ଲଣ୍ଡନ: ସାହିତ୍ୟ କ୍ଷେତ୍ରରେ ଦିଆଯାଉଥିବା ସମ୍ମାନ ଜନକ ବୁକର ପୁରସ୍କାରର 2023 ମସିହା ପାଇଁ ବିଜେତାଙ୍କ ନାମ ଘୋଷଣା କରାଯାଇଛି । ଲଣ୍ଡନ ଠାରେ ଆୟୋଜିତ ଏକ କାର୍ଯ୍ୟକ୍ରମରେ ଏ ବର୍ଷ ପାଇଁ ଆୟାର୍ଲାଣ୍ଡର ଲେଖକ ପଲ ଲିଞ୍ଚ ନିଜ ଉପନ୍ୟାସ 'ପ୍ରଫେଟ ସଙ୍ଗ' ପାଇଁ ବୁକର ପୁରସ୍କାର ପାଇଛନ୍ତି । ଏହି ଦୌଡରେ ଭାରତୀୟ ବଂଶୋଦ୍ଭବ ଲେଖିକା ଚେତନା ମାରୁଙ୍କ ପ୍ରଥମ ଉପନ୍ୟାସ 'ୱେଷ୍ଟର୍ନ ଲେନ'କୁ ପଛରେ ପକାଇ ଲିଞ୍ଚ ବିଜୟୀ ହୋଇଛନ୍ତି । ଲିଞ୍ଚଙ୍କ ଏହି ଉପନ୍ୟାସରେ ଏକ ଏଭଳି ପରିବାରର କାହାଣୀ ବର୍ଣ୍ଣିତ ଯାହାକି ଏକ ନୂତନ ଭୟାନକ ଦୁନିଆରେ ବସବାସ କରୁଛି ଏବଂ ଯେଉଁଠି ସ୍ଥିର ଲୋକତନ୍ତ୍ର ନାହିଁ । ଲିଞ୍ଚଙ୍କ କହିବା ମୁତାବକ ମୁଁ ଆଧୁନିକ ସମାଜରେ ଦେଖାଯାଉଥିବା ଅରାଜକତାକୁ ଦେଖିବାକୁ ପ୍ରୟାସ କରୁଥିଲି । ମୁଁ ପାଶ୍ଚାତ୍ୟର ଲୋକତନ୍ତ୍ରରେ ଅରାଜକତା ଏବଂ ଅଶାନ୍ତିକୁ ଦେଖିବାକୁ ଚେଷ୍ଟା କରିଛି । ସିରିଆ ସମସ୍ୟା, ଶରଣାର୍ଥୀଙ୍କ ବ୍ୟାପକତା ଏବଂ ଏହାକୁ ନେଇ ପଶ୍ଚିମ ରାଷ୍ଟ୍ର ଗୁଡିକର ଉଦାସୀନତାକୁ ନେଇ କାଳ୍ପନିକ କାହାଣୀରେ ପ୍ରତିଫଳିତ କରିଛି ।
ଏହା ମଧ୍ୟ ପଢନ୍ତୁ...Nobel Prize In Literature 2023: ନରୱେ ସାହିତ୍ୟିକ ଜନ ଫୋସେ ପାଇବେ ନୋବେଲ