ਹੈਦਰਾਬਾਦ:ਬਲਾਕਬਸਟਰ ਨਾਲ ਭਰੇ 2023 ਤੋਂ ਬਾਅਦ ਸਾਲ 2024 ਭਾਰਤੀ ਫਿਲਮ ਉਦਯੋਗ ਲਈ ਇੱਕ ਨਵੀਂ ਯਾਤਰਾ ਲੈ ਕੇ ਆਇਆ। ਇਹ ਸਾਲ ਮਨੋਰੰਜਨ ਜਗਤ ਲਈ ਕਈ ਉਤਰਾਅ-ਚੜ੍ਹਾਅ ਨਾਲ ਭਰਿਆ ਰਿਹਾ। ਪਹਿਲੇ 6 ਮਹੀਨੇ ਇੰਨੇ ਖਾਸ ਨਹੀਂ ਸਨ, ਪਰ ਦੂਜੇ ਅੱਧ ਨੇ ਤਬਾਹੀ ਮਚਾਈ। ਬਾਕਸ-ਆਫਿਸ ਉਤੇ ਭੀੜ ਨੂੰ ਖਿੱਚਣ ਵਾਲੀਆਂ ਫਿਲਮਾਂ ਰਿਲੀਜ਼ ਹੋਈਆਂ, ਖਾਸ ਤੌਰ 'ਤੇ 'ਪੁਸ਼ਪਾ 2' ਅਤੇ 'ਸਤ੍ਰੀ 2' ਵਰਗੀਆਂ ਫਿਲਮਾਂ, ਜਿਸ ਨੇ ਬਾਕਸ ਆਫਿਸ 'ਤੇ ਸੁਨਾਮੀ ਪੈਦਾ ਕਰ ਦਿੱਤੀ। ਇਨ੍ਹਾਂ ਦੇ ਨਾਲ ਹੀ 'ਭੂਲ ਭੂੱਲਈਆ 3' ਅਤੇ 'ਸਿੰਘਮ ਅਗੇਨ' ਵੀ ਬਾਕਸ ਆਫਿਸ 'ਤੇ ਬਲਾਕਬਸਟਰ ਸਾਬਤ ਹੋਈਆਂ। ਸਾਲ ਦੀ ਸ਼ੁਰੂਆਤ ਵਿੱਚ 'ਫਾਈਟਰ', 'ਸ਼ੈਤਾਨ' ਅਤੇ 'ਕਰੂ' ਵਰਗੀਆਂ ਫਿਲਮਾਂ ਨੇ ਕੁਝ ਪੈਸਾ ਕਮਾਇਆ ਅਤੇ ਕੁਝ ਮੱਧਮ ਬਜਟ ਵਾਲੀਆਂ, ਜਿਵੇਂ 'ਸ਼੍ਰੀਕਾਂਤ', 'ਮੁੰਜਿਆ', 'ਧਾਰਾ 370' ਵਰਗੀਆਂ ਘੱਟ ਬਜਟ ਦੀਆਂ ਫਿਲਮਾਂ ਨੇ ਚੰਗੀ ਕਮਾਈ ਕੀਤੀ।
ਬਾਕਸ ਆਫਿਸ ਦੀ ਕਮਾਈ ਤੋਂ ਇਲਾਵਾ ਮਨੋਰੰਜਨ ਜਗਤ ਦੀਆਂ ਹੋਰ ਵੀ ਕਈ ਗੱਲਾਂ ਨੇ ਦਰਸ਼ਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ। ਜਾਨੋਂ ਮਾਰਨ ਦੀਆਂ ਧਮਕੀਆਂ ਮਿਲਣ ਤੋਂ ਲੈ ਕੇ ਤਲਾਕ ਅਤੇ ਗ੍ਰਿਫਤਾਰੀ ਦੀਆਂ ਅਫਵਾਹਾਂ ਤੱਕ। ਇਸ ਸਾਲ ਕਈ ਅਜਿਹੀਆਂ ਘਟਨਾਵਾਂ ਵਾਪਰੀਆਂ, ਜਿਨ੍ਹਾਂ ਨੇ ਫਿਲਮਾਂ ਨਾਲੋਂ ਜ਼ਿਆਦਾ ਸੁਰਖੀਆਂ ਬਟੋਰੀਆਂ। ਤਾਂ ਆਓ ਅਸੀਂ ਤੁਹਾਡੇ ਲਈ ਉਨ੍ਹਾਂ ਸਾਰੀਆਂ ਘਟਨਾਵਾਂ ਦੀ ਪੂਰੀ ਸੂਚੀ ਲਿਆਉਂਦੇ ਹਾਂ।
2024 ਵਿੱਚ ਬਾਲੀਵੁੱਡ ਦੀਆਂ ਬਲਾਕਬਸਟਰ ਫਿਲਮਾਂ
1. ਸਤ੍ਰੀ 2: ਸ਼ਰਧਾ ਕਪੂਰ-ਰਾਜਕੁਮਾਰ ਰਾਓ ਸਟਾਰਰ ਫਿਲਮ 'ਸਤ੍ਰੀ 2' ਸੁਤੰਤਰਤਾ ਦਿਵਸ 'ਤੇ ਰਿਲੀਜ਼ ਹੋਈ, ਬਾਕਸ ਆਫਿਸ 'ਤੇ 627.02 ਕਰੋੜ ਦੀ ਕਮਾਈ ਕਰਕੇ ਸਾਲ ਦੀ ਸਭ ਤੋਂ ਵੱਡੀ ਹਿੱਟ ਫਿਲਮ ਬਣ ਕੇ ਉਭਰੀ। ਇਸ ਫਿਲਮ ਨੇ ਬਾਕਸ ਆਫਿਸ 'ਤੇ ਕਮਾਈ ਦੇ ਕਈ ਰਿਕਾਰਡ ਤੋੜ ਦਿੱਤੇ।
2. ਭੂਲ ਭੁੱਲਈਆ 3:ਕਾਰਤਿਕ ਆਰੀਅਨ ਦੀ ਡਰਾਉਣੀ ਕਾਮੇਡੀ ਭੂਲ ਭੁੱਲਈਆ 3 ਨੇ ਬਾਕਸ ਆਫਿਸ 'ਤੇ ਜ਼ਬਰਦਸਤ ਕਮਾਈ ਕੀਤੀ। ਵਿਦਿਆ ਬਾਲਨ ਅਤੇ ਮਾਧੁਰੀ ਦੀਕਸ਼ਿਤ ਦੀ ਅਦਾਕਾਰੀ ਨੂੰ ਦਰਸ਼ਕਾਂ ਨੇ ਖੂਬ ਸਲਾਹਿਆ। ਫਿਲਮ ਨੇ 278.42 ਕਰੋੜ ਦੀ ਕਮਾਈ ਕੀਤੀ ਸੀ ਜਦੋਂ ਕਿ ਇਸ ਦੇ ਨਾਲ ਹੀ 'ਸਿੰਘਮ ਅਗੇਨ' ਵੀ ਰਿਲੀਜ਼ ਹੋਈ ਸੀ।
3. ਸਿੰਘਮ ਅਗੇਨ: ਰੋਹਿਤ ਸ਼ੈਟੀ ਦੀ ਮਲਟੀ-ਸਟਾਰਰ ਫਿਲਮ ਸਿੰਘਮ ਅਗੇਨ ਵੀ ਬਾਕਸ ਆਫਿਸ 'ਤੇ ਆਪਣੀ ਛਾਪ ਛੱਡਣ 'ਚ ਸਫਲ ਰਹੀ। ਫਿਲਮ ਨੇ 268.35 ਕਰੋੜ ਦੀ ਕਮਾਈ ਕੀਤੀ ਸੀ।
ਬਾਲੀਵੁੱਡ ਦੀਆਂ ਸਭ ਤੋਂ ਵੱਡੀਆਂ ਫਲਾਪ ਫਿਲਮਾਂ
1. ਬੜੇ ਮੀਆਂ ਛੋਟੇ ਮੀਆਂ: ਸਾਲ ਦੀਆਂ ਸਭ ਤੋਂ ਮਹਿੰਗੀਆਂ ਫਿਲਮਾਂ ਵਿੱਚੋਂ ਇੱਕ ਅਕਸ਼ੈ ਕੁਮਾਰ ਅਤੇ ਟਾਈਗਰ ਸ਼ਰਾਫ ਨੇ ਬੜੇ ਮੀਆਂ ਛੋਟੇ ਮੀਆਂ ਵਿੱਚ ਇਕੱਠੇ ਸਕ੍ਰੀਨ ਸ਼ੇਅਰ ਕੀਤੀ ਸੀ। ਪਰ ਫਿਲਮ ਬਾਕਸ ਆਫਿਸ ਉਤੇ ਬਿਲਕੁੱਲ ਫਲਾਪ ਸਾਬਤ ਹੋਈ।
2. ਜਿਗਰਾ: ਆਲੀਆ ਭੱਟ ਦੀ ਜਿਗਰਾ ਵੀ ਇਸ ਸਾਲ ਦੀ ਸਭ ਤੋਂ ਵੱਡੀ ਫਲਾਪ ਫਿਲਮਾਂ ਵਿੱਚੋਂ ਇੱਕ ਸੀ। ਉਸ 'ਤੇ ਬਾਕਸ ਆਫਿਸ ਕਲੈਕਸ਼ਨ 'ਚ ਧੋਖਾਧੜੀ ਦਾ ਇਲਜ਼ਾਮ ਵੀ ਲੱਗਿਆ ਸੀ।
3. ਸਰਫਿਰਾ:ਅਕਸ਼ੈ ਕੁਮਾਰ ਦੀ ਸਰਫਿਰਾ ਵੀ ਸਾਲ ਦੀਆਂ ਵੱਡੀਆਂ ਫਲਾਪ ਫਿਲਮਾਂ ਵਿੱਚੋਂ ਇੱਕ ਸੀ।
ਦੱਖਣ ਦੀਆਂ ਬਲਾਕਬਸਟਰ ਫਿਲਮਾਂ
1. ਪੁਸ਼ਪਾ 2:ਸਾਲ 2024 ਦੱਖਣ ਸਿਨੇਮਾ ਖਾਸ ਕਰਕੇ ਤੇਲਗੂ ਫਿਲਮਾਂ ਲਈ ਇੱਕ ਵੱਡਾ ਸਾਲ ਸੀ। ਇਨ੍ਹਾਂ 'ਚੋਂ ਪੁਸ਼ਪਾ 2 ਨੇ ਬਾਕਸ ਆਫਿਸ 'ਤੇ ਸੁਨਾਮੀ ਲਿਆਂਦੀ ਸੀ। ਅੱਲੂ ਅਰਜੁਨ ਦੀ ਪੁਸ਼ਪਾ ਫਿਲਮ 640 ਕਰੋੜ ਰੁਪਏ ਨੂੰ ਪਾਰ ਕਰ ਕੇ ਅਜੇ ਵੀ ਬਾਕਸ ਆਫਿਸ 'ਤੇ ਰਾਜ ਕਰ ਰਹੀ ਹੈ। ਫਿਲਮ ਨੇ ਦੁਨੀਆ ਭਰ 'ਚ 1750 ਕਰੋੜ ਰੁਪਏ ਦਾ ਅੰਕੜਾ ਵੀ ਪਾਰ ਕਰ ਲਿਆ ਹੈ।
2. ਕਲਕੀ 2898 AD:ਪ੍ਰਭਾਸ, ਦੀਪਿਕਾ ਪਾਦੂਕੋਣ, ਅਮਿਤਾਭ ਬੱਚਨ ਅਤੇ ਕਮਲ ਹਾਸਨ ਸਟਾਰਰ ਇਸ ਵਿਗਿਆਨਕ ਮਹਾਂਕਾਵਿ ਨੇ ਬਾਕਸ ਆਫਿਸ 'ਤੇ 294.25 ਕਰੋੜ ਰੁਪਏ ਦੀ ਕਮਾਈ ਕੀਤੀ।
ਇਸ ਸਾਲ ਵਾਪਰੀਆਂ ਘਟਨਾਵਾਂ
ਫਿਲਮਾਂ ਤੋਂ ਇਲਾਵਾ ਬਾਲੀਵੁੱਡ ਨੇ ਸਾਨੂੰ ਕਈ ਡਰਾਮੇ ਵੀ ਦਿਖਾਏ। ਸਾਲ 2024 'ਚ ਕਈ ਅਜਿਹੀਆਂ ਘਟਨਾਵਾਂ ਵਾਪਰੀਆਂ, ਜਿਨ੍ਹਾਂ ਨੇ ਫਿਲਮ ਨਾਲੋਂ ਜ਼ਿਆਦਾ ਸੁਰਖੀਆਂ ਬਟੋਰੀਆਂ। ਸਲਮਾਨ ਖਾਨ ਨੂੰ ਕੰਗਨਾ ਰਣੌਤ ਦੇ ਥੱਪੜ ਮਾਰਨ ਦੀਆਂ ਧਮਕੀਆਂ ਮਿਲਣ ਤੋਂ ਲੈ ਕੇ ਐਸ਼ਵਰਿਆ ਰਾਏ ਅਤੇ ਅਭਿਸ਼ੇਕ ਬੱਚਨ ਦੇ ਕਥਿਤ ਤੌਰ 'ਤੇ ਵੱਖ ਹੋਣ ਅਤੇ ਅੱਲੂ ਅਰਜੁਨ ਦੀ ਹੈਰਾਨ ਕਰਨ ਵਾਲੀ ਗ੍ਰਿਫ਼ਤਾਰੀ ਦੀ ਚਰਚਾ ਲਗਾਤਾਰ ਹੋ ਰਹੀ ਹੈ।
1. ਕੰਗਨਾ ਰਣੌਤ ਦੇ ਥੱਪੜ ਮਾਰਨ ਦੀ ਘਟਨਾ: ਜੂਨ ਵਿੱਚ ਭਾਰਤੀ ਜਨਤਾ ਪਾਰਟੀ ਦੀ ਟਿਕਟ 'ਤੇ ਮੰਡੀ ਵਿੱਚ ਲੋਕ ਸਭਾ ਚੋਣਾਂ ਜਿੱਤਣ ਤੋਂ ਕੁਝ ਦਿਨ ਬਾਅਦ ਕੰਗਨਾ ਰਣੌਤ ਨਵੀਂ ਦਿੱਲੀ ਜਾ ਰਹੀ ਸੀ ਜਦੋਂ ਉਸ ਨੂੰ ਚੰਡੀਗੜ੍ਹ ਹਵਾਈ ਅੱਡੇ 'ਤੇ ਸੀਆਈਐਸਐਫ ਦੀ ਕਰਮਚਾਰੀ ਕੁਲਵਿੰਦਰ ਕੌਰ ਨੇ ਥੱਪੜ ਮਾਰ ਦਿੱਤਾ। ਥੱਪੜ ਪਿੱਛੇ ਦਾ ਕਾਰਨ ਉਸ ਦੇ ਵਿਵਾਦਿਤ ਬਿਆਨ ਸਨ। ਇਸ ਤੋਂ ਬਾਅਦ ਕੁਲਵਿੰਦਰ ਕੌਰ ਖਿਲਾਫ ਐੱਫਆਈਆਰ ਦਰਜ ਹੋਈ, ਇਸ ਤੋਂ ਬਾਅਦ ਸਟਾਰ ਨੇ ਇੱਕ ਵੀਡੀਓ ਸਾਂਝਾ ਕੀਤਾ। ਇਸ ਘਟਨਾ ਨੇ ਮੀਡੀਆ ਵਿੱਚ ਹੰਗਾਮਾ ਮਚਾਇਆ ਅਤੇ ਆਖਰਕਾਰ ਸੀਆਈਐਸਐਫ ਅਧਿਕਾਰੀ ਨੂੰ ਮੁਅੱਤਲ ਕਰ ਦਿੱਤਾ ਗਿਆ।
2. ਸਲਮਾਨ ਖਾਨ ਅਤੇ ਸ਼ਾਹਰੁਖ ਖਾਨ ਨੂੰ ਧਮਕੀ: ਜੇਲ੍ਹ 'ਚ ਬੰਦ ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਨਾਲ ਸਲਮਾਨ ਖਾਨ ਦਾ ਲੰਬੇ ਸਮੇਂ ਤੋਂ ਚੱਲ ਰਿਹਾ ਝਗੜਾ ਇਸ ਸਾਲ ਫਿਰ ਵੱਧ ਗਿਆ। ਕਾਲੇ ਹਿਰਨ ਨੂੰ ਪਵਿੱਤਰ ਮੰਨਣ ਵਾਲੇ ਬਿਸ਼ਨੋਈ ਨੇ 1998 ਦੇ ਸ਼ਿਕਾਰ ਮਾਮਲੇ ਦਾ ਬਦਲਾ ਲੈਣ ਦੀ ਧਮਕੀ ਦਿੱਤੀ। ਇਸ ਸਾਲ ਦੀ ਸ਼ੁਰੂਆਤ 'ਚ ਉਨ੍ਹਾਂ ਦੀ ਰਿਹਾਇਸ਼ ਦੇ ਬਾਹਰ ਗੋਲੀਬਾਰੀ ਦੀ ਘਟਨਾ ਵਾਪਰੀ ਸੀ, ਜਿਸ ਤੋਂ ਬਾਅਦ ਉਨ੍ਹਾਂ ਦੀ ਸੁਰੱਖਿਆ ਵਧਾ ਦਿੱਤੀ ਗਈ ਸੀ। ਨਵੰਬਰ 'ਚ ਸ਼ਾਹਰੁਖ ਖਾਨ ਨੂੰ ਵੀ ਧਮਕੀ ਦਿੱਤੀ ਗਈ ਸੀ ਅਤੇ 50 ਲੱਖ ਰੁਪਏ ਦੀ ਮੰਗ ਕੀਤੀ ਗਈ ਸੀ। ਹਾਲਾਂਕਿ ਦੋਸ਼ੀ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ।
3. ਵਿਕਰਾਂਤ ਮੈਸੀ ਦੀ ਰਿਟਾਇਰਮੈਂਟ:ਦਸੰਬਰ 'ਚ ਵਿਕਰਾਂਤ ਮੈਸੀ ਨੇ ਇੱਕ ਇੰਸਟਾਗ੍ਰਾਮ ਪੋਸਟ ਨਾਲ ਰਿਟਾਇਰਮੈਂਟ ਦਾ ਐਲਾਨ ਕਰਕੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਸੀ। ਪਰ ਬਾਅਦ ਵਿੱਚ ਅਦਾਕਾਰ ਨੇ ਸਪੱਸ਼ਟ ਕੀਤਾ ਕਿ ਉਹ ਪਰਿਵਾਰ ਅਤੇ ਸਿਹਤ 'ਤੇ ਧਿਆਨ ਦੇਣ ਲਈ ਇੱਕ ਅਸਥਾਈ ਬ੍ਰੇਕ ਲੈ ਰਿਹਾ ਹੈ।
4. ਪੂਨਮ ਪਾਂਡੇ ਦੀ ਮੌਤ ਦੀ ਅਫਵਾਹ: ਫਰਵਰੀ ਦੀ ਸ਼ੁਰੂਆਤ ਇਸ ਖਬਰ ਨਾਲ ਹੋਈ ਸੀ, ਜਿਸ 'ਚ ਪੂਨਮ ਪਾਂਡੇ ਦੇ ਇੰਸਟਾਗ੍ਰਾਮ 'ਤੇ ਇੱਕ ਪੋਸਟ ਨੇ ਸਰਵਾਈਕਲ ਕੈਂਸਰ ਕਾਰਨ ਉਸ ਦੀ 'ਮੌਤ' ਦਾ ਐਲਾਨ ਕੀਤਾ ਸੀ। ਸੋਸ਼ਲ ਮੀਡੀਆ 'ਤੇ ਸੋਗ ਦੀ ਲਹਿਰ ਸੀ ਪਰ ਕੁਝ ਦਿਨਾਂ ਬਾਅਦ ਅਦਾਕਾਰਾ ਨੇ ਲਾਈਵ ਸੈਸ਼ਨ 'ਚ ਪੇਸ਼ ਹੋ ਕੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ, ਜਿਸ 'ਚ ਉਸ ਨੇ ਕਿਹਾ ਕਿ ਉਹ ਬਿਲਕੁਲ ਠੀਕ ਹੈ ਅਤੇ ਜ਼ਿੰਦਾ ਹੈ। ਪੂਨਮ ਨੇ ਦਾਅਵਾ ਕੀਤਾ ਕਿ ਇਹ ਸਟੰਟ ਕਰਨ ਦਾ ਮਕਸਦ ਸਰਵਾਈਕਲ ਕੈਂਸਰ ਬਾਰੇ ਜਾਗਰੂਕਤਾ ਵਧਾਉਣਾ ਸੀ। ਹਾਲਾਂਕਿ ਕੁਝ ਲੋਕਾਂ ਨੂੰ ਉਸ ਦਾ ਅੰਦਾਜ਼ ਪਸੰਦ ਨਹੀਂ ਆਇਆ।
5. ਅੱਲੂ ਅਰਜੁਨ ਦੀ ਗ੍ਰਿਫਤਾਰੀ: ਅੱਲੂ ਅਰਜੁਨ ਦੀ ਫਿਲਮ ਪੁਸ਼ਪਾ 2 ਦੀ ਸਫਲਤਾ ਦੇ ਕੁਝ ਦਿਨਾਂ ਬਾਅਦ ਦਸੰਬਰ ਵਿੱਚ ਅੱਲੂ ਅਰਜੁਨ ਨੂੰ ਫਿਲਮ ਦੇ ਪ੍ਰੀਮੀਅਰ ਵਿੱਚ ਇੱਕ ਔਰਤ ਦੀ ਮੌਤ ਦੇ ਮਾਮਲੇ ਵਿੱਚ ਹੈਦਰਾਬਾਦ ਪੁਲਿਸ ਨੇ ਗ੍ਰਿਫਤਾਰ ਕੀਤਾ ਸੀ। ਅਰਜੁਨ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਸੀ ਜਦੋਂ ਔਰਤ ਦੇ ਪਰਿਵਾਰ ਨੇ ਉਸ 'ਤੇ ਕਤਲ ਦਾ ਇਲਜ਼ਾਮ ਲਗਾਉਂਦੇ ਹੋਏ ਸ਼ਿਕਾਇਤ ਦਰਜ ਕਰਵਾਈ ਸੀ। ਅਦਾਕਾਰ ਨੂੰ ਤੇਲੰਗਾਨਾ ਹਾਈ ਕੋਰਟ ਨੇ ਅੰਤਰਿਮ ਜ਼ਮਾਨਤ ਦੇਣ ਤੋਂ ਬਾਅਦ ਰਿਹਾਅ ਕਰ ਦਿੱਤਾ ਗਿਆ ਸੀ। ਗ੍ਰਿਫਤਾਰੀ ਤੋਂ ਬਾਅਦ ਸਿਆਸੀ ਵਿਵਾਦ ਸ਼ੁਰੂ ਹੋ ਗਿਆ ਅਤੇ ਵਿਰੋਧੀ ਧਿਰ ਨੇ ਤੇਲੰਗਾਨਾ ਸਰਕਾਰ 'ਤੇ ਅੱਲੂ ਅਰਜੁਨ ਨੂੰ ਪ੍ਰੇਸ਼ਾਨ ਕਰਨ ਦਾ ਇਲਜ਼ਾਮ ਲਾਇਆ।
ਤਲਾਕ ਦੀਆਂ ਅਫਵਾਹਾਂ
ਐਸ਼ਵਰਿਆ ਰਾਏ-ਅਭਿਸ਼ੇਕ ਬੱਚਨ
ਇਸ ਸਾਲ ਜੇਕਰ ਕਿਸੇ ਜੋੜੇ ਨੇ ਸਭ ਤੋਂ ਜ਼ਿਆਦਾ ਸੁਰਖੀਆਂ ਬਟੋਰੀਆਂ ਤਾਂ ਉਹ ਐਸ਼ਵਰਿਆ ਅਤੇ ਅਭਿਸ਼ੇਕ ਸਨ। ਜੁਲਾਈ 'ਚ ਅਨੰਤ ਅੰਬਾਨੀ ਦੇ ਵਿਆਹ ਦੌਰਾਨ ਉਨ੍ਹਾਂ ਦੇ ਰਿਸ਼ਤੇ 'ਚ ਪਰੇਸ਼ਾਨੀ ਦੀਆਂ ਅਟਕਲਾਂ ਸ਼ੁਰੂ ਹੋ ਗਈਆਂ ਸਨ। ਐਸ਼ਵਰਿਆ ਅਤੇ ਉਨ੍ਹਾਂ ਦੀ ਬੇਟੀ ਆਰਾਧਿਆ ਵਿਆਹ 'ਚ ਵੱਖਰੇ ਤੌਰ 'ਤੇ ਪਹੁੰਚੇ, ਜਦਕਿ ਅਮਿਤਾਭ ਬੱਚਨ, ਜਯਾ ਬੱਚਨ, ਅਭਿਸ਼ੇਕ, ਸ਼ਵੇਤਾ, ਅਗਸਤਿਆ ਨੰਦਾ ਅਤੇ ਨਵਿਆ ਨਵੇਲੀ ਸਮੇਤ ਬੱਚਨ ਪਰਿਵਾਰ ਦੇ ਬਾਕੀ ਮੈਂਬਰ ਵੱਖਰੇ ਤੌਰ 'ਤੇ ਸ਼ਾਮਲ ਹੋਏ। ਅਫਵਾਹਾਂ ਨੂੰ ਉਦੋਂ ਹੋਰ ਊਰਜਾ ਮਿਲੀ ਜਦੋਂ ਅਭਿਸ਼ੇਕ ਅਤੇ ਬੱਚਨ ਪਰਿਵਾਰ ਨੇ ਐਸ਼ਵਰਿਆ ਨੂੰ ਉਸ ਦੇ ਜਨਮਦਿਨ 'ਤੇ ਜਨਤਕ ਤੌਰ 'ਤੇ ਸ਼ੁਭਕਾਮਨਾਵਾਂ ਨਹੀਂ ਦਿੱਤੀਆਂ ਅਤੇ ਨਾ ਹੀ ਸੋਸ਼ਲ ਮੀਡੀਆ 'ਤੇ ਉਸ ਨੂੰ ਸ਼ੁੱਭਕਾਮਨਾਵਾਂ ਦਿੱਤੀਆਂ। ਹਾਲਾਂਕਿ ਇਨ੍ਹਾਂ ਅਫਵਾਹਾਂ 'ਤੇ ਦੋਵਾਂ ਪਾਸਿਆਂ ਤੋਂ ਅਜੇ ਤੱਕ ਕੋਈ ਅਧਿਕਾਰਤ ਬਿਆਨ ਨਹੀਂ ਆਇਆ ਹੈ।
ਇਨ੍ਹਾਂ ਸਾਰੀਆਂ ਘਟਨਾਵਾਂ ਅਤੇ ਸਫਲਤਾਵਾਂ ਦੇ ਨਾਲ ਅਸੀਂ 2024 ਨੂੰ ਅਲਵਿਦਾ ਕਹਿ ਰਹੇ ਹਾਂ ਅਤੇ ਇੱਕ ਬਿਹਤਰ 2025 ਦੀ ਉਮੀਦ ਕਰ ਰਹੇ ਹਾਂ। ਹਾਲਾਂਕਿ ਫਿਲਮ ਇੰਡਸਟਰੀ 'ਚ ਸਭ ਕੁਝ ਸਿੱਧਾ ਰਹੇ ਇਹ ਕਾਫੀ ਮੁਸ਼ਕਿਲ ਹੈ ਪਰ ਕਿਹਾ ਜਾਂਦਾ ਹੈ ਕਿ ਦੁਨੀਆ ਉਮੀਦ 'ਤੇ ਬਣੀ ਹੈ। ਇਸ ਲਈ ਅਸੀਂ ਉਮੀਦ ਕਰਦੇ ਹਾਂ ਕਿ ਅਗਲੇ ਸਾਲ ਜ਼ਿਆਦਾ ਤੋਂ ਜ਼ਿਆਦਾ ਫਿਲਮਾਂ ਹਿੱਟ ਹੋਣ।
ਇਹ ਵੀ ਪੜ੍ਹੋ:
