କଟକ: ଓଡ଼ିଶା ଆପ୍ ପକ୍ଷରୁ ଗତ ଏପ୍ରିଲ ମାସର ଶେଷ ଭାଗରୁ, ରାଜ୍ୟର ବିଜୁଳି ଉପଭୋକ୍ତାଙ୍କୁ ୨୦୦ ୟୁନିଟ ପର୍ଯ୍ୟନ୍ତ ମାଗଣା ବିଜୁଳି ଦାବିରେ ଏକ ରାଜ୍ୟବ୍ୟାପି ଦସ୍ତଖତ ଅଭିଯାନ ଆରମ୍ଭ କରାଯାଇଛି । ଜିଲ୍ଲା ବିଜୁଳି ଆନ୍ଦୋଳନ ସହ ବିଭିନ୍ନ ରାଜନୈତିକ ସମସ୍ୟାର ସମାଧାନ ପାଇଁ ଜିଲ୍ଲାସ୍ତରରେ ଓ ବ୍ଲକସ୍ତରରେ, ସରକାର ଓ ପ୍ରଶାସନ ସହ ଲଢେଇ କରିବା ପାଇଁ ନିଷ୍ପତ୍ତି ନେଇଛି ।
ଜିଲ୍ଲା ଆବାହକ ଦୂର୍ଗା ପ୍ରସାଦ ପରିଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ସମ୍ମିଳନୀରେ ମୁଖ୍ୟ ଅତିଥି ଭାବେ ରାଜ୍ୟ ପ୍ରଭାରୀ ତଥା ଦିଲ୍ଲୀ କ୍ୟାଣ୍ଟ୍ ବିଧାୟକ ବିରେନ୍ଦ୍ର ସିଂ କାଡିଆନ, ମୁଖ୍ୟ ବକ୍ତା ଭାବରେ ରାଜ୍ୟ ଆବାହକ ନିଶିକାନ୍ତ ମହାପାତ୍ର ଓ ଜିଲ୍ଲା ପ୍ରଭାରୀ ଡ଼ା ଅଜୟ କୁମାର ପତି ଉପସ୍ଥିତ ରହି, ସମସ୍ତ ସମସ୍ୟା ସମ୍ପର୍କରେ ପୁଙ୍ଖାନୁପୁଙ୍ଖ ଆଲୋଚନା କରିଥିଲେ । ରାଜନୀତିରେ ପରିବର୍ତ୍ତନର ସଂକଳ୍ପ ନେଇଥିବା ଜିଲ୍ଲା ଆପର ଆଗାମୀ ଯୋଜନା ସମ୍ବନ୍ଧରେ ନିଷ୍ପତ୍ତି ନିଆଯାଇଛି । ୧୪ ଟି ବ୍ଲକର ଆବାହକ ଓ ଅନ୍ୟାନ୍ୟ ପଦାଧିକାରୀ, ଜୋନ୍ ଓ ପଞ୍ଚାୟତସ୍ତରୀୟ ନେତୃବୃନ୍ଦ ଆଲୋଚନାରେ ଅଂଶଗ୍ରହଣ କରିଥିଲେ । ଆମ୍ ଆଦମୀ ପାର୍ଟି କଟକ ମହାନଗରର ଏହି ସମ୍ମିଳନୀକୁ ଆୟୋଜନ କରାଯାଇଥିଲା ।
ଇଟିଭି ଭାରତ, କଟକ