ନୂଆଦିଲ୍ଲୀ:ପ୍ରମୁଖ ପ୍ରତିରକ୍ଷା ଅଧ୍ୟକ୍ଷ (CDS) ବିପିନ ରାଓ୍ବତଙ୍କ ଅକାଳ ଦେହାନ୍ତ ପରେ ନୂଆ CDS ନିଯୁକ୍ତି ନେଇ କଳ୍ପନା ଜଳ୍ପନା ଲାଗି ରହିଛି । ତେବେ ଏହାରି ମଧ୍ୟର ଭିନ୍ନ ଏକ ସୂଚନା ମଧ୍ୟ ସାମ୍ନାକୁ ଆସିଛି । ସୂତ୍ରରୁ ମିଳିଥିବା ସୂଚନା ଅନୁସାରେ, ଏହି ସର୍ବୋଚ୍ଚ ସେନା ପଦବୀ ପାଇଁ ଖୁବ ଶୀଘ୍ର ନାମ ଚୂଡାନ୍ତ କରିପାରନ୍ତି କେନ୍ଦ୍ର ସରକାର । ଉଭୟ କାର୍ଯ୍ୟରତ ଓ ଅବସରପ୍ରାପ୍ତ ବରିଷ୍ଠ ସେନାଧିକାରୀଙ୍କୁ ଯୋଗ୍ୟ ଭାବେ ବିଚାର କରାଯାଇ ପାରେ ବୋଲି ସୂତ୍ରରୁ ସୂଚନା ମିଳିଛି ।
ଗତବର୍ଷ ଡିସେମ୍ବରରୁ ଏହି ପଦବୀ ଖାଲି ପଡିଥିବା ବେଳେ ଆଗାମୀ କିଛି ସପ୍ତାହ ମଧ୍ୟରେ ନୂଆ ସ୍ଥଳସେନା ମୁଖ୍ୟ (Chief of the Army Staff) ନିଯୁକ୍ତ କରିବେ ସରକାର । ତେବେ ସେହି କ୍ରମରେ ନୂଆ ସିଡିଏସ ମଧ୍ୟ ଚୟନ କରିପାରନ୍ତି ସରକାର । ଏଥିପାଇଁ କିଛି ବରିଷ୍ଠ ଅଧିକାରୀଙ୍କ ନାମ ମଧ୍ୟ ସଂକ୍ଷିପ୍ତକରଣ କରାଯାଇଛି । ପ୍ରସ୍ତୁତ ତାଲିକାରେ ଉଭୟ କାର୍ଯ୍ୟରତ ଓ ଅବସରପ୍ରାପ୍ତ 3 ତାରକା ଓ 4 ତାରକା ପାହ୍ୟାର ବରିଷ୍ଠ ସେନାଧିକାରୀଙ୍କ ନାମ ବିଚାରକୁ ନିଆଯାଇପାରେ ବୋଲି ସୂତ୍ରରୁ ସୂଚନା ମିଳିଛି ।