ହାଇଦ୍ରାବାଦ:ଇନଷ୍ଟାଣ୍ଟ ମେସେଜିଂ ପ୍ଲାଟଫର୍ମ ଭାବେ ହ୍ବାଟ୍ସଆପ୍ ବେଶ ଲୋକପ୍ରିୟତା ଅର୍ଜନ କରିଛି । ମନୋରଞ୍ଜନଠାରୁ ଆରମ୍ଭ କରି ଅଫିସିଆଲ କାମ ପର୍ଯ୍ୟନ୍ତ ଏହି ଆପ୍ର ବହୁଳ ଭାବରେ ବ୍ୟବହାର ହେଉଛି । କିନ୍ତୁ ଆପଣ ଜାଣନ୍ତି କି ନୂଆବର୍ଷ ପ୍ରଥମ ଦିନରୁ ହିଁ ଏହି ଆପ୍ଟି କିଛି ନିର୍ଦ୍ଦିଷ୍ଟ ଆଣ୍ଡ୍ରଏଡ ସ୍ମାର୍ଟଫୋନରେ ଆଉ କାମ କରିବନି । ହ୍ବାଟ୍ସଆପ୍ ଚଲାଇବା ପାଇଁ ସର୍ବନିମ୍ନ ଆବଶ୍ୟକତାକୁ କମ୍ପାନୀ ଅପଡେଟ କରିଛି । କିଛି ପୁରୁଣା ସ୍ମାର୍ଟଫୋନରେ ଆଉ ଏହି ଆପ୍ କାମ କରିବ ନାହିଁ ।
2025, ଜାନୁଆରୀ 1 ତାରିଖଠାରୁ ପ୍ରାୟ 20ଟି ସ୍ମାର୍ଟଫୋନରେ ଏହି ଆପ୍ ଚାଲିବ ନାହିଁ । ଏଥିରେ ଲୋକପ୍ରିୟ ବ୍ରାଣ୍ଡର ସ୍ମାର୍ଟଫୋନ ସାମସଙ୍ଗ, ମୋଟୋରୋଲା, HTC, ଏଲଜି ଓ ସୋନି ସାମିଲ । ଏହି 20ଟି ସ୍ମାର୍ଟଫୋନ ତାଲିକାରେ ଆପଣଙ୍କ ଫୋନ ନାହିଁ ତ ? ନିମ୍ନରେ ଜାଣନ୍ତୁ ।
କାହିଁକି 20 ସ୍ମାର୍ଟଫୋନରେ ରହିବନି ହ୍ବାଟ୍ସଆପ୍ ସପୋର୍ଟ ?
ହ୍ବାଟ୍ସଆପ୍ ପ୍ଲାଟଫର୍ମରେ ନୂଆ ଅପଡେଟ ଆଣିବା ଲାଗି ଲଗାତାର ଭାବରେ କାମ କରୁଛି । ଯାହାଦ୍ବାରା ୟୁଜର ଅଧିକ ଭଲ ସେବା ପାଇବା ସହିତ ସେମାନଙ୍କ ବ୍ୟକ୍ତିଗତ ତଥ୍ୟ ସୁରକ୍ଷିତ ରହିବ । ପୁରୁଣା ସ୍ମାର୍ଟଫୋନଗୁଡ଼ିକ ପୁରୁଣା ଅପରେଟିଂ ସିଷ୍ଟମ ଚଲାଉଛି । HDblogର ଏକ ରିପୋର୍ଟ ଅନୁଯାୟୀ, ଆଣ୍ଡ୍ରଏଡ୍ କିଟ୍କାଟ୍ କିମ୍ବା ପୂର୍ବ ସଂସ୍କରଣ ଚଳାଉଥିବା ସ୍ମାର୍ଟଫୋନ ଜାନୁଆରୀ 1ରୁ ହ୍ବାଟ୍ସଆପକୁ ପ୍ରବେଶ ହରାଇବ । ରିପୋର୍ଟରେ କୁହାଯାଇଛି, "ଆମେ ଆପଣଙ୍କୁ ଆଇଫୋନ୍ ସମର୍ଥନର ସମାପ୍ତି ବିଷୟରେ କହିସାରିଛୁ । ବର୍ତ୍ତମାନ ସାମସଙ୍ଗ, ମୋଟୋରୋଲା, HTC, LG ଏବଂ ସୋନି ଭଳି ବ୍ରାଣ୍ଡରୁ ପ୍ରାୟ 20ଟି ମଡେଲ ସହିତ ଏହି ତାଲିକା ଅଧିକ ଲମ୍ବା ହେଉଛି । ଆଣ୍ଡ୍ରଏଡର 20ଟି ସ୍ମାର୍ଟଫୋନରେ ହ୍ବାଟ୍ସଆପ୍ ଚାଲିବ ନାହିଁ ।"
ତାଲିକାରେ କେଉଁ ଫୋନ ?
ଏହି ତାଲିକାରେ ଲୋକପ୍ରିୟ ବ୍ରାଣ୍ଡ ଯେପରିକି ସାମସଙ୍ଗ, ମୋଟୋରୋଲା, HTC, LG ଏବଂ ସୋନି ସାମିଲ । ସେହି ନିର୍ଦ୍ଦିଷ୍ଟ ମଡେଲଗୁଡ଼ିକ ହେଉଛି: