ଝାରସୁଗୁଡା:ପୂର୍ବତନ ସ୍ବାସ୍ଥ୍ୟମନ୍ତ୍ରୀ ନବ ଦାସ ହତ୍ୟାକାଣ୍ଡରେ ସିବିଆଇ ତଦନ୍ତକୁ ନେଇ ବଡ଼ ବୟାନ ଦେଲେ ଝିଅ ଦୀପାଳି ଦାସ । ନବ ଦାସ ହତ୍ୟାକାଣ୍ଡ ମାମଲାରେ ସିବିଆଇ ତଦନ୍ତ ପାଇଁ ସେ ଲିଖିତ ଆକାରରେ ଜଣାଇବେ । ପୂର୍ବରୁ ମୁଖ୍ୟମନ୍ତ୍ରୀ ସିବିଆଇ ତଦନ୍ତ ପ୍ରସଙ୍ଗରେ ଆଲୋଚନା କରନ୍ତୁ ବୋଲି କହିଥିଲେ ଦୀପାଳି । ଏବେ ଲିଖିତ ଆକାରରେ ଜଣାଇବେ ବୋଲି ଗଣମାଧ୍ୟମକୁ କହିଛନ୍ତି ।
ସିବିଆଇ ତଦନ୍ତ ଦାବି କଲେ ଦୀପାଳି:
ନବ ଦାସ ହତ୍ୟାକାଣ୍ଡ ମାମଲାରେ ସିବିଆଇ ତଦନ୍ତ ପାଇଁ ଲିଖିତ ଆକାରରେ ଜଣାଇବେ ପରିବାର ବର୍ଗ । ଏନେଇ ଆଜି ଗଣମାଧ୍ୟମରେ ସୂଚନା ଦେଇଛନ୍ତି ଝିଅ ତଥା ପୂର୍ବତନ ଝାରସୁଗୁଡା ବିଧାୟିକା ଦୀପାଳି ଦାସ । ଦୀପାଳି ଏ ପ୍ରସଙ୍ଗରେ ଗଣମାଧ୍ୟମକୁ ପ୍ରତିକ୍ରିୟା ଦେଇ କହିଛନ୍ତି, ‘ରାଜନୈତିକ ଫାଇଦା ପାଇଁ ସେମାନେ ମୋ ବାପା ଓ ମୋ ପରିବାରକୁ ଟାର୍ଗେଟ କରୁଛନ୍ତି । ପ୍ରଥମେ କହୁଥିଲେ ସିବିଆଇ ତଦନ୍ତ ପାଇଁ ଦୀପାଳି କହୁ ନାହାନ୍ତି । ଏବେ ମୁଁ ସିବିଆଇ ତଦନ୍ତ ପାଇଁ କହିବା ପରେ ଏବେ ସେମାନେ କହୁଛନ୍ତି ଲିଖିତ ଆକାରରେ ଜଣାନ୍ତୁ । ଆମେ ସାଧାରଣ ଲୋକ । ଯେଉଁ ସରକାର ମୋ ଭାଇଙ୍କୁ 13 ଘଣ୍ଟା ଅଟକ ରଖିପାରୁଛନ୍ତି ସେ ସରକାରଙ୍କୁ ମୋତେ ଡର ଲାଗୁଛି । ନିଶ୍ଚିତ ଭାବେ ଆମେ ଲିଖିତ ଆକାରରେ ଦେବୁ । ମୁଖ୍ୟମନ୍ତ୍ରୀଙ୍କ ଉପରେ ରହିଲା ସେ ଯାହା ନିଷ୍ପତ୍ତି ନେବେ ।
ସରକାର କହିଥିଲେ ଲିଖିତ ଆକାରରେ ଜଣାନ୍ତୁ ଦୀପାଳି:
ଗତ କିଛି ଦିନ ତଳେ ନବ ଦାସ ହତ୍ୟାକାଣ୍ଡ ମାମଲାକୁ ନେଇ ମୁହଁ ଖୋଲିଥିଲେ ଝିଅ ଦୀପାଳି ଦାସ । ରାଜ୍ୟ ସରକାର ଯଦି ଚାହୁଁଛନ୍ତି ଏହି ଘଟଣାରେ ସିବିଆଇ ତଦନ୍ତ ହେଉ । ଆମ ପରିବାର ସହ ଆଲୋଚନା କରନ୍ତୁ ବୋଲି କହିଥିଲେ ଦୀପାଳି । ଏହା ପରେ ଏ ପ୍ରସଙ୍ଗରେ ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ କହିଥିଲେ, ତାଙ୍କ ପରିବାର ଚାହୁଁଛନ୍ତି ଯଦି ତଦନ୍ତ ହେଉ । ସେ ଲିଖିତ ଆକାରରେ ଜଣାନ୍ତୁ । ଏହା ପରେ ମୁଖ୍ୟମନ୍ତ୍ରୀ ନିଷ୍ପତ୍ତି ନେବେ ବୋଲି କହିଥିଲେ ଆଇନ ମନ୍ତ୍ରୀ ।
ନବଦାସ ହତ୍ୟାକାଣ୍ଡ ରାଜନୀତି:
ବିଜେଡି ନେତା ତଥା ପୂର୍ବତନ ସ୍ବାସ୍ଥ୍ୟମନ୍ତ୍ରୀ ନବ ଦାସ ହତ୍ୟାକାଣ୍ଡକୁ ନେଇ ସରଗରମ ରାଜ୍ୟ ରାଜନୀତି । ହତ୍ୟାର 2 ବର୍ଷ ପୂରିବାକୁ ଥିବା ବେଳେ ସିବିଆଇ ତଦନ୍ତକୁ ନେଇ ଜୋର ଧରିଛି ରାଜନୀତି । ଏ ପ୍ରସଙ୍ଗରେ ପୂର୍ବରୁ ବିଜେପି ସିବିଆଇ ତଦନ୍ତ ଦାବି କରି ଆସୁଥିଲା । ଏ ପ୍ରସଙ୍ଗ ମଧ୍ୟ ବିଧାନସଭାରେ ଉଠିଥିଲା । ଏବେ ହତ୍ୟାର 2 ବର୍ଷ ପରେ ସିବିଆଇ ତଦନ୍ତ ପାଇଁ ନବ ଦାସଙ୍କ ପରିବାର ଲୋକେ ଲିଖିତ ଆକାରରେ ଜଣାଇବେ ବୋଲି କହିଛନ୍ତି ।
| ଏହା ମଧ୍ୟ ପଢନ୍ତୁ: |