇ 7 ਵਿਕਟਾਂ ਨਾਲ ਜਿੱਤ ਦਰਜ ਕੀਤੀ। ਰਾਜਸਥਾਨ ਰਾਇਲਜ਼ ਲਈ ਕਪਤਾਨ ਸੰਜੂ ਸੈਮਸਨ (71) ਅਤੇ ਧਰੁਵ ਜੁਰੇਲ (52) ਨੇ ਅਜੇਤੂ ਅਰਧ ਸੈਂਕੜੇ ਬਣਾਏ। ਜਦਕਿ ਰਾਜਸਥਾਨ ਵੱਲੋਂ ਯਸ਼ ਠਾਕੁਰ, ਮਾਰਕਸ ਸਟੋਇਨਿਸ ਅਤੇ ਅਮਿਤ ਮਿਸ਼ਰਾ ਨੇ 1-1 ਵਿਕਟ ਲਈ।
ਰਾਜਸਥਾਨ ਰਾਇਲਜ਼ ਦੀ ਇਸ ਸ਼ਾਨਦਾਰ ਜਿੱਤ ਦਾ ਹੀਰੋ ਕਪਤਾਨ ਸੰਜੂ ਸੈਮਸਨ ਰਿਹਾ, ਜਿਸ ਨੇ 33 ਗੇਂਦਾਂ 'ਤੇ 71 ਦੌੜਾਂ ਦੀ ਤੂਫਾਨੀ ਪਾਰੀ ਖੇਡੀ। ਸੈਮਸਨ ਨੇ ਆਪਣੀ ਪਾਰੀ 'ਚ 7 ਚੌਕੇ ਅਤੇ 4 ਛੱਕੇ ਲਗਾਏ। ਇਸ ਪਾਰੀ ਲਈ ਸੈਮਸਨ ਨੂੰ ਪਲੇਅਰ ਆਫ ਦ ਮੈਚ ਦਾ ਐਵਾਰਡ ਦਿੱਤਾ ਗਿਆ।
ਰਾਜਸਥਾਨ ਅੰਕ ਸੂਚੀ ਵਿੱਚ ਸਿਖਰ 'ਤੇ ਬਰਕਰਾਰ:ਰਾਜਸਥਾਨ ਰਾਇਲਸ 9 ਮੈਚਾਂ 'ਚ 8ਵੀਂ ਜਿੱਤ ਦੇ ਨਾਲ ਅੰਕ ਸੂਚੀ 'ਚ ਸਿਖਰ 'ਤੇ ਬਰਕਰਾਰ ਹੈ। ਟੀਮ ਦੇ 16 ਅੰਕ ਹਨ। ਉਨ੍ਹਾਂ ਤੋਂ ਹੇਠਾਂ, 4 ਟੀਮਾਂ 10-10 ਅੰਕਾਂ ਨਾਲ ਦੂਜੇ ਤੋਂ ਪੰਜਵੇਂ ਸਥਾਨ 'ਤੇ ਮੌਜੂਦ ਹਨ। ਲਖਨਊ ਦੀ 9 ਮੈਚਾਂ 'ਚ ਚੌਥੀ ਹਾਰ, ਟੀਮ 5 ਜਿੱਤਾਂ ਤੋਂ ਬਾਅਦ 10 ਅੰਕਾਂ ਨਾਲ ਚੌਥੇ ਸਥਾਨ 'ਤੇ ਹੈ।