ହାଇଦ୍ରାବାଦ: ଝାଡଖଣ୍ଡ ହାଇକୋର୍ଟର ବରିଷ୍ଠ ଓକିଲ ରାଜୀବ କୁମାର କ୍ୟାସ ଦୁର୍ନୀତି ମାମଲାର ତଦନ୍ତ ପାଇଁ ଏବେ ସିବିଆଇ ଟିମ୍ ପଶ୍ଚିମବଙ୍ଗ ମୁହାଁ ହେବାକୁ ଯାଉଛି । ଏହି ମାମଲାରେ ସିବିଆଇ ଆଡଭୋକେଟ ରାଜୀବ କୁମାରଙ୍କୁ ଗିରଫ କରିଥିବା ହେରେ ଷ୍ଟ୍ରିଟ ପୋଲିସ ଷ୍ଟେସନର ପୋଲିସ ଅଧିକାରୀଙ୍କୁ ଜେରା କରିବା ସହ ମାମଲା ରୁଜୁ ଓ ଗିରଫଦାରୀ ସମ୍ପର୍କିତ ତଥ୍ୟ ସଂଗ୍ରହ କରିବ । ଏହା ପୂର୍ବରୁ ରାଞ୍ଚି ଜେଲରେ ରହୁଥିବା ତଥା ପ୍ରଥମେ ଅଭିଯୋଗ କରିଥିବା କୋଲକାତାର ବ୍ୟବସାୟୀ ଅମିତ ଅଗ୍ରୱାଲ ଏବଂ ଅଭିଯୋଗ ଆଧାରରେ ଗିରଫ ହୋଇ ଜାମିନରେ ଆସିଥିବା ଅଭିଯୁକ୍ତ ଓକିଲ ରାଜୀବ କୁମାରଙ୍କୁ ପଚରାଉଚରା କରିସାରିଛି ।
କ୍ୟାସ କାଣ୍ଡ ସହ ଜଡିତ ପ୍ରସଙ୍ଗରେ ରାଞ୍ଚିରେ ତଦନ୍ତ ପ୍ରକ୍ରିୟା ଶେଷ କରିବା ପରେ ସିବିଆଇ ଟିମ୍ ବର୍ତ୍ତମାନ ପଶ୍ଚିମବଙ୍ଗ ଯିବା ନେଇ ସୂଚନା ମିଳିଛି । ଓକିଲ ରାଜୀବ କୁମାରଙ୍କ ଗିରଫ ମାମଲାରେ ସିବିଆଇ ଟିମ୍ ଅଭିଯୋଗକାରୀ ଅମିତ ଅଗ୍ରୱାଲଙ୍କ ଘନିଷ୍ଠ ସହଯୋଗୀ ସୋନୁ ଅଗ୍ରୱାଲଙ୍କୁ ମଧ୍ୟ ପଚରାଉଚରା କରିବ । ସିବିଆଇ ଏବେ ସୁଦ୍ଧା ରାଞ୍ଚି ଜେଲରେ ରହୁଥିବା ବ୍ୟବସାୟୀ ଅମିତ ଅଗ୍ରୱାଲ ଓ ଅଭିଯୁକ୍ତ ରାଜୀବ କୁମାରଙ୍କୁ ଏକାଧିକ ଘଣ୍ଟା ଜେରା କରିସାରିଛି ।