ਹੈਦਰਾਬਾਦ ਡੈਸਕ:ਪੰਜਾਬੀ ਸਿਨੇਮਾਂ ਸਟਾਰ ਅਤੇ ਨਿਰਮਾਤਾ ਗਿੱਪੀ ਗਰੇਵਾਲ ਵੱਲੋ ਬਹੁ-ਆਯਾਮੀ ਅਦਾਕਾਰ ਪ੍ਰਿੰਸ ਕੰਵਲਜੀਤ ਸਿੰਘ ਨੂੰ ਉਨਾਂ ਦੇ ਜਨਮ ਦਿਨ ਸਬੰਧਤ ਇਕ ਅਹਿਮ ਅਤੇ ਵੱਡੇ ਤੋਹਫ਼ੇ ਨਾਲ ਨਵਾਜ਼ਿਆ ਗਿਆ ਹੈ ,ਜਿੰਨਾਂ ਵੱਲੋ ਅਪਣੀਆਂ ਹੋਮ ਪ੍ਰੋਡੋਕਸ਼ਨ ਫਿਲਮਾਂ ਨੂੰ ਚਾਰ ਚੰਨ ਲਾਉਣ ਵਿਚ ਅਹਿਮ ਭੂਮਿਕਾ ਨਿਭਾ ਰਹੇ ਇਸ ਬਾਕਮਾਲ ਐਕਟਰ ਨਾਲ 'ਵਾਰਨਿੰਗ 3' ਫਿਲਮ ਬਣਾਉਣ ਦਾ ਰਸਮੀ ਐਲਾਨ ਕਰ ਦਿੱਤਾ ਗਿਆ ਹੈ , ਜਿਸ ਨੂੰ 08 ਅਗਸਤ, 2025 ਨੂੰ ਸਿਨੇਮਾ ਘਰਾਂ ਵਿੱਚ ਰਿਲੀਜ ਕੀਤਾ ਜਾਵੇਗਾ।
ਐਕਸ਼ਨ ਅਤੇ ਡਰਾਮਾ ਸਟੋਰੀ: 'ਹੰਬਲ ਮੋਸ਼ਨ ਪਿਕਚਰਜ਼' ਵੱਲੋ ਨਿਰਮਿਤ ਕੀਤੀ ਜਾ ਰਹੀ ਇਸ ਬਿਗ ਸੈਟਅੱਪ ਫ਼ਿਲਮ ਦਾ ਨਿਰਦੇਸ਼ਨ ਨੌਜਵਾਨ ਅਤੇ ਚਰਚਿਤ ਫ਼ਿਲਮਕਾਰ ਅਮਰ ਹੁੰਦਲ ਕਰਨਗੇ ,ਜੋ ਇਸ ਤੋੰ ਪਹਿਲਾ ਆਈਆ 'ਵਾਰਨਿੰਗ' ਅਤੇ 'ਵਾਰਨਿੰਗ 2' ਨੂੰ ਵੀ ਸ਼ਾਨਦਾਰ ਅਤੇ ਪ੍ਰਭਾਵੀ ਰੂਪ ਦੇਣ ਵਿਚ ਅਹਿਮ ਭੂਮਿਕਾ ਨਿਭਾ ਚੁੱਕੇ ਹਨ। ਐਕਸ਼ਨ ਅਤੇ ਡਰਾਮਾ ਸਟੋਰੀ ਅਧਾਰਿਤ ਇਸ ਫ਼ਿਲਮ ਵਿਚ ਹਾਲੀਆ 'ਵਾਰਨਿੰਗ 2' ਦੇ ਪ੍ਰਮੁੱਖ ਐਕਟਰਜ਼ ਰਹੇ ਗਿੱਪੀ ਗਰੇਵਾਲ, ਧੀਰਜ ਕੁਮਾਰ, ਰਾਜ ਸਿੰਘ ਝਿੰਜਰ ਵੀ ਅਹਿਮ ਭੂਮਿਕਾਵਾਂ ਨਿਭਾਉਣ ਜਾ ਰਹੇ ਹਨ। ਅਨਾਊਸਮੈਂਟ ਪੜਾਅ ਤੋਂ ਦਰਸ਼ਕਾਂ ਦੀ ਉਤਸੁਕਤਾ ਦਾ ਕੇਦਰ ਬਿੰਦੂ ਬਣੀ ਇਸ ਫ਼ਿਲਮ ਦਾ ਕਹਾਣੀ ਬਿਰਤਾਂਤ ਜਿੱਥੇ ਛੱਡਿਆ ਗਿਆ ਸੀ, ਉੱਥੋਂ ਹੀ ਸ਼ੁਰੂ ਕਰਨ ਲਈ ਤਿਆਰ ਹੈ।