ଭୁବନେଶ୍ୱର:ଜୁନ ୨୦ ଅର୍ଥାତ୍ ଆସନ୍ତାକାଲି ଉତ୍କଳ ମଣ୍ଡପରେ ଆୟୋଜିତ ହେବ ତୃତୀୟ ଓଡିଆ ସିନେ ଆୱାର୍ଡ । ରାଜ୍ୟରେ ଓଡିଆ ଚଳଚ୍ଚିତ୍ର ଜଗତରେ କାର୍ଯ୍ୟରତ କଳାକାରଙ୍କୁ ପ୍ରୋତ୍ସାହିତ କରିବା ପାଇଁ ଏହି ଆୱାର୍ଡ କାର୍ଯ୍ୟକ୍ରମ ହେଉଛି । 'ଆଣ୍ଡ୍ ରିଲସ୍' ଓ 'ଅନିସ୍ ଏଣ୍ଟର ଟେନମେଣ୍ଟ'ର ମିଳିତ ସହଯୋଗରେ କାର୍ଯ୍ୟକ୍ରମ କରାଯିବ । ଯେଉଁଥିରେ ଦିବଙ୍ଗତ ଓଲିଉଡ ଅଭିନେତା ପିଣ୍ଟୁ ନନ୍ଦଙ୍କୁ ସମ୍ମାନିତ କରାଯିବ । ଅଭିନେତାଙ୍କୁ ମରଣୋତ୍ତର ଜୀବନବ୍ୟାପୀ ସାଧନା ସମ୍ମାନରେ ସମ୍ମାନିତ କରାଯିବ । ଏହାସହ ଜୀବନବ୍ୟାପି ସାଧନା ପାଇଁ ଜଣାଶୁଣା ସିନେମା ଆଉଟଗ୍ରଫେର ଯୁଗଳ ଦେବତାଙ୍କୁ ଦିଆଯିବ ଜୀବନବ୍ୟାପୀ ସାଧନା ପୁରସ୍କାର ।
କାଲି ତୃତୀୟ ଓଡ଼ିଆ ସିନେ ଆୱାର୍ଡ; ସ୍ୱର୍ଗତ ଅଭିନେତା ପିଣ୍ଟୁ ନନ୍ଦଙ୍କୁ କରାଯିବ ସମ୍ମାନିତ (ETV Bharat Odisha) ପିଣ୍ଟୁ ନନ୍ଦଙ୍କୁ କରାଯିବ ସମ୍ମାନିତ
ଓଡିଆ ସିନେ ଜଗତ ପାଇଁ ଉତ୍ସର୍ଗୀକୃତ ଅବଦାନ ପାଇଁ ସ୍ବର୍ଗୀୟ ପିଣ୍ଟୁ ନନ୍ଦଙ୍କୁ ମରୋଣତ୍ତର ଜୀବନବ୍ୟାପୀ ସାଧନା ସମ୍ମାନ ପ୍ରଦାନ କରାଯିବ ବୋଲି କହିଛନ୍ତି ପ୍ରଯୋଜକ ସ୍ଥିତ ପଟ୍ଟନାୟକ କହିଛନ୍ତି । ଏହି ଅବସରେ ଓଲିଉଡରେ ନିଜର ନୀରବଛିନ୍ନ ସୃଜନଶୀଳତା ପାଇଁ ଶ୍ରେଷ୍ଠ ଅଭିନୟ, ସଙ୍ଗୀତ, କାହାଣୀ ଓ କମେଡି ସମେତ ମୋଟ ୭୫ଟି ବର୍ଗରେ କଳାକାରଙ୍କୁ ସମ୍ମାନିତ କରାଯିବ ।
ଯୋଗଦେବେ ଓଲିଉଡର ବହୁ କଳାକାର
ଓଡ଼ିଆ ସିନେମା ଶିଳ୍ପକୁ ନିଜ ଅଭିନୟ ତ୍ୟାଗ ଭଲପାଇବା ଭିତରେ ଯେଉଁମାନେ ଗଢି ତୋଳିଛନ୍ତି । ଆଉ ସିନେମା ଜଗତକୁ ଆଗକୁ ବଢ଼ାଇ ସ୍ୱତନ୍ତ୍ର ପରିଚୟ ଦେଇଛନ୍ତି । ଓଡିଶା ନୁହେଁ, ଭାରତ ଓ ବିଶ୍ୱରେ ବି ଓଡ଼ିଆ ଚଳଚିତ୍ରର ପାରଦର୍ଶିତାକୁ ପ୍ରତିପାଦିତ କରି ପ୍ରଶଂସା ସାଉଣ୍ଟିଛନ୍ତି । ବିଶେଷ କରି ଓଡ଼ିଆ ଭାଷାକୁ ସିନେମା ମାଧ୍ୟମରେ ଯେଉଁମାନେ ରୁଦ୍ଧିମନ୍ତ କରିଛନ୍ତି ସେମାନଙ୍କୁ ଏହି ସମ୍ମାନ ପ୍ରଦାନ କରାଯିବ । ତେବେ ଏହି ସମ୍ମାନ ପ୍ରଦାନ କାର୍ଯ୍ୟକ୍ରମରେ ଯୋଗଦେବେ ଓଡିଶାର ସୁନାମଧନ୍ୟ ପ୍ରଯୋଜକ ଓ କଳାକାର । ଉତ୍ସବରେ ମୁଖ୍ୟ ଅତିଥି ଭାବେ ବର୍ଷିଆନ୍ ସିନେ ନିର୍ଦ୍ଦେଶକ ସବ୍ୟସାଚୀ ମହାପାତ୍ର ଯୋଗଦେବେ । ଏଥିସହ ସନ୍ଧ୍ୟା ୭ଟାରୁ ରାତି ୧୦ ପର୍ଯ୍ୟନ୍ତ ଉତ୍କଳ ମଣ୍ଡପରେ ଓଲିଉଡ୍ କଳାକାରଙ୍କ ରଙ୍ଗାରଙ୍ଗ କାର୍ଯକ୍ରମ ଅନୁଷ୍ଠିତ ହେବ ।
ଗତବର୍ଷ ପିଣ୍ଟୁ ନନ୍ଦଙ୍କ ହୋଇଥିଲା ଦେହାନ୍ତ
କହିରଖୁଛୁ କି, ଓଲିଉଡ ଜଗତର ଲୋକପ୍ରିୟ ଅଭିନେତା ପିଣ୍ଟୁ ନନ୍ଦ । ଯିଏ ପ୍ରଥମେ ଆଲବମ ପରେ ଅନେକ ଓଡ଼ିଆ ସିନେମାରେ ଅଭିନେତା ଏବଂ ଖଳନାୟକ ଭୂମିକାରେ ବେଶ ଲୋକପ୍ରିୟତା ସାଉଁଟିଛନ୍ତି । ୧୯୯୬ରେ`କୋଇଲି' ଓଡିଆ ଫିଲ୍ମ ସହ ସେ ଓଲିଉଡ ଦୁନିଆରେ ପାଦ ଦେଇଥିଲେ । ପରେ ପରେ 'ରାମ ଲକ୍ଷ୍ମଣ', 'ତୋ ଆଖି ମୋ ଆଇନା', ‘ଜୟ ଜଗନ୍ନାଥ’, ‘ବାହୁଡ଼ିବେ ମୋ ଜଗାବଳିଆ’, ‘ସାଥୀରେ’, ‘ଲଭ୍ ମାଷ୍ଟର’, ‘ପ୍ରେମ ଋତୁ ଆସିଲା ରେ’, ‘ହାତ ଧରି ଚାଲୁଥା’ ଓ ‘ଲଭ୍ ଏକ୍ସପ୍ରେସ୍’ ଭଳି ଅନେକ ହିଟ୍ ଓଡ଼ିଆ ଫିଲ୍ମରେ କାମ କରି ଲୋକଙ୍କ ମନ ଜିତିଥିଲେ । ଅଭିନେତା ସିରୋସିସ୍ ରୋଗରେ ପୀଡ଼ିତ ହୋଇଥିବା ବେଳେ ତାଙ୍କର ଲିଭର ନଷ୍ଟ ହୋଇଯାଇଥିଲା । ଯାହା ପରେ ସେ ଚିକିତ୍ସାଧୀନ ଅବସ୍ଥାରେ ୧ ମାର୍ଚ୍ଚ ୨୦୨୩ରେ ଆଖି ବୁଜିଥିଲେ ।
ଏହା ମଧ୍ୟ ପଢନ୍ତୁ:ପଞ୍ଚଭୂତରେ ବିଲୀନ ହେଲେ ଓଲିଉଡ ଅଭିନେତା ପିଣ୍ଟୁ ନନ୍ଦ
ଇଟିଭି ଭାରତ, ଭୁବନେଶ୍ୱର
