ମଝି ଆକାଶରେ ଧକ୍କା ହେଲା ଦୁଇ ନୌସେନା ହେଲିକପ୍ଟର, ୧୦ ମୃତ - Malaysia Helicopter Crash

ମାଲେସିଆ: ମଝି ଆକାଶରେ ପରସ୍ପର ସହ ପିଟି ହେଲା ନୌସେନାର ଦୁଇଟି ହେଲିକପ୍ଟର  । ଯାହାର ଦୃଶ୍ୟ ଏବେ ଭାଇରାଲ ହେବାରେ ଲାଗିଛି  । ଆଜି (ମଙ୍ଗଳବାର) ସକାଳେ ମାଲେସିଆର ଲୁମୁଟ ନାଭାଲ ବେସରେ ଏହି ହେଲିକପ୍ଟର ଦୁର୍ଘଟଣା ଘଟିଛି  । ଏଥିରେ ୧୦ ଜଣଙ୍କ ମୃତ୍ୟୁ ହୋଇଛି  । ମାଲେସିଆ ନୌସେନା ପରେଡ ପାଇଁ ସକାଳେ ଅଭ୍ୟାସ ଚାଲିଥିବା ବେଳେ ଆକାଶରେ ଦୁଇଟି ବିମାନ ପରସ୍ପର ସହ ଧକ୍କା ହୋଇ ତଳକୁ ଖସି ପଡିଥିଲା  । କ୍ରାସ ପରେ ଦୁଇଟି ଯାକ ବିମାନ ଜଳି ଯାଇଥିଲା  । ଫଳରେ ହେଲିକପ୍ଟରରେ ଥିବା ୧୦ ଜଣଙ୍କର ମୃତ୍ୟୁ ହୋଇଛି  । ଏନେଇ ମାଲେସିଆ ନୌସେନା ପକ୍ଷରୁ ସୂଚନା ଦିଆଯାଇଛି । ସକାଳ ୯ଟା ୩୨ ମିନିଟରେ ଏହି ଦୁର୍ଘଟଣା ଘଟିଥିଲା  ।  ତେବେ ଦୁର୍ଘଟଣା ସମୟରେ ସେହି ଭୟଙ୍କର ଦୃଶ୍ୟ କ୍ୟାମେରାରେ କଏଦ ହୋଇଛି  । ଯାହାକି ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି ।