ଭୁବନେଶ୍ବର:ପୂର୍ବତନ ପିସିସି ସଭାପତିଙ୍କ ଘରେ ଇଡି ରେଡ୍ । ପୂର୍ବତନ ପ୍ରଦେଶ କଂଗ୍ରେସ କମିଟି ଅଧ୍ୟକ୍ଷ ନିରଞ୍ଜନ ପଟ୍ଟନାୟକଙ୍କ ୫ଟି ଠିକଣାରେ ଚଢାଉ କରିଛି ଇଡି । ପ୍ରବର୍ତ୍ତନ ନିର୍ଦ୍ଦେଶାଳୟ ପକ୍ଷରୁ ବିଭିନ୍ନ ସ୍ଥାନରେ ଚଢାଉ ସହ ଆର୍ଥିକ କାରବାର ନେଇ ଖୋଳତାଡ କରାଯାଇଛି ।
କେଉଁଠି ହୋଇଛି ରେଡ୍:
ନିରଞ୍ଜନଙ୍କ ନୟାପଲ୍ଲୀ ସ୍ଥିତ ଘର, ମଞ୍ଚେଶ୍ବରରେ ଥିବା ଏକ କାର୍ଯ୍ୟାଳୟ , ଭୁବନେଶ୍ୱର ଫରେଷ୍ଟ ପାର୍କ ନିକଟ ଘର ଓ ଶିଶୁପାଳଗଡ ସ୍ଥିତ ଏକ ଫାର୍ମ ହାଉସ ସହ ରାଉରକେଲାରେ ଏକ ସ୍ଥାନରେ ମଧ୍ୟ ଚଢାଉ ହୋଇଛି । ଇଡି ପକ୍ଷରୁ ଦିଆଯାଇଥିବା ସୂଚନା ଅନୁସାରେ, ପ୍ରିଭେନସନ ଅଫ ମନି ଲଣ୍ଡରି ଆକ୍ଟ (PMLA) ରେ ଆର୍ଥିକ କାରବାର ନେଇ ଏହି ରେଡ ଜାରି ରହିଛି । ରେଡ ଜାରି ରହିଥିବାରୁ ଏନେଇ ଅଧିକ ସୂଚନା ଦିଆଯାଇନାହିଁ । କିନ୍ତୁ ନିରଞ୍ଜନ ପଟ୍ଟନାୟକ ନୁହନ୍ତି ତାଙ୍କ ଭାଇ ଡି ଆର ପଟ୍ଟନାୟକଙ୍କ ସମ୍ପର୍କିତ ସଂସ୍ଥା ଉପରେ ମଧ୍ୟ ଇଡି ଚଢାଉ କରିଥିବା ନେଇ ପ୍ରବର୍ତ୍ତନ ନିର୍ଦ୍ଦେଶାଳୟ ଅଧିକାରୀଙ୍କ ପକ୍ଷରୁ ସୂଚନା ମିଳିଛି।
ସକାଳୁ ସନ୍ଧ୍ୟା ଯାଏଁ ଚଢାଉ:
ସୂଚନା ମୁତାବକ, ଏକ କାରରେ ୮ଜଣ ଇଡି ଅଧିକାରୀ ଦିନ ପ୍ରାୟ ୧୧ଟା ସମୟରୁ ରେଡ ଜାରି ରଖିଥିଲେ । ଘରେ ଥିବା ଆସବାବପତ୍ର, ଗହଣା, ଟଙ୍କା ଓ ଅନ୍ୟାନ୍ୟ ଦାମି ଜିନିଷର ହିସାବ ନିକାଶ କରିଥିଲେ ଅଧିକାରୀ । ଏପରିକି ଘର କିଛି ଲୋକଙ୍କୁ ମଧ୍ୟ ଏନେଇ ପଚରା ଉଚରା କରିଥିଲେ । କେବଳ ସେତିକି ନୁହେଁ, ଫରେଷ୍ଟ ପାର୍କ ନିକଟରେ ଥିବା ଘରେ ଆର୍ଥିକ କାରବାର ନେଇ ତନାଘନା କରିଥିଲେ ଟିମ୍ । ନିରଞ୍ଜନ ପଟ୍ଟନାୟକଙ୍କ ଭାଇ ଡିଆର ପଟ୍ଟନାୟକ ସମ୍ପର୍କିତ ସଂସ୍ଥା ଉପରେ ମଧ୍ୟ ରେଡ୍ ହୋଇଛି । ଶିଶୁପାଳଗଡ଼ ନିକଟରେ ଥିବା ଫାର୍ମ ହାଉସକୁ ମଧ୍ୟ ଯାଇଥିଲେ ଏହି ଟିମ୍ । ସେହିପରି ମଞ୍ଚେଶ୍ବରରେ ଥିବା ଅଫିସ ବ ଗାଡି ସୋରୁମ ସମ୍ପର୍କିତ ମଧ୍ୟ ଛାନଭିନ ହୋଇଛି । କେବଳ ଭୁବନେଶ୍ୱର ନୁହେଁ, ଇଡିର ରାଉରକେଲାରେ ମଧ୍ୟ ଚଢାଉ କରିଛି ଟିମ୍ । ସନ୍ଧ୍ୟା ପ୍ରାୟ ୬ଟା ପର୍ଯ୍ୟନ୍ତ ରେଡ କରି ଫେରିଛନ୍ତି ଟିମ୍ ।
ଏହା ବି ପଢନ୍ତୁ...ଖଲ୍ଲିକୋଟରେ ବଡ଼ ଧରଣର ରେଡ୍, ଲକ୍ଷ ଲକ୍ଷ ଲିଟର ଦେଶୀ ମଦ ଜବତ