ਕਪਿਲ ਸ਼ਰਮਾ ਦੇ ਕਾਮੇਡੀ ਸ਼ੋਅ 'ਚ ਦਰਸ਼ਕਾਂ ਨੂੰ ਕਿਵੇਂ ਬਣਾਇਆ ਗਿਆ ਬੇਵਕੂਫ, ਅਰਚਨਾ ਪੂਰਨ ਸਿੰਘ ਨੇ ਖੋਲੀ ਪੋਲ - Archana Puran Singh

Archana Puran Singh: ਕਪਿਲ ਸ਼ਰਮਾ ਸ਼ੋਅ 'ਚ ਉੱਚੀ-ਉੱਚੀ ਹੱਸਣ ਵਾਲੀ ਅਰਚਨਾ ਪੂਰਨ ਸਿੰਘ ਨੇ ਖੁਲਾਸਾ ਕੀਤਾ ਹੈ ਕਿ ਉਹ ਸ਼ੋਅ 'ਚ ਬੇਕਾਰ ਚੁਟਕਲਿਆਂ 'ਤੇ ਜ਼ਬਰਦਸਤੀ ਹੱਸਦੀ ਸੀ। ਉਸ ਨੇ ਇਸ ਦਾ ਕਾਰਨ ਵੀ ਦੱਸਿਆ ਹੈ।

ਮੁੰਬਈ:ਕਾਮੇਡੀ ਦੇ ਬਾਦਸ਼ਾਹ ਅਤੇ ਦੁਨੀਆ ਭਰ 'ਚ ਆਪਣੇ ਕਾਮੇਡੀ ਅੰਦਾਜ਼ ਲਈ ਮਸ਼ਹੂਰ ਕਪਿਲ ਸ਼ਰਮਾ ਨਵੇਂ ਕਾਮੇਡੀ ਸ਼ੋਅ 'ਦਿ ਗ੍ਰੇਟ ਇੰਡੀਅਨ ਕਪਿਲ ਸ਼ੋਅ' ਨਾਲ ਵਾਪਸੀ ਕਰ ਰਹੇ ਹਨ। ਹਾਲ ਹੀ 'ਚ 'ਦਿ ਗ੍ਰੇਟ ਇੰਡੀਅਨ ਕਪਿਲ ਸ਼ੋਅ' ਦਾ ਸ਼ਾਨਦਾਰ ਟ੍ਰੇਲਰ ਰਿਲੀਜ਼ ਹੋਇਆ ਹੈ। ਇਸ 'ਚ ਆਮਿਰ ਖਾਨ ਅਤੇ ਰਣਬੀਰ ਕਪੂਰ ਸਮੇਤ ਕਈ ਸਟਾਰ ਮਹਿਮਾਨਾਂ ਦੀਆਂ ਝਲਕੀਆਂ ਸਾਹਮਣੇ ਆਈਆਂ ਹਨ।

ਇਸ ਦੇ ਨਾਲ ਹੀ ਇੱਕ ਵਾਰ ਫਿਰ ਉਨ੍ਹਾਂ ਦੇ ਦੋਸਤ ਸੁਨੀਲ ਗਰੋਵਰ ਨੇ ਵੀ ਕਪਿਲ ਦੇ ਸ਼ੋਅ 'ਚ ਐਂਟਰੀ ਕੀਤੀ ਹੈ। ਇੱਥੇ ਫਿਲਮ ਅਦਾਕਾਰਾ ਅਰਚਨਾ ਪੂਰਨ ਸਿੰਘ ਇੱਕ ਵਾਰ ਫਿਰ ਜੱਜ ਦੀ ਕੁਰਸੀ 'ਤੇ ਨਜ਼ਰ ਆਈ। ਅਰਚਨਾ ਨੇ ਸ਼ੋਅ ਦੇ ਸਟ੍ਰੀਮ ਹੋਣ ਤੋਂ ਪਹਿਲਾਂ ਇੱਕ ਇੰਟਰਵਿਊ ਵਿੱਚ ਕਪਿਲ ਸ਼ਰਮਾ ਸ਼ੋਅ ਦੀ ਵੱਡੀ ਸੱਚਾਈ ਦਾ ਖੁਲਾਸਾ ਕੀਤਾ ਹੈ।

ਅਰਚਨਾ ਪੂਰਨ ਸਿੰਘ ਨੇ ਕਿਹਾ ਹੈ ਕਿ ਉਹ ਦਿ ਕਪਿਲ ਸ਼ਰਮਾ ਸ਼ੋਅ ਵਿੱਚ ਨਕਲੀ ਹੱਸਦੀ ਸੀ। ਉਸ ਨੇ ਇਹ ਵੀ ਖੁਲਾਸਾ ਕੀਤਾ ਹੈ ਕਿ ਅਰਚਨਾ ਅਜਿਹਾ ਕਿਉਂ ਕਰਦੀ ਸੀ। ਅਰਚਨਾ ਨੇ ਆਪਣੇ ਇੰਟਰਵਿਊ ਵਿੱਚ ਕਿਹਾ, 'ਮੈਨੂੰ ਨਹੀਂ ਪਤਾ ਸੀ ਕਿ ਮੇਰਾ ਹੱਸਣ ਦਾ ਤਰੀਕਾ ਮੈਨੂੰ ਇੰਨਾ ਮਸ਼ਹੂਰ ਕਰ ਦੇਵੇਗਾ, ਪਰ ਮੈਂ ਇੱਕ ਅਦਾਕਾਰਾ ਦੇ ਰੂਪ ਵਿੱਚ ਮਸ਼ਹੂਰ ਹੋਣ ਦੀ ਇੱਛਾ ਰੱਖਦੀ ਸੀ, ਪਰ ਕੋਈ ਨਹੀਂ ਜਾਣਦਾ ਕਿ ਸਮਾਂ ਕਦੋਂ ਅਤੇ ਕਿੱਥੇ ਕਿਸ ਨੂੰ ਲੈ ਕੇ ਜਾਵੇ। ਇਸ ਦੇ ਨਾਲ ਹੀ ਅਰਚਨਾ ਨੇ ਇਹ ਵੀ ਕਿਹਾ ਕਿ ਉਸ ਕੋਲ ਦੁਨੀਆ ਦੀ ਸਭ ਤੋਂ ਵਧੀਆ ਨੌਕਰੀ ਹੈ ਅਤੇ ਉਹ ਮੁਸਕਰਾਉਂਦੇ ਹੋਏ ਬੈਂਕ ਵੀ ਜਾਂਦੀ ਹੈ।

ਅਰਚਨਾ ਨੇ ਅੱਗੇ ਦੱਸਿਆ ਕਿ ਅਜਿਹਾ ਕਈ ਵਾਰ ਹੋਇਆ ਹੈ, ਜਦੋਂ ਸ਼ੋਅ 'ਚ ਬੇਤੁਕੇ ਚੁਟਕਲੇ 'ਤੇ ਮੇਰੇ ਝੂਠੇ ਹਾਸੇ ਕਾਰਨ ਮੈਨੂੰ ਟ੍ਰੋਲ ਕੀਤਾ ਗਿਆ ਹੈ, ਮੈਂ ਆਪਣੀ ਇਮਾਨਦਾਰੀ ਤੋਂ ਦੂਰ ਹੋ ਰਹੀ ਸੀ, ਪਰ ਹੁਣ ਅਜਿਹਾ ਕੁਝ ਨਹੀਂ ਹੋਣ ਵਾਲਾ ਹੈ, ਕਿਉਂਕਿ ਮੈਂ ਉਹਨਾਂ ਚੁਟਕਲੇ 'ਤੇ ਹੱਸਦੀ ਹਾਂ, ਜਿਹਨਾਂ ਉਤੇ ਮੈਨੂੰ ਹਾਸੀ ਆਉਂਦੀ ਹੈ। ਅਰਚਨਾ ਨੇ ਇਹ ਵੀ ਖੁਲਾਸਾ ਕੀਤਾ ਹੈ ਕਿ ਐਡੀਟਿੰਗ ਦੌਰਾਨ ਬੇਕਾਰ ਚੁਟਕਲਿਆਂ 'ਤੇ ਵੀ ਉਹਨਾਂ ਦੀ ਹਾਸੀ ਲਾਈ ਗਈ ਹੈ।