କଟକ:ବହୁଚର୍ଚ୍ଚିତଭରତପୁର ଥାନା କାଣ୍ଡ ମାମଲାରେ 30 ତାରିଖରୁ ଆରମ୍ଭ ହେବ ବିଚାର ବିଭାଗୀୟ ତଦନ୍ତ । ଜଷ୍ଟିସ ଚିତ୍ତରଞ୍ଜନ ଦାଶଙ୍କ ଅଧ୍ୟକ୍ଷତାରେ ଗଠିତ କମିଶନ ଏହି ତଦନ୍ତ ଆରମ୍ଭ କରିବ । ଗତକାଲି ମୋହନ ସରକାର ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ ଦେଇଥିଲେ । ଭୁବନେଶ୍ବର ସର୍କିଟ ହାଉସରେ କମିଶନଙ୍କ କାର୍ଯ୍ୟାଳୟ ସ୍ଥାପିତ ହେବା ସହ ସତ୍ୟପାଠ ଗ୍ରହଣ କରିବା ପାଇଁ ବିଜ୍ଞପ୍ତି ପ୍ରକାଶ ପାଇବ ।
- କମିଶନଙ୍କୁ ‘ଟର୍ମ ଅଫ ରେଫରେନ୍ସ’ ଦେଲେ ସରକାର:-
ଗତକାଲି ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ ପରେ ସରକାର ଜଷ୍ଟିସ ଦାଶଙ୍କୁ ମାମଲାର "ଟର୍ମ ଅଫ ରେଫରେନ୍ସ’ ପ୍ରଦାନ କରିଛନ୍ତି । ଏଥିରେ ତିନିଟି ବିଷୟ ସ୍ଥାନିତ ହୋଇଛି । ଏହି ସବୁ ବିନ୍ଦୁ ବା ଦିଗକୁ ନେଇ ଆୟୋଗ ମାମଲାର ତଦନ୍ତ କରିବେ । 60 ଦିନ ମଧ୍ୟରେ ତଦନ୍ତ ଶେଷ କରି ସରକାରଙ୍କୁ ରିପୋର୍ଟ ହସ୍ତାନ୍ତର କରିବ । ସେହି ଆଧାରରେ ସରକାର ପରବର୍ତ୍ତୀ କାର୍ଯ୍ୟାନୁଷ୍ଠାନ ଗ୍ରହଣ କରିବେ ।
୩୦ରୁ ତଦନ୍ତ ଆରମ୍ଭ କରିବ ଚିତ୍ତରଞ୍ଜନ ଦାଶ କମିଶନ (ETV Bharat Odisha) - ରେଫରେନ୍ସ ନମ୍ବର ୧
କ. ଯୁବକଙ୍କ ସହ ସେନା ଅଧିକାରୀ ଓ ତାଙ୍କ ବାନ୍ଧବୀଙ୍କ ସହ ଝଗଡା
ଖ . ଅଭିଯୋଗ ଦାଖଲ ପାଇଁ ଥାନାକୁ ଆସିଥିବା ପୀଡ଼ିତାଙ୍କ ନାଁରେ ‘ଏଫଆଇଆର’
ଗ. ଭରତପୁର ଥାନାରେ ଦାୟର ହୋଇଥିବା ମାମଲା
- ରେଫରେନ୍ସ ନମ୍ବର ୨
ଘଟଣା ସମ୍ପର୍କିତ ଭିଡିଓ ଭାଇରାଲ ହେବା ଘଟଣା
ସରକାରଙ୍କୁ କମିଶନଙ୍କ ସୁପାରିଶ
ଏହା ମଧ୍ୟ ପଢନ୍ତୁ :- ଭରତପୁର ଥାନାରେ ଚାଲିଛି ନବଗ୍ରହ ଶାନ୍ତି ପୂଜା, ଗେଟ୍ ଆଗରେ ଝୁଲିଲା ଲେମ୍ବୁ-କଞ୍ଚାଲଙ୍କା - army major fiance assault case
ଏହା ମଧ୍ୟ ପଢନ୍ତୁ :-ଭରତପୁର ମାମଲାରେ ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ ଦେଲେ ମୁଖ୍ୟମନ୍ତ୍ରୀ ମୋହନ, ୬୦ ଦିନରେ ରିପୋର୍ଟ - CM Ordered Judicial Inquiry
ଏମିତି କହିଥିଲେ ହାଇକୋର୍ଟ:-
ସାରା ରାଜ୍ୟରେ ଏହି ଘଟଣାକୁ ନେଇ ଆଲୋଡନ ସୃଷ୍ଟି ହୋଇଛି । ଗତକାଲି ଦିନ ତମାମ ଚର୍ଚ୍ଚାରେ ଥିଲା ଏହି ପ୍ରସଙ୍ଗ । 22 ତାରିଖ ବିଳମ୍ବିତ ରାତିରେ ସରକାର ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ ଦେଇଥିଲା । ଏହାର କିଛି ଘଣ୍ଟା ମଧ୍ୟରେ ବିରୋଧୀ ବିଜେଡି ଆହୁତ କରିଥିବା 24 ତାରିଖ ରାଜଧାନୀ ବନ୍ଦ ନିଷ୍ପତ୍ତି ପ୍ରତ୍ୟାହାର କରିଥିଲା । ପୂର୍ବାହ୍ନରେ ଆରମ୍ଭ ହୋଇଥିଲା ହାଇକୋର୍ଟରେ ଏହି ମାମଲାର ଶୁଣାଣି । କୋର୍ଟ ମାମଲାର କୌଣସି ଅଭିଯୁକ୍ତ ଓ ଅନ୍ୟ ସମ୍ପୃକ୍ତ ବ୍ୟକ୍ତିଙ୍କ ନାମ ଗଣମାଧ୍ୟମ ଓ ସାମାଜିକ ଗଣମାଧ୍ୟମରେ ପ୍ରକାଶ ନକରିବା ପାଇଁ ନିର୍ଦ୍ଦେଶ ଦେଇଥିଲେ । ଏହା ସହ ରାଜ୍ୟର ସମସ୍ତ ଥାନାରେ ସିସିଟିଭି ଳାଗିବା ଓ ବର୍ତ୍ତମାନର ସ୍ଥିତି ସମ୍ପର୍କରେ ଏଡିଜି (ଆଧୁନିକୀକରଣ) ଦୟାଲ ଗଙ୍ଗଓ୍ବାରଙ୍କୁ ନିର୍ଦ୍ଦେଶ ଦେଇଥିଲେ । ଏହା ସହ ସରକାରଙ୍କ ଅନୁରୋଧ ଆଧାରରେ ମାମଲାର ପ୍ରତ୍ୟକ୍ଷ ତଦାରଖ କରିବାକୁ ମଧ୍ୟ କୋର୍ଟ ମନା କରିଥିଲେ । ଏଥିରେ କୋର୍ଟଙ୍କ ତଦାରଖ କରିବାର ଅବଶ୍ୟକତା ନଥିବା ଖଣ୍ଡପୀଠ କହିଥିଲେ ।
ଇଟିଭି ଭାରତ, କଟକ
