ହାଇଦ୍ରାବାଦ:ସୋସିଆଲ ମିଡିଆ ଯୁଗରେ ୟୁଟ୍ୟୁବ ଲୋକଙ୍କୁ ରୋଜଗାର ଦେଇଛି । ଏହି ୟୁଟ୍ୟୁବ ମାଧ୍ୟମରେ କେତେ ଯେ ଲୋକ ପରୋକ୍ଷ ଓ ପ୍ରତ୍ୟକ୍ଷ ଭାବରେ ଉପକୃତ ହେଉଛନ୍ତି କଷ୍ଟକର । କ୍ରିଏଟରମାନେ ଅନେକ ନୂଆ ନୂଆ ପନ୍ଥା ଆପଣାଇ ଭିଡିଓ ତିଆରି କରୁଛନ୍ତି । କ୍ରିଏଟରଙ୍କ ଏହି କାର୍ଯ୍ୟକୁ ଆହୁରି ସହଜ କରିବା ଲାଗି ୟୁଟ୍ୟୁବ ଆଣୁଛି ଏକ ନୂଆ ଫିଚର । ଏହି ଫିଚର ମାଧ୍ୟମରେ କ୍ରିଏଟର କୃତ୍ରିମ ବୁଦ୍ଧିମତା (AI)କୁ ବ୍ୟବହାର କରି 30 ସେକେଣ୍ଡର ରିମିକ୍ସ ସଙ୍ଗ୍ ଏଡିଟ୍ କରିପାରିବେ ।
ଏଆଇ ଦ୍ବାରା ଜେନେରେଟ୍ ହୋଇଥିବା ଗୀତକୁ ସେମାନେ ନିଜ ଭିଡିଓରେ ବ୍ୟବହାର କରିପାରିବେ । ଏହି ଫିଚର ୟୁଟ୍ୟୁବର ଡ୍ରିମ୍ ଟ୍ରାକ୍ ପ୍ରୋଗ୍ରାମର ଏକ ଅଂଶ ବୋଲି ଜଣାପଡ଼ିଛି । ସମ୍ପ୍ରତି କେବଳ ଏହି ଫିଚର ଚୟନ କ୍ରିଏଟରଙ୍କ ପାଇଁ ଉପଲବ୍ଧ । ତେବେ ଆସନ୍ତୁ ୟୁଟ୍ୟୁବର ଏହି ନୂତନ ଫିଚର ସମ୍ପର୍କରେ ବିସ୍ତୃତ ଭାବରେ ଜାଣିବା...
କେମିତି କରେ କାମ ?
ଏଥିରେ ନିର୍ମାତା ଦିଆଯାଇଥିବା ତାଲିକାରୁ ଗୀତ ଚୟନ କରିପାରିବେ । ଏହାସହ ସେମାନେ ଗୀତକୁ କିପରି ପରିବର୍ତ୍ତନ କରିବେ AIକୁ କହିପାରିବେ । ଏହାପରେ AI ଗୀତର ଏକ ନୂତନ ଏଡିସନ ସୃଷ୍ଟି କରିବ, ଯାହାକି ମୂଳ ଗୀତର ଶୈଳୀକୁ ବଜାୟ ରଖିବ ସତ କିନ୍ତୁ ଆପଣଙ୍କର ନିଜସ୍ବ ଧାରଣାକୁ ମଧ୍ୟ ଏଥିରେ ଅନ୍ତର୍ଭୁକ୍ତ କରିବ । ତା’ପରେ ୟୁଟ୍ୟୁବରେ ଥିବା ମୂଳ ଗୀତକୁ ଏଇ ସାହାଯ୍ୟରେ Shortsରେ ରିମିକ୍ସ କରାଯିବ ।